Mmla'n 16:13 - NYANMIƐN NDƐ'N 1998

¹³ Kɛ amun ko kpɛ amun ble nin amun ɔrz mun, bɔ amun ko wie amun vinyi mma nzue'n i cuɛn'n, amun `di kpata bo tranlɛ cɛn'n lele cɛn ba nso.

Mmla'n 16:13 ပူးပေါင်းရင်းမြစ်များ

2 Be Nyoliɛ 5:3

Izraɛlfuɛ'm be kwlaa be yiali Salomɔn wun lɛ kɛ be ´di cɛn bɔ be di i anglo nso su'n.

2 Be Nyoliɛ 8:13

Tɛ ng'ɔ fata kɛ be nian be cɛn'm be su be yi'n, bɔ Moiz kannin be ndɛ'n, Salomɔn yi be. Ɔ yi wunmiɛn-delɛ-cɛn'n nun liɛ'n mun, nin anglo le kun liɛ'n mun, ɔ nin cɛn dandan nsan nga be di be afuɛ kwlakwla'n be liɛ'n mun. Cɛn dandan sɔ mun'n, kun yɛlɛ kpaun bɔ kpaun ayre nun-man nun'n i cɛn'n, kun yɛlɛ le mɔcuɛ'n i cɛn'n, yɛ kun ekun yɛlɛ kpata'm bé ti cɛn dilɛ'n.

Ɛsdras 3:4

I sin be dili tannin sua'm be cɛn'n kɛ be klɛli i kɛ be di'n sa. Cɛn kwlaa, nnɛn nga be kleli'n, be niɛn i nuan'n su be kun be. Be fa yi tɛ nga be yrɛ i nnɛn'n kɔlikɔli'n.

Ezipt Lɔ Tulɛ'n 23:16

Ble kpɛlɛ cɛn'n i sin kɛ amun ´bo like nga amun luali'm be kpɛlɛ i bo'n, amun `di like kpɛlɛ sɔ'n i cɛn'n. Munngun'n nun afuɛ'n i awieliɛ'n, kɛ bɔ amun ko wie amun fie nga amun dili'n be su ninnge'm be su yiayia'n, amun `di cɛn.

Ezipt Lɔ Tulɛ'n 34:22

Amun `di ble mma klikli'n i kpɛlɛ blɛ'n i cɛn'n, yɛ afuɛ nuan'n i awieliɛ'n, kɛ bɔ amun ko wie amun fie nga amun dili i su ninnge be su yiayia'n, amun `di i su cɛn'n.

Zeremi 40:10

N wo min liɛ Mizpa wa. Babilɔnifuɛ nga be ´ba e mɛn'n nun wa'n, n wo wa n ´sɔ be nun. Amun kusu an `ko yi nzan nin ngo, an `ti waka mma mun, amun `fa be sie amun like siewlɛ'm be nun, nan an `tran klɔ nga an fali be'n be su.»

Kalɛ 15:20

Amun ble sanmlɛn mlɛnnɛnnɛn kpa bɔ amun fɔtɔ be fa tɔn gato'n, i gato klikli'n, amun `fa yi sraka be man min. Ɔ ti kɛ ble mma klikli nga be fa yi sraka man min'n sa.

Jean 7:2

Kɛ ɔ ´yo sɔ'n, wuun Zuif'm be kpata'm be cɛn dilɛ'n ɔ'a mantan.

Mmla'n 31:10

Moiz seli be kɛ: «Afuɛ nuan nso kwlakwla'n, ɔ ti kalɛ yaci cɛlɛ afuɛ'n b'ɔ ti kpata'm be ti cɛn dilɛ blɛ'n,