Mmla'n 16:10 - NYANMIƐN NDƐ'N 1998

¹⁰ kpɛkuun amun `di Pantkɔt'n be `manman Anannganman amun Nyanmiɛn'n. Amun klun klo like nga amun ´man'n, amun `nian ye nga Anannganman amun Nyanmiɛn'n yo amun'n su yɛ amun `mɛn i-ɔ.

Mmla'n 16:10 ပူးပေါင်းရင်းမြစ်များ

1 Be Nyoliɛ 29:14

?Wan yɛlɛ min nin min nvle'n nunfuɛ mun bɔ i ti yɛ man e kwla tu e klun e fa ninnge nga mun e man e bɔbɔ e fanngan nun-ɔn? Ninnge'n kwlaa fin wɔ, wɔ yɛ a mannin ninnge nga e fa mannin wɔ yɛ nin-ɔn.

2 Be Nyoliɛ 31:14

Zimna wa Kɔre b'ɔ ti Levifuɛ'n, b'ɔ nian anuan ng'ɔ o wia afiliɛ lɔ'n su'n, i yɛ ɔ sɔ be klun klo ninnge nga be fa man Anannganman'n be nun-ɔn. Yɛ fie su ninnge nga be yi man Anannganman'n nin Anannganman i ninnge kpa tra su mun'n, i yɛ ɔ cɛcɛ be nun-ɔn.

Ezipt Lɔ Tulɛ'n 35:29

Izraɛlfuɛ kwlaa nga be klun ti ufue'n, bla o, yasua o, be tuli be klun be fali be klun klo ninnge mun be blɛli Anannganman kɛ be `fa di junman nga Anannganman seli Moiz kɛ ɔ `di'n.

Nyanndra Mun 10:22

Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Zoɛl 2:14

Atrɛkpa-a, ɔ ´kwla kaci aniɛn, kpɛkuun ɔ ´yo amun ye. Kpɛkuun siɛn'n, an ´kwla fa ble nin nzan be ko mɛn i.

Saun Yolɛ 12:8

Bla ng'ɔ lɛ-man like fi to-man bua'n, ɔ `fa okunmomo nnyɔn, wie kusu-ɔ ablioso nnyɔn. Be `fa anunman'n kun be yi tɛ nga be yi-ɔ be yrɛ i nnɛn'n kɔlikɔli'n. Kpɛkuun be `fa kun'n be `yi min kpatalɛ tɛ'n. Kɛ ɔ ko yo sɔ'n bɔ min nyrun jranfuɛ'n ɔ'a yo i yowlɛ su'n, kpɛkuun fiɛn'n ɔ tu bla'n i wun .»

Saun Yolɛ 23:15

«Cɛn nga bɔ i nun yɛ amun fali like kɛ ble sa i sɔlɛ klikli'n be mannin sran'm be kwlaa be nyrun'n, kɛ i aliɛ cɛn'n, amun `bo le mɔcuɛ'n i kalɛ bo. Amun `ka le mɔcuɛ klonglo nso.

Saun Yolɛ 25:26

Sɛ sran sɔ'n lɛ-man fuɛ wie b'ɔ kpɔ-ɔ ɔ yo ye'n, sɛ ɔ nyɛn i wun alaje'n nan i waan i bɔbɔ ɔ ´ko kpɔ'n,

Saun Yolɛ 5:7

«Sɛ like fi nun-mɛn i sa nun bɔ i ti ɔ kwla to-man bua bla'n annzɛ boli bla'n, ɔ `fa okunmomo nnyɔn, wie kusu-ɔ ablioso nnyɔn. Be `fa kun be fa kpata min. Kun'n kusu ti tɛ nga be yrɛ i nnɛn'n kɔlikɔli'n i liɛ.

Kalɛ 28:26

«Cɛn ng'ɔ ti ninnge'm be mma klikli'n i cɛn'n, bɔ i nun yɛ amun fa amun fie'n su ninnge'm be mma uflɛ-uflɛ'm be man min'n, amun le mɔcuɛ cɛn dilɛ blɛ'n nun'n, amun `yia nan amun `su min, nán amun di junman fi.

Kalɛ 31:28

Be nga be ko kunnin alɛ'n, be ninnge liɛ'm be nun'n, man be yi min liɛ lika'n be man min. Sran ya nnun su'n, man be man min sran kun, nnɛn ya nnun su'n, man be man min nnɛn kun. Sɛ nannin o, sɛ aflunmun o, sɛ bua o, sɛ boli o, min liɛ o nun.

Kalɛ 31:37

Anannganman liɛ nga be yili i nun be mɛnnin i'n ti ya nsiɛn ɔ nin ableso-nin-nso.

1 Korɛntfuɛ Mun 16:2

Kɛ ɔ yo nan b'a minndɛ-man kɛ n ju lɔ nan b'a bo ndɔ'n, mɔnnɛn'n b'ɔ ti le mɔcuɛ'n i cɛn ba klikli'n i kwlaa nun, man amun kwlaa an yiyi sika nga amún sa ju su'n sie.

2 Korɛntfuɛ Mun 8:10

An `nian min akunndan bɔ m bu i sa sɔ su'n yɛ: sɛ an sa like nga bɔ an boli i yolɛ bo afuɛ b'ɔ sin lɔ su'n, ɔ ti kpa, afin amun yɛ an dun mmua buli nɛnnɛn sɔ'n i dilɛ akunndan-an.

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 16:9

Kɛ amun ko bo ble i kpɛlɛ'n i bo'n, amun bo cɛn'n i kalɛ bo lele man ɔ ju le mɔcuɛ nso,