Mmla'n 15:13 - NYANMIƐN NDƐ'N 1998

¹³ Sanngɛ kɛ amun ´yaci be nun sɔ'n, nán man be toto bé sa be wɔ.

Mmla'n 15:13 ပူးပေါင်းရင်းမြစ်များ

Bo Bolɛ 31:42

Sɛ min nannan Abraam i Nyanmiɛn bɔ min si Izaak sro i'n ɔ'a uka-man min'n, sɛ ɔ nin min nun-man nun'n, wuun m'an nyan-man like fi yɛ a yacili min nun m bali-ɔ. Nyanmiɛn wunnin min wun ase nga n kannin'n nin junman dan nga n dili'n, ɔ man ndɛ kɔnguɛ ɔ seli min kɛ ɔ o min sin.

Ezipt Lɔ Tulɛ'n 3:21

N ´yo man Eziptfuɛ'm be ´yo amun ye, ɔ man amun su fa-man amún sa ngbɛn kɔ-man.

Zeremi 22:13

«Zozakim yako, a su kplan ɔ famiɛn sua'n, sanngɛ a di-man jɔlɛ nanwlɛ nun. A su kplan uflɛ taka su, sanngɛ a nanti-man mmla'n su. Sran'm be di junman man wɔ-ɔ, a tua-man be kalɛ, i sa ka.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Mmla'n 15:12

Sɛ amun niaan Ebre wie, sɛ bla o, sɛ yasua o, be yo be wun atɛ amun sa nun'n, man be su amun afuɛ nsiɛn. I afuɛ nso su'n, amun `yaci be nun man be wɔ.

Mmla'n 15:14

Like nga Anannganman amun Nyanmiɛn'n yoli man amun nyannin be'n, amun `man be wie, amun `man be amun nannin mun, nin bua mun, nin boli mun, nin amun ble, ɔ nin amun nzan'n wie.

Kolɔsfuɛ Mun 4:1

Amun bɔ an lɛ kanga'n, an `yo be kpa, an `yo like ng'ɔ ti su'n man be, afin an si kɛ amun kusu amun Min liɛ'n wo nyanmiɛn su lɔ.