Mmla'n 16:22 - NYANMIƐN NDƐ'N 1998

²² Nán amun taka amuɛn wie i yɛbuɛ. Anannganman amun Nyanmiɛn'n klo-mɛn i sɔ like'n mlɔnmlɔnmlɔn.

Mmla'n 16:22 ပူးပေါင်းရင်းမြစ်များ

1 Famiɛn Mun 14:23

Be kusu be kplannin sraka yiwlɛ lika nga be o kpɔlɛ'm be su mun. Be takali waka sran, ɔ nin Astarte waka nga be sɔ be kpɔlɛkpɔlɛ'm be kwlaa su, ɔ nin waka bɔ nnya o be su'n bé bo .

2 Famiɛn Mun 17:10

Be takali yɛbuɛ sran mun, be takali waka nga be sɔ be kpɔlɛ nglo-nglo nin waka nga nnya o bé su'n be kwlaa bé bo.

Ezipt Lɔ Tulɛ'n 20:4

Nán yo amuɛn fi, nán yo like wie fi b'ɔ fa nglo lɔ like, annzɛ asiɛ'n su wa like, annzɛ b'ɔ fa nzue b'ɔ o asiɛ'n i bo lɔ'n i nun like.

Ezipt Lɔ Tulɛ'n 34:13

Amun `bubu be amuɛn sɔwlɛ mun. Amun `bubu be yɛbuɛ nga be takali be'n, ɔ nin be waka nga be sɔ be'n.

Zeremi 44:4

N sunmannin min sufuɛ'm be kwlaa bɔ be ti min nuan ijɔfuɛ mun bé wun. M'an yaci-man be sunmanlɛ le. N yoli man be seli be kɛ: tete sa'n ɔ ti min ciliɛ, nán amun yo be.

Saun Yolɛ 26:1

«Nán amun kpɛ amuɛn ba. Waka sran nga be taka'n, ɔ nin yɛbuɛ amuɛn nga be taka'n, nán amun yo wie. Nán amun fa yɛbuɛ be sɛ amuɛn be klɛ i wun wɛnkɛɛn kɛ amun ´fa sie amun mɛn'n nun wa nan amun sɔ i. Afin min yɛ n ti Anannganman amun Nyanmiɛn nin-ɔn.

Zakari 8:17

Nán an bu be wiengu wun akunndan tɛ. Nán an ta nda ngbɛn-ngbɛn. Min ciliɛ mun yɛ be o lɛ.» Anannganman b'ɔ sie mɛn wunmuan'n yɛ ɔ kan sɔ-ɔ.

Mmla'n 12:31

Nán amun su Anannganman amun Nyanmiɛn'n kɛ be fa sɔ be amuɛn'm be sa. Afin tete sa nga Anannganman klo-mɛn i'n yɛ be yo man be amuɛn mun-ɔn. Be yi be mma yasua nin bla mun sin nun be fa yi sraka man be amuɛn sɔ mun bɔbɔ.

Mmla'n 4:16

Nán amun yo like wie b'ɔ ti like wie nzɔliɛ amun fa saci amún wun. Nán amun yo like b'ɔ ti amuɛn'm be nzɔliɛ. Nán amun yo like wie b'ɔ ti sran yasua annzɛ bla wie nzɔliɛ,

Mmla'n 4:23

I sɔ'n ti, amun `nian amún wun su kpa, nán amún wla fi aenguɛ nga Anannganman amun Nyanmiɛn'n nin amun trali'n su. Nán amun yo like wie b'ɔ ti kɛ like wie nzɔliɛ sa. Anannganman amun Nyanmiɛn'n ɔ tannin amun kɛ nán amun yo sɔ.

Mmla'n 4:25

Kannzɛ amun cɛ mɛn nga nun wa bɔ amun ´wu ba mun, bɔ amun ´nyan anunman mun'n, sanngɛ nán amun yo like wie b'ɔ ´yo like wie nzɔliɛ b'ɔ ´saci amun-ɔn. Yɛ nán amun yo like fi bɔ Anannganman amun Nyanmiɛn'n ɔ klo-mɛn i b'ɔ fɔkɔ i anwlɛn.

Sa nglô yile 2:15

I kunngba nin-ɔn, amun nun wie'm be fa like nga Nikolafuɛ'm be kle'n su, kɛ be kusu be fali Balaam i ndɛ'n su'n sa.

Sa nglô yile 2:6

Sa nga an yo b'ɔ ti kpa kan'n, yɛlɛ kɛ an klo-man sa nga Nikolafuɛ'm be yo be'n, bɔ n kusu n klo-man be'n.