Mmla'n 16:8 - NYANMIƐN NDƐ'N 1998

⁸ Amun `di kpaun nga kpaun ayre nun-man nun'n cɛn ba nsiɛn. I le nso'n su'n, amun `yia be manman Anannganman amun Nyanmiɛn'n. Cɛn sɔ'n nun nán amun yo junman fi.

Mmla'n 16:8 ပူးပေါင်းရင်းမြစ်များ

2 Be Nyoliɛ 7:9

I le mɔcuɛ su'n, be yiali yialɛ kpa, afin be fali cɛn ba nso be yili Nyanmiɛn sɔwlɛ'n i nglo. Yɛ be fali cɛn ba nso be dili cɛn ekun.

Neemi 8:18

Kɛ ɔ fɛ i cɛn klikli'n lele bɔ be cɛn dilɛ'n ´fa wie'n, be kanngannin Nyanmiɛn mmla fluwa'n nun tititi. Be dili le nso, i le mɔcuɛ'n su'n, be kwlaa be yoli anyia dan kpa kun likawlɛ kɛ mmla'n kannin'n sa.

Zoɛl 1:14

Amun `kle nglɛmun cilɛ blɛ kun. Amun `flɛflɛ amun wun nan an `yia anyia dan kpa kun. Amun `yia ngbɛn mun ɔ nin klɔ'n su sran'm be kwlaa Anannganman i sua'n nun lɔ nan an `srɛ tantrantan kpa kɛ ɔ ´de amun.

Saun Yolɛ 23:36

Le mɔcuɛ sɔ'n i aliɛ ba kun nun'n, amun `yi tɛ nga be yrɛ i nnɛn'n kɔlikɔli'n be man min. I le mɔcuɛ'n su'n, amun `yia min dunman nun uflɛ ekun, nan tɛ nga be yrɛ i nnɛn'n, amun `yi be `man min ekun. I cɛn sɔ'n b'ɔ ti anyia'n i atubo'n, junman nga be di i titi'n, nán amun di.

Kalɛ 28:25

Cɛn ba nso'n su'n, amun `yia ekun, yɛ amun `manman min, nán amun di junman fi.»