Mmla'n 17:12 - NYANMIƐN NDƐ'N 1998

¹² Ndɛ nga Nyanmiɛn nyrun jranfuɛ b'ɔ di junman Anannganman amun Nyanmiɛn'n i sua'n nun'n annzɛ jɔlɛ difuɛ'n be kan'n, sɛ wun tufuɛ wie fa-man su'n, man be kun i sɔfuɛ'n. Amun `yi sa tɛ'n Izraɛl mɛn'n nun kɛ ng'ɔ o lɛ'n sa.

Mmla'n 17:12 ပူးပေါင်းရင်းမြစ်များ

Ɛsdras 10:8

Nan sran ng'ɔ ´ju cɛn nsan nan ɔ'a ba-man'n, famiɛn i awlo lɔ sran dandan mun nin siefuɛ'm be waan be `de i bo ninnge mun be `sie. Yɛ be `fuɛn i bɔbɔ'n Izraɛl nvle'n nun.

Jue Mun 19:13

Kɛ sran yo sa'n, nɛ́n i ngba yɛ ɔ wun i kɛ nga ɔ'a yo-man kpa-a. Ɔ man sa nga n yoli bɔ m'an wun-mɛn i'n, yaci cɛ min.

Nyanndra Mun 21:11

Kɛ be ´tu sran b'ɔ yo i wun dandan'n i fɔ'n, sinnglinfuɛ b'ɔ o lɛ'n ɔ fa tu i wun fɔ nun. Sran nga b'ɔ ti ngwlɛlɛfuɛ'n, be kan ndɛ be kle i-ɔ ɔ fa.

Ndɛ Nga Nyanmiɛn I Nuan Ijɔfuɛ Oze Kannin'n 4:4

Nán kɛ sran'm be kwlakwla yɛ m ´man be ndɛ-ɔ. Nán kɛ sran'm be kwlakwla yɛ n ´ijɔ be-ɔ. Wɔ bɔ a ti min nyrun jranfuɛ'n bé su kpɛn'n yɛ e nin wɔ lɛ i-ɔ .

Zakari 3:7

Anannganman b'ɔ sie mɛn wunmuan'n wan yoo: «Min atin nga n kle wɔ'n, sɛ a fa su'n, yɛ sɛ a fa mín nuan su ndɛ'n, a ´yo mín sua nin min awlo'n bé su kpɛn. M ´man wɔ su, ɔ man a nin min sufuɛ nga be o wa yɛ mun be ´sɛ.»

Kalɛ 15:30

Sanngɛ sɛ sran kun, sɛ ɔnvuɛ o, sɛ aofuɛ o, bɔ nán sanvuɛsa yɛ ɔ nyɛnnin i-ɔ, nan ɔ yo nyinfu sa'n, be `kɛn i bo min mma'm be afiɛn.

Kalɛ 15:31

Kɛ b'ɔ yoli min ndɛ'n i finfin b'ɔ fɔnnin min mmla'n, i sɔ ti yɛ be `kɛn i bo-ɔ. I bɔbɔ yɛ ɔ ´fɛ i sa tɛ'n i su afɛ nin-ɔn.»

Matthieu 10:14

Sɛ b'a sɔ-man amun nun yɛ sɛ be tie-man amun ndɛ'n, an `jao awlo sɔ'n nun annzɛ klɔ sɔ'n su. Yɛ kɛ amun ´kɔ'n an `kpukpu amún ja wun ndutre'n guɛ i lɛ.

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

Jean 12:48

Sran ng'ɔ sɔ-man min nun b'ɔ fa-man min ndɛ'n su'n, sran ng'ɔ nin i be ´di jɔlɛ'n wo lɛ. Ndɛ nga n kannin'n su yɛ be wa jran bu i fɔ mɛn'n i awieliɛ-ɔ.

Jean 20:23

Be nga an yaci be wun sa'n cɛ be'n, Nyanmiɛn ´yaci cɛ be, yɛ be nga an yaci-man bé wun sa'n cɛ-man be'n, bé wun sa liɛ'n ´ka bé wun.

1 Korɛntfuɛ Mun 5:13

Be bɔ be nin ye ti-man kun'n, Nyanmiɛn yɛ ɔ nin be lɛ i-ɔ. An `kan sa tɛ yofuɛ'n i bo amun nun lɛ .

Mmla'n 1:43

N kɛnnin sɔ n kleli amun, sanngɛ amu'an fa-man amun ti b'a de-man. Amun yoli nyin kekle Anannganman su. Amun sili amun wue nun be ɔli oka-oka lika'n nun lɔ,

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Mmla'n 13:11

Amun `fin be yɛbuɛ kun be, afin be waan amun kaci amun sin si Anannganman amun Nyanmiɛn'n b'ɔ yili amun kanga nun Ezipt mɛn'n nun lɔ bali'n.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 17:13

Kɛ Izraɛlfuɛ'm be ´ti'n, srɛ wa kun be, kpɛkuun sran uflɛ su tu-mɛn i wun sɔ kun.

Mmla'n 17:7

Sɛ ɔ ti i kunlɛ'n, lalofuɛ'm be yɛ be `dun mmua fin i yɛbuɛ nan sran'm be kwlaa b'a fin i wie-ɔ. Amun `yi sa tɛ'n amun afiɛn kɛ ng'ɔ o lɛ'n sa.

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Mmla'n 18:5

Afin be yɛ Anannganman amun Nyanmiɛn'n ɔ niannin amun akpasua'm be nun, nan ɔ'a kpa be nin be osu nunfuɛ'm be kɛ be jrɛn i nyrun nan be su i titi nin-ɔn.

Mmla'n 18:7

man ɔ su Anannganman i Nyanmiɛn'n kɛ i niaan Levifuɛ nga be jran Anannganman nyrun lika sɔ'n nun lɔ'n sa.

1 Tɛsalonikfuɛ Mun 4:2

Afin an si afɔtuɛ nga e Min Jésus man e fa mannin amun'n.

1 Tɛsalonikfuɛ Mun 4:8

I sɔ'n ti, sran ng'ɔ fa-man ndɛ sɔ su'n, nán sran yɛ ɔ'a bu-mɛn i sran-an, Nyanmiɛn b'ɔ fɛli i Wawɛ'n mannin amun'n yɛ ɔ'a bu-mɛn i sran-an.

1 Timote 5:20

Sanngɛ be nga be yo sa tɛ'n, tu be fɔ sran'm be kwlaa be nyrun, nan srɛ kun be nga'm be kusu wie.

Zozie 1:18

Sran kwlaa ng'ɔ yo nyin kekle ɔ su'n, bɔ a se i sa-a, ɔ ti-man'n, e ´kun i. Ɔ li, jran kekle, yo yakpafuɛ.»

Jɔlɛ Difuɛ Mun 20:13

Amun `yi Gibea lɔ finfinfuɛ sɔ mun man e nan e kun be, nan sa tɛ sɔ'n nunnun Izraɛl nvle'n nun.» Sanngɛ Bɛnzamɛn akpasua su sran'm b'a tie-man be niaan Izraɛlfuɛ'm be nuan su ndɛ'n.

1 Samiɛl 3:13

N seli i kɛ nyrɛnnɛn nga n ´fa yi i awlofuɛ'm bé su'n, be ´ka nun titi, afin kɛ i mma'm be yoli min finfin'n, ɔ tili, sanngɛ ɔ'a tu-man be fɔ.