Mmla'n 15:19 - NYANMIƐN NDƐ'N 1998

¹⁹ Amun nannin mun, nin amun bua mun, nin amun boli'm be talua ba yasua mun'n, amun `fa be sie be ngunmin nan amun `fa man Anannganman amun Nyanmiɛn'n. Nán amun fa amun nannin tola ng'ɔ ti talua ba'n be fa di junman. Amun bua nga be ti talua ba yasua'n kusu, nán amun kpɛkpɛ be ndrɛ'n.

Mmla'n 15:19 ပူးပေါင်းရင်းမြစ်များ

Ezipt Lɔ Tulɛ'n 13:12

amun `fa amún wa yasua klikli'm be mɛn i. Amun nnɛn'm bé wa yasua klikli'm be kusu be ti i liɛ.

Ezipt Lɔ Tulɛ'n 13:2

«Ba klikli mun'n, fa be wla mín sa nun, afin bla kun i wa yasua klikli'n ɔ nin nnɛn kun i wa yasua klikli'n, be ti min liɛ .»

Ezipt Lɔ Tulɛ'n 22:29

Nannin mun, nin bua mun, ɔ nin boli'm bé wa klikli nga be wu be'n, kɛ be ko di cɛn ba nso be nin bo wun'n, amun `fa be yi tɛ man min be le mɔcuɛ'n su.

Ezipt Lɔ Tulɛ'n 22:30

Amun `yo min liɛ klonglo, ɔ man nán amun di nnɛn nga i wiengu nnɛn tɛ wie ɔ'a kun i fie su lɔ'n, amun `fa man alua mun man be di.»

Ezipt Lɔ Tulɛ'n 34:19

Ba yasua klikli nga be wu i'n ti min liɛ. Nnɛn'm bé wa yasua klikli mun: sɛ nannin ba o, sɛ bua ba o, sɛ boli ba o, be ti min liɛ wie.

Saun Yolɛ 27:26

«Klɔ nnɛn kɛ nannin sa wie kusu-ɔ kɛ bua sa annzɛ kɛ boli sa, ng'ɔ ti talua ba'n, be bo-man wɛ be se-man kɛ b'a fa man min'n. Afin nnɛn'm be talua ba'm be kwlaa be ti min liɛ laa.

Kalɛ 18:15

Like kwlaa i wa klikli nga be fa blɛ min'n, sɛ sran o, sɛ nnɛn o, ɔ ti amun liɛ. Sanngɛ amun `kpɔ sran'm be wa klikli'm be ti, amun `kpɔ nnɛn nga be ti fiɛn'n bé wa klikli'm bé ti wie.

Kalɛ 18:17

Be kpɔ-man nannin ba klikli'n nin bua nga ɔ'a kpɛ cro'n nin boli nga ɔ'a kpɛ cro'n be ti wie, afin be ti min liɛ klonglo. Sɛ amun kun be'n, amun `fa be mmoja'n utu min sɔwlɛ'n su. Yɛ amun `fa be lui lika'n be yi tɛ bɔ be yrɛ i nnɛn'n kɔlikɔli'n, nan ɔ `bɔn min bue nun fannin.

Kalɛ 3:13

Afin talua ba'm be kwlaa be ti min liɛ, kɛ ɔ fin cɛn bɔ n yoli man Eziptfuɛ'm be wa klikli'm be kwlaa be wuli'n, n sieli Izraɛlfuɛ'm be talua ba liɛ'm be nin be nnɛn'm be wa klikli liɛ'm be ngunmin kɛ be `yo min liɛ. Min yɛ n ti Anannganman nin-ɔn.»

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:17

Nán amun tran amun klɔ'm be su be di amun ble'm be blusu mun nin amun ngo'm be blusu mun. Nán amun tran lɔ be nɔn amun nzan lɔflɛ'm be blusu mun. Amun nannin mun, nin amun bua mun, ɔ nin amun boli'm be mma klikli mun, nán amun tran lɔ kun be di. Nda nga amun ta Anannganman'n i nuan ninnge mun, nin amun klun klo sraka mun, ɔ nin amun fie'n su ninnge klikli mun, nán amun tran lɔ di be.

Mmla'n 14:23

Lika nga Anannganman amun Nyanmiɛn'n kle kɛ lɛ yɛ ɔ ´tran'n, amun `wɔ lɔ. Amun `ko di amun ble, nin amun nannin mun, nin amun bua mun, ɔ nin amun boli'm be mma klikli mun. Amun `ko nɔn amun nzan lɔflɛ'n nin amun ngo'n be blusu'n i nyrun lɔ. Kpɛkuun amun nyin `yi Anannganman amun Nyanmiɛn'n titi.

Mmla'n 15:18

Nán man kanga kun nun yacilɛ'n yo amun ya. Kɛ bɔ ɔ'a su amun afuɛ nsiɛn'n, nga amun nyɛn i su'n, ɔ tra nga bɔ be nyɛn i junman difuɛ bɔ be tannin i kalɛ'n i su'n sɔ kpɛ nnyɔn. Yɛ kusu sɛ amun yaci be nun be kɔ'n, Anannganman amun Nyanmiɛn'n ´yo man like kwlaa nga amun yo'n ɔ ´yo ye amun sa nun.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 16:14

Amun nin amun mma yasua mun, nin amun mma bla mun, nin amun kanga yasua mun nin amun afanniɛn bla mun, nin Levifuɛ mun, nin aofuɛ nga be sike amun'n, nin aika mma mun, ɔ nin angboti bla nga be nin amun tran likawlɛ'n, man cɛn sɔ'n yo amun aklunjuɛ cɛn.

Hébreu 12:23

An bali Nyanmiɛn i mma ngbɛn-ngbɛn bɔ be klɛli be dunman nyanmiɛn su lɔ'n bé cɛn dilɛ'n bo nin be anyia'n nun. An bali Nyanmiɛn b'ɔ ti sran'n kwlaa be jɔlɛ difuɛ'n, nin sran kpa nga Nyanmiɛn a kaci be sran kpa mlɔnmlɔn siɛn'n be wawɛ'n,