Mmla'n 15:6 - NYANMIƐN NDƐ'N 1998

⁶ Sɛ Anannganman amun Nyanmiɛn'n ko yo amun ye kɛ ɔ kan kleli amun'n sa'n, amun ´bo nvle sunman be bosia, sanngɛ amun liɛ'n, amun su usa-man afɛ. Amun ´sie nvle sunman, sanngɛ amun liɛ'n, be wie fi su sie-man amun.

Mmla'n 15:6 ပူးပေါင်းရင်းမြစ်များ

1 Be Nyoliɛ 17:27

Ɔ bɔbɔ ɔ klun-ufue su a yrali min osufuɛ'm be nguan. Ɔ waan be yɛ be ´sie e mɛn'n tititi-ɔ. Anannganman, like nga a ko yra ɔ nuan klanman ko mɛn i'n, ɔ yo kpa tititi.»

2 Be Nyoliɛ 9:26

Famiɛn nga be o Efrat nzue'n nuan lele fa ju Filistifuɛ'm be mɛn'n nun'n nin Ezipt anyialiɛ'n su lɔ'n, Salomɔn sie be.

Ɛsdras 4:20

Famiɛn dandan wie'm be trannin lɔ, be sieli nzue'n i sin lɔ lika wunmuan'n, be deli lapo fanunfanun mun, yɛ be deli be nga be sin be mɛn'n nun lɛ'm be sika.

Neemi 9:27

Yɛ ɔ kusu a fali be wlali be kpɔfuɛ'm bé sa nun. Be kleli be yalɛ. Kɛ be ´wun be nyrun'n, be kpan flɛli wɔ. Ɔ kusu a o nyanmiɛn su lɔ a tili. A mannin be defuɛ mun, be deli be be kpɔfuɛ'm bé sa nun.

Jue Mun 112:5

Sran b'ɔ si aunnvuɛ'n, bɔ be srɛ i like-ɔ, ɔ man'n, sa kpa yɛ ɔ'a yo-ɔ. Sran b'ɔ ´yo i ninnge mun-ɔn ɔ nian mmla'n su yɛ ɔ yo'n, i kunngba nin-ɔn .

Jue Mun 37:21

Klunwifuɛ'n ɔ usa afɛ-ɔ, ɔ yi-man. Sran kpafuɛ'n ɔ si aunnvuɛ ti sɛ be usɛ i afɛ-ɔ, ɔ man.

Jue Mun 37:26

Be usɛ i afɛ-ɔ, ɔ mɛn i klun-ufue su titi. I mma mun nin i anunman'm be di ye.

Nyanndra Mun 22:7

Sikafuɛ yɛ ɔ sie yalɛfuɛ-ɔ. Sran ng'ɔ fa like sran sa nun'n, ɔ kaci kɛ sran sɔ i akua sa.

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

Mmla'n 15:5

Sanngɛ ɔ fata kɛ amun ti Anannganman amun Nyanmiɛn'n i aniɛn, nan amun `fa mmla nga m ´man amun ndɛ yɛ'n be su.

Mmla'n 28:44

Be bɔ amun ko bo be bosia'n, amun yɛ amun wa usa be afɛ-ɔ. Be yɛ be ´sie amun-ɔn, yɛ amun ´yo be sufuɛ.