Mmla'n 16:20 - NYANMIƐN NDƐ'N 1998

²⁰ Man nanwlɛ dilɛ'n yo cinnjin amún sa nun nan amu'an ka nguan nun, nan amu'an kwla mɛn nga Anannganman amun Nyanmiɛn'n ɔ'a fa man amun'n i fa.

Mmla'n 16:20 ပူးပေါင်းရင်းမြစ်များ

Nyanndra Mun 11:19

Nian, kpa yolɛ'n ɔ man be nguan tɛnndɛn. Sran nga kusu bɔ klunwi cɛ yɛ ɔ yo'n ɔ ´wu i nuan wie.

Ezekiɛl 18:5

Sran ng'ɔ ti kpa'n, b'ɔ yo sa sein'n, b'ɔ yo sa i nuan su'n,

Ezekiɛl 18:9

Ɔ fa mín nuan su ndɛ'n nin min mmla nga n kleli'n kwlaa su kpa. I sɔ sran liɛ'n ti sran kpa, ɔ ´nyan nguan.» Anannganman Nyanmiɛn'n yɛ ɔ kan sɔ-ɔ .

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Rɔmfuɛ Mun 10:5

Afin Moiz kannin mmla'n bɔ be fa su yɛ be yo sran kpa'n i ndɛ kɛ: «Sran ng'ɔ fa mmla'n su'n, ɔ ´nyan nguan .»

Mmla'n 16:21

Nán amun taka amuɛn b'ɔ ti waka'n i wie fi Anannganman amun Nyanmiɛn'n i sɔwlɛ nga amun kplan'n i wun lɛ.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.