Mmla'n 15:11 - NYANMIƐN NDƐ'N 1998

¹¹ Yalɛfuɛ sa'n, ɔ ti-man kɛ be ´tu amun mɛn'n nun mlɔnmlɔn. I sɔ'n ti yɛ n kan kle amun kɛ sɛ amun mɛn'n nun yalɛfuɛ annzɛ aunnvuɛfuɛ wie i sa mian like wie wun'n, amun `fa mɛn i nin-ɔn .

Mmla'n 15:11 ပူးပေါင်းရင်းမြစ်များ

Ezipt Lɔ Tulɛ'n 23:11

Sanngɛ afuɛ'n i nso'n su'n, yaci asiɛ'n lɛ man ɔ de wunmiɛn kpa. Ɔ nvle'n nun yalɛfuɛ'm be ´nyan like nun be fa ta bé wun, yɛ blo nnɛn'm be kusu be ´di ng'ɔ ka lɛ'n. Yo ɔ vinyi nin ɔ olivie'm be sɔ wie.

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 22:2

Sikafuɛ nin yalɛfuɛ'n be kpaci-man, Anannganman yɛ ɔ boli be nnyɔn nin-ɔn.

Nyanndra Mun 31:20

Be nga be o nyrɛnnɛn nun'n, ɔ uka be.

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Matthieu 26:11

Afin amun nin yalɛfuɛ mun yɛ amun ´ka titi-ɔ, sanngɛ n liɛ'n, min nin amun su tran-man wa titi .

Matthieu 5:42

Sran ng'ɔ srɛ ɔ like'n, fa mɛn i, yɛ sran ng'ɔ klo kɛ ɔ ´fɛ like ɔ́ sa nun'n, nán kaci ɔ́ sin si i .»

Marc 14:7

Afin amun nin yalɛfuɛ mun yɛ amun ´ka wa titi-ɔ, an kwla yo be kpa blɛ kwlaa nga an klo'n, sanngɛ n liɛ'n, min nin amun su tran-man wa titi .

JÉSUS-CHRIST I DYASIN FE'N BO LUC KLELI'N 12:33

An `yo amun ninnge'm be atɛ, an `fɛ i sika'n cɛ yalɛfuɛ mun. An `kpɛ bɛtrɔ b'ɔ yo-man nvuɛn bɔ like wie-man nun'n, an `sie i Nyanmiɛn su lɔ, lɔ liɛ'n, awiefuɛ kɔ-man lɔ, nvɔlɛ di-man like lɔ.

Jean 12:8

Amun nin yalɛfuɛ mun yɛ amun ´ka wa titi-ɔ, sanngɛ n liɛ'n, min nin amun su tran-man wa titi .»

Sa nga bé yôli'n 2:45

Be yo be asiɛ mun nin bé bo ninnge'm be atɛ yɛ be fɛ i sika'n cɛ be kwlakwlakwla kɛ ɔ ´yo nan b'a fa ti bé wun nyanman nun'n ti.

Mmla'n 15:7

Sɛ amun niaan yalɛfuɛ kun wo amun afiɛn mɛn nga Anannganman amun Nyanmiɛn'n ɔ'a fa man amun'n nun'n klɔ wie su'n, sɛ ɔ usa amun afɛ'n, nán amun kete amun anwlɛn'n, amun `bo i bosia ng'ɔ usa'n.

Mmla'n 15:8

Amun `bo i bosia klun-ufue su. Amun `fa ng'ɔ miɛn i sa'n kwlakwla mɛn i.