Mmla'n 15:7 - NYANMIƐN NDƐ'N 1998

⁷ Sɛ amun niaan yalɛfuɛ kun wo amun afiɛn mɛn nga Anannganman amun Nyanmiɛn'n ɔ'a fa man amun'n nun'n klɔ wie su'n, sɛ ɔ usa amun afɛ'n, nán amun kete amun anwlɛn'n, amun `bo i bosia ng'ɔ usa'n.

Mmla'n 15:7 ပူးပေါင်းရင်းမြစ်များ

Neemi 5:1

Yasua nin bla wie'm be fali ya be niaan Zuif'm be bue bé wun.

Ɛstɛr 9:19

I sɔ'n ti yɛ man Zuif nga be tran klɔ kanngan nin nanmue'm be nun'n, be fa Adar anglo'n i le blu-nin-nnan su'n be fa yo bé cɛn be di nin-ɔn. Cɛn sɔ'n nun be klun jɔ kpa. Be di like kpanngban, yɛ be cɛ be wiengu be like diwa.

Ɛstɛr 9:22

Cɛn dilɛ sɔ'n ´kpɛn be wla kɛ cɛn sɔ'n nun yɛ be nyannin alaje be kpɔfuɛ'm be sa nun-ɔn. Anglo'n kusu ´kpɛn bé wla kɛ i nun yɛ bé sa yalɛ'n kacili be cenjele sa nin-ɔn. Nan i ti, be `fa yo cɛn be `di nan be klun `jɔ, be `man be wiengu'm be like, be `cɛ yalɛfuɛ'm be like.

Ezipt Lɔ Tulɛ'n 22:25

Sɛ a fa ɔ wiengu kun i tralɛ kɛ aowa sa'n, dun mmua fa mɛn i nan wia'n ɔ'a tɔ,

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 21:13

Sran nga bɔ kɛ nyrɛnnɛnfuɛ'n ´kpan-an ɔ bu i sukpɔ nun waka'n, i sɔfuɛ'n, cɛn ng'ɔ ´kpan kɛ: «Be `de min o!» Ɔ su nyan-man sran tɛ-mɛn i su .

Ezai 58:10

sɛ amun fa amun bɔbɔ amun like nga amun di'n i wie man sran nga awe kun i'n, sɛ amun man sran ng'ɔ ti yalɛfuɛ'n i aliɛ'n, sɛ n ´kwla se'n, amún kannin'n ɔ ´fuan aosin'n bɔ amun o nun'n, yɛ lika tuun bɔ amun tran nun'n, ɔ ´yo weiin kɛ wia jran sa.

Saun Yolɛ 25:35

«Sɛ yalɛ di amun niaan kun nan i sa ɔ'a mian'n, ɔ fata kɛ amun ukɛ i nan ɔ'a kwla di alaje nan ɔ'a tran amún wun lɛ. Sɛ aofuɛ wie o amún wun lɛ'n nan ɔ nin amun yɛ be tran lɛ'n, nantilɛ kunngba ng'ɔ o lɛ'n yɛ amun nin i be `nanti-ɔ.

Matthieu 18:30

Sanngɛ i liɛ su ɔ'a kplin-man su, ɔ ko wlɛli i bisua, lele san ɔ wieli kalɛ sɔ'n tua.

Matthieu 5:42

Sran ng'ɔ srɛ ɔ like'n, fa mɛn i, yɛ sran ng'ɔ klo kɛ ɔ ´fɛ like ɔ́ sa nun'n, nán kaci ɔ́ sin si i .»

Mmla'n 15:11

Yalɛfuɛ sa'n, ɔ ti-man kɛ be ´tu amun mɛn'n nun mlɔnmlɔn. I sɔ'n ti yɛ n kan kle amun kɛ sɛ amun mɛn'n nun yalɛfuɛ annzɛ aunnvuɛfuɛ wie i sa mian like wie wun'n, amun `fa mɛn i nin-ɔn .

Mmla'n 15:9

Amun `nian amún wun kpa, nán amun bu akunndan tɛ se kɛ: «Afuɛ'n i nso su b'ɔ ti kalɛ'n i yaci cɛlɛ afuɛ'n ɔ'a mantan.» Sɛ ɔ yo sɔ'n, amun su si-man amun niaan yalɛfuɛ'm be aunnvuɛ, kpɛkuun sɛ be srɛ amun like'n, amun su man-man be. Be kusu be ´kpan flɛ Anannganman be ´kan kle i, kpɛkuun Anannganman ɔ ´bu amun fɔ.

Mmla'n 24:14

Nán amun nian kɛ amun junman difuɛ'n ti yalɛfuɛ b'ɔ lɛ-man nyrun'n ti amun bu i lufle. Sɛ ɔ ti Izraɛlfuɛ o, sɛ ɔ ti aofuɛ wie b'ɔ tran amun mɛn'n nun klɔ kun su o, nán amun bu i lufle.