Mmla'n 16:12 - NYANMIƐN NDƐ'N 1998

¹² Nán amún wla fi su kɛ laa amun ti kanga Ezipt lɔ. Amun `fa mmla nga be `sie, yɛ amun `nian su be nanti.

Mmla'n 16:12 ပူးပေါင်းရင်းမြစ်များ

Efɛzfuɛ Mun 2:11

I sɔ'n ti'n, an `bu wafa nga an ti laa'n i akunndan. Amun bɔ amun osu'n fin-man Zuif'n, Zuif'm bɔ be flɛ be klɛn wlafuɛ'n, bɔ sran yɛ ɔ fɛli i sa wlali be klɛn'n, be se amun kɛ an ti-man klɛn wlafuɛ.

Mmla'n 15:15

Nán amún wla fi kɛ laa amun ti kanga Ezipt mɛn'n nun lɔ yɛ Anannganman amun Nyanmiɛn'n kpɔli amún ti-ɔ. I sɔ'n ti yɛ n fa ndɛ nga n fa sie amun nyrun ndɛkɛn nin-ɔn.

Mmla'n 16:13

Kɛ amun ko kpɛ amun ble nin amun ɔrz mun, bɔ amun ko wie amun vinyi mma nzue'n i cuɛn'n, amun `di kpata bo tranlɛ cɛn'n lele cɛn ba nso.

Mmla'n 16:15

Amun `di cɛn sɔ'n le nso lika nga Anannganman amun Nyanmiɛn'n ɔ kle'n nun, amun `di fa mɛnmɛn i. Amun `yi amun aklunjuɛ i nglo yɛlɛ kɛ Anannganman amun Nyanmiɛn'n yo man amun fie'm be yo kpa, yɛ like kwlaa nga amun yo'n ɔ ´yo ye.

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.