Mmla'n 15:9 - NYANMIƐN NDƐ'N 1998

⁹ Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

Mmla'n 15:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:28

Be yoli man afɛfuɛ mun nin yalɛfuɛ'm be kpan flɛli Nyanmiɛn. Nyanmiɛn kusu tili be aunnvuɛ kpanlɛ'n .

Jue Mun 101:3

Sa ng'ɔ nin yolɛ fata-man'n, ɔ su kpɛn-man n klun kɛ n ´yo. Be nga be kaci bé sin be si wɔ'n, n kpɔ be nantilɛ'n. N su yo-man be aeliɛ'n wie mlɔnmlɔn.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 9:12

Amun `to jue be manman Anannganman b'ɔ tran Siɔn'n. Amun `bo sa dandan ng'ɔ yo be'n be jɔ sin nvle-nvle'm be nun.

Ezipt Lɔ Tulɛ'n 22:22

Sɛ amun yo be tɛtɛ'n, be ´flɛ min kɛ min Anannganman n de be, yɛ n kan kle amun kɛ n ´ti bé flɛlɛ'n.

Ezipt Lɔ Tulɛ'n 22:23

N ´fa ya amun wun, kpɛkuun n ´yo man alɛ ´di amun, yɛ amun yi'm be ´yo angboti, amun mma'm be kusu be ´ka aika.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Nyanndra Mun 21:13

Sran nga bɔ kɛ nyrɛnnɛnfuɛ'n ´kpan-an ɔ bu i sukpɔ nun waka'n, i sɔfuɛ'n, cɛn ng'ɔ ´kpan kɛ: «Be `de min o!» Ɔ su nyan-man sran tɛ-mɛn i su .

Nyanndra Mun 23:6

Sɛ anwɛnfuɛ flɛ wɔ aliɛ su'n, nán di. Nán ɔ konvi trɛn i aliɛ kpakpa'm bé su.

Nyanndra Mun 24:9

Sinnglinfuɛ'n i klun akunndan'n ti tɛtɛ ngunmin. Sran ng'ɔ srisri i wiengu'n, ɔ mɛn i bɔbɔ wun kpɔɛ.

Nyanndra Mun 28:22

Kɛ konvifuɛ'n ɔ `kpli nyɛn i wun'n, ɔ si-man kɛ sa yalɛ'n ɔ wa tɔ i su.

Nyanndra Mun 4:23

Ɔ ti'n bɔ a fa bu akunndan'n, sie i kpa tra ninnge'm be kwlaa, afin i nun yɛ nguan'n i bo'n fin-ɔn.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 34:14

kɛ sɛ sran kun i niaan Ebre kun ko fɛ i wun mɛn i kɛ ɔ ´yo i afanniɛn'n, kɛ ɔ su i afuɛ nsiɛn'n, i afuɛ nso su'n man ɔ yaci i nun nan ɔ wɔ. E nin be e kɛnnin i sɔ sanngɛ b'a di-man su. B'a nian-man ndɛ nga n kannin'n su b'a yo-man.

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Matthieu 20:15

?N lɛ-man atin kɛ n ´fa like ng'ɔ ti n liɛ'n n ´yo like nga n klo'n? ?Nguɛ ti yɛ n klun-ufue bɔ n yo'n, ɔ yo wɔ ya-a?› » Yɛ Jésus seli kɛ:

Mmla'n 15:1

Afuɛ nso kwlaa ng'ɔ ju'n, amun `yaci amun kalɛ ng'ɔ o sran'm bé su'n `cɛ be.

Mmla'n 24:15

Amun `fɛ i akatua'n be `mɛn i cɛn kwlakwla. Amun `fa mɛn i, nan wia'n ɔ'a tɔ, afin ɔ lɛ-man wie, sɛ i sa kɛn i ndɛndɛ'n, ɔ ´yo i fɛ. Sɛ ɔ'a yo-man sɔ nan ɔ sanman amun Anannganman sa nun'n, wuun amu'an yo sa tɛ.

Mmla'n 31:10

Moiz seli be kɛ: «Afuɛ nuan nso kwlakwla'n, ɔ ti kalɛ yaci cɛlɛ afuɛ'n b'ɔ ti kpata'm be ti cɛn dilɛ blɛ'n,

Jacques 4:17

Sran ng'ɔ si kɛ like nga sɛ ɔ yo-ɔ ɔ ti kpa b'ɔ yo-man'n, wuun ɔ'a yo sa tɛ.

Jacques 4:5

?Nyanmiɛn Ndɛ nga be klɛli i kɛ Nyanmiɛn Wawɛ'n b'ɔ fa mannin ye'n jrɛn i nuan si i ti kwla'n, an bu i kɛ be klɛli i ngbɛn ?

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Jacques 5:9

Aniaan mun, nán an kan amun wiengu wun ndɛ tɛ man Nyanmiɛn bu amun fɔ, afin i yɛ ɔ ti Jɔlɛ Difuɛ nin-ɔn, ɔ jin anuan'n sin.

1 Piɛr 4:9

Sran ng'ɔ to amun'n, an `sike i, nán an ijɔ amun konviabo.