Mmla'n 17:11 - NYANMIƐN NDƐ'N 1998

¹¹ Amun `nian mmla nga be kleli amun'n nin ndɛ'n i buwlɛ nga be kleli amun'n i su be `yo. Nán amun yi wie fi ase.

Mmla'n 17:11 ပူးပေါင်းရင်းမြစ်များ

2 Samiɛl 14:19

Famiɛn'n usɛli i kɛ: «?A nin Zoab amu'an cici-man yɛ ɔ o lɛ-ɔ?» Bla'n waan: «Nannan, n kan ɔ ti, nán ato sa yɛ a usali-ɔ. Sakpa, Zoab b'ɔ ti ɔ sufuɛ'n yɛ i waan n kan-an. Ndɛ nga n kɛnnin lɛ'n kwlaa i yɛ ɔ fa wlali mín nuan-an.

Nyanndra Mun 4:27

Nán kɔ bɛ su, nán kɔ fama su, nán fa atin tɛ su.

Saun Yolɛ 10:11

Yɛ mmla nga bɔ n kleli Moiz'n, bɔ i kusu ɔ kleli amun'n, i blɛ nga bɔ sɛ amun wa ´kan kle Izraɛlfuɛ mun'n, nán amún nuan kan nzan ng'ɔ bo'n i wie fi.»

Mmla'n 17:10

Kpɛkuun ndɛ nga be kan kleli amun lika nga Anannganman kleli'n nun lɔ'n, amun `niɛn i kwlaa su kan.

Mmla'n 17:20

I liɛ'n, ɔ su tu-mɛn i wun guɛ-mɛn i wiengu'm bé su, kpɛkuun ɔ su fɔn-man mmla'n i nun ndɛ'm be nun. Ɔ man ɔ nin i osu nunfuɛ mun be ´cɛ Izraɛl bia'n su.

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.

Mmla'n 28:14

Nán amun yaci mmla nga n ´fa man amun ndɛ yɛ'm be lɛ kɛ amun ´nian bɛ nin fama. Nán amun fa bé wun ko man like uflɛ kɛ amun ´sɔ be.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Tite 3:1

Kpɛn bé wla kɛ be bu be nga be sie be'n nin be nga be jran bé ja nun'n be sran, man bé nyin yi be, sa kpa kwlaa nga be se be kɛ be yo'n, man be yo.

Zozie 1:7

Jran kekle, ?A ti? Yo yakpafuɛ. Nian mmla nga min sufuɛ Moiz fa mannin wɔ'n i kwlaa su. Nán nian bɛ, nán nian fama. Sɛ a yo sɔ'n, like kwlaa nga bɔ a yo'n ɔ ´yo ye.

Zozie 23:6

Sanngɛ amun `kplin amún nyin kpa, amun `nanti mmla nga be klɛli i Moiz fluwa nun'n su. Nán amun nian bɛ su, nán amun nian fama su.

2 Piɛr 2:10

Be nga be liɛ'n ´yo tɛ tra su'n yɛlɛ be nga be konvi sɔ sa tɛtɛ'm be yolɛ'n, bɔ be bu-man Nyanmiɛn i like fi'n. Be yo sa nyin kekle su, yɛ be yo be bɔbɔ be klun sa. Be sro-man nyanmiɛn su lɔ sran nga be lɛ nyrun'n be nzowa kpɛlɛ.

Jude 1:8

Ndɛkɛn sran sɔ'm be si sɔ, sanngɛ be bu akunndan tɛtɛ'n lele be saci, be bu-man Nyanmiɛn like fi, yɛ be kpɛ nyanmiɛn su lɔ sran nga be lɛ nyrun'n be nzowa.