Mmla'n 16:7 - NYANMIƐN NDƐ'N 1998

⁷ Kpɛkuun amun `tɔn be di i lika nga Anannganman amun Nyanmiɛn'n ɔ kle'n i nun lɔ. Kpɛkuun nglɛmun amun `sa amún sin wɔ amun tranwlɛ.

Mmla'n 16:7 ပူးပေါင်းရင်းမြစ်များ

2 Famiɛn Mun 23:23

Sanngɛ kɛ Zozias yoli famiɛn'n, i afuɛ blu-nin-mɔcuɛ'n su yɛ be dili Delɛ-cɛn'n i wafa kɛ ng'ɔ o lɛ'n sa be fa manmannin Anannganman Zerizalɛm lɔ-ɔ.

2 Be Nyoliɛ 35:13

Be nyintɔnnin bua sɔ mun bɔ be fa yili Delɛ-cɛn'n i tɛ'n, sanngɛ tɛ nnɛn kun mun'n, be tɔnnin be blalɛ sɛ nin sɛ uflɛ dandan wie'm be nun, ɔ nin like uflɛ'm be nun. Kɛ be yoli sɔ wieli'n be ko mannin Izraɛlfuɛ'm be wie ndɛndɛ.

Jean 11:55

Kɛ Zuif'm bé cɛn bɔ be flɛ i Delɛ-cɛn'n ɔ wa ju'n, sran kpanngban be fin klɔklɔ'm be su be dun mmua kɔ Zerizalɛm be ko yo bé wun saun nan Delɛ-cɛn'n sɔ'n ɔ'a ju.

Jean 2:13

Kɛ Zuif'm be Delɛ-cɛn'n wa ju'n, Jésus ɔli Zerizalɛm.

Jean 2:23

Kɛ Jésus o Zerizalɛm lɔ Delɛ-cɛn'n nun bɔ be wunnin atrɛ b'ɔ yili be'n, sran kpanngban be lafili i su.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 16:2

Delɛ-cɛn dilɛ nun'n, amun `wɔ lika nga Anannganman kle kɛ lɛ yɛ ɔ ´tran'n i nun lɔ, amun `kun bua nin boli, ɔ nin nannin be fa man Anannganman amun Nyanmiɛn'n.

Mmla'n 16:6

Klɔ nga Anannganman amun Nyanmiɛn'n ko kle kɛ lɛ yɛ ɔ ´tran'n, i su yɛ amun `kun Delɛ-cɛn'n i nnɛn'n nan amun di-ɔ. Amun `kun nnɛn'n nnɔsua kɛ sɛnzɛ'n ɔ'a tɔ'n, afin dɔ kunngba sɔ'n su yɛ amun tuli Ezipt lɔ-ɔ.