Mmla'n 16:18 - NYANMIƐN NDƐ'N 1998

¹⁸ Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.

Mmla'n 16:18 ပူးပေါင်းရင်းမြစ်များ

1 Be Nyoliɛ 23:4

David kpali be nun sran akpi-akpi ablaɔn-nin-nnan (24.000) kɛ be nian Nyanmiɛn i sua'n i kplanlɛ junman'n su. Ɔ yili be nun akpi nsiɛn (6.000) kɛ be yo kpɛnngbɛn annzɛ jɔlɛ difuɛ.

1 Be Nyoliɛ 26:29

Zizear osu nun'n, Kɛnania nin i mma'm be liɛ'n, nán Nyanmiɛn i sua'n nun yɛ be di be junman liɛ nin-ɔn. Be nian mmla'n su, yɛ be ti jɔlɛ difuɛ.

Ɛsdras 7:25

Ɛsdras, wɔ kusu Nyanmiɛn i ngwlɛlɛ'n wo ɔ́ nun. Nian su sie jɔlɛ difuɛ mun, ɔ nin mmla su nianfuɛ mun. Be kwlaa nga be o Efrat'n sin lɔ'n, bɔ be si Nyanmiɛn mmla'n, man be jran su di be jɔlɛ. Be nga be si-mɛn'n be kusu, kle be.

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Ezipt Lɔ Tulɛ'n 21:22

Sɛ sran yasua wie'm be su tu ngondin nan be ko si bla wunnzɛfuɛ bɔ i ba wulɛ cɛn nian ju-man nan ɔ wu ba'n, kannzɛ bɔ kekle ɔ'a ju-man bla'n su'n, bla'n i wun'n ɔ `de be like jɔlɛ difuɛ'm be nyrun.

Ezipt Lɔ Tulɛ'n 21:6

i min'n `fa Nyanmiɛn yo i lalofuɛ, ɔ `fa sran'n mantan anuan'n annzɛ anuan'n i waka'n. Kpɛkuun ɔ `fiti i su'n nin tulie. Kɛ ɔ fin lɛ'n, sran sɔ'n ´su i tititi.

Nyanndra Mun 31:23

Klɔ'n su kpɛnngbɛn'm be nun, i wun'n lɛ nyrun. Kɛ ɔ nin i wiengu mun yia'n, be bu i sran.

Matthieu 5:21

«An tili i kɛ be kan kleli laafuɛ'm be kɛ: ‹Nán kun sran .› Sɛ sran kun kun sran'n, be ´fɛ kɔ jɔlɛ difuɛ'm bé ja su.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Mmla'n 16:17

Sran kun i klun klo like ng'ɔ man'n, ɔ `nian like nga Anannganman i Nyanmiɛn'n mɛnnin i'n su yɛ ɔ `fa man-an.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Mmla'n 17:12

Ndɛ nga Nyanmiɛn nyrun jranfuɛ b'ɔ di junman Anannganman amun Nyanmiɛn'n i sua'n nun'n annzɛ jɔlɛ difuɛ'n be kan'n, sɛ wun tufuɛ wie fa-man su'n, man be kun i sɔfuɛ'n. Amun `yi sa tɛ'n Izraɛl mɛn'n nun kɛ ng'ɔ o lɛ'n sa.

Mmla'n 17:9

Amun `ko wun Levifuɛ bɔ be ti Nyanmiɛn nyrun jranfuɛ mun'n ɔ nin jɔlɛ difuɛ ng'ɔ o lɛ'n be wun. Amun `kan ndɛ'n be kle be man be kle amun i buwlɛ.

Mmla'n 21:2

man amun klɔ kpɛnngbɛn mun nin jɔlɛ difuɛ'm be wɔ be ko sunnzun kan fuɛn'n la lɛ'n nin klɔ nga be mantan lɛ'n be afiɛn'n.

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.

1 Samiɛl 8:1

Kɛ Samiɛl yoli oke'n, ɔ fɛli i mma yasua mun sieli Izraɛl nvle'n su kpɛn.