Mmla'n 16:11 - NYANMIƐN NDƐ'N 1998

¹¹ Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 16:11 ပူးပေါင်းရင်းမြစ်များ

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Ezai 64:5

E kwlaa y'a yo kɛ like fiɛn wie sa, yɛ é sa kpa nga e waan y'a yo be'n, be ti kɛ tralɛ bɔ mmoja ɔ'a guagua nun badaa'n sa. E kwlaa e glɔ kɛ waka nnya wie sa. Sɛ e ´kwla se'n, e sa tɛ'm be cuɛn e kɔ kɛ aunngban su fita nnya kee wie kɔ sa.

Zoɛl 1:16

I liɛ'n, kɛ e aliɛ'm be ´saci'n, é nyin ´ta nun. Aunblibliɛ nin aklunjuɛ b'a tu Nyanmiɛn i sua'n nun lɛ.

Abakik 3:18

sanngɛ n liɛ'n, n lɛ aklunjuɛ Anannganman dunman nun, kɛ Nyanmiɛn ti min defuɛ'n ti n lɛ aklunjuɛ .

Rɔmfuɛ Mun 5:11

Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .

2 Korɛntfuɛ Mun 1:24

Nán kɛ e waan e mian amun Nyanmiɛn atin'n su ti-ɔ, afin kɛ an lafi Krist su'n, an jran kekle, sanngɛ e klo kɛ e ´uka amun e ´di junman nan amun klun `jɔ.

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 16:10

kpɛkuun amun `di Pantkɔt'n be `manman Anannganman amun Nyanmiɛn'n. Amun klun klo like nga amun ´man'n, amun `nian ye nga Anannganman amun Nyanmiɛn'n yo amun'n su yɛ amun `mɛn i-ɔ.

Mmla'n 16:14

Amun nin amun mma yasua mun, nin amun mma bla mun, nin amun kanga yasua mun nin amun afanniɛn bla mun, nin Levifuɛ mun, nin aofuɛ nga be sike amun'n, nin aika mma mun, ɔ nin angboti bla nga be nin amun tran likawlɛ'n, man cɛn sɔ'n yo amun aklunjuɛ cɛn.

Mmla'n 26:11

Kpɛkuun amun nin Levifuɛ mun, ɔ nin aofuɛ nga be nin amun tran lɛ mun'n, amun `di cɛn, ye nga Anannganman amun Nyanmiɛn'n ɔ yoli amun nin amun awlofuɛ mun'n ti.

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .