Mmla'n 15:10 - NYANMIƐN NDƐ'N 1998

¹⁰ Sɛ be usa amun afɛ sɔ'n, amun `fa man be. Amun ´fa man be kusu-ɔ, man ɔ yo amun klun su klanman. Sɛ amun yo i sɔ'n, Anannganman amun Nyanmiɛn'n ɔ ´yo man like kwlaa nga amun yo'n nin junman kwlaa nga amun di'n, ɔ ´yo ye amun sa nun.

Mmla'n 15:10 ပူးပေါင်းရင်းမြစ်များ

Nyanndra Mun 22:9

Sran nga bɔ i klun ti ufue'n, bɔ kɛ ɔ ´di like-ɔ ɔ man yalɛfuɛ wie'n, ɔ ´nyan muae.

Akunndanfuɛ'n 11:1

Fa ɔ kpaun'n to yi i nzue'n i nyin su, afin cɛn wie lele a ´nyɛn i ekun .

Ezai 32:8

Sanngɛ sran kpa'n i liɛ'n, akunndan kpa cɛ yɛ ɔ bu-ɔ. Yɛ sa kpa cɛ yɛ ɔ yo-ɔ.

Ezai 58:10

sɛ amun fa amun bɔbɔ amun like nga amun di'n i wie man sran nga awe kun i'n, sɛ amun man sran ng'ɔ ti yalɛfuɛ'n i aliɛ'n, sɛ n ´kwla se'n, amún kannin'n ɔ ´fuan aosin'n bɔ amun o nun'n, yɛ lika tuun bɔ amun tran nun'n, ɔ ´yo weiin kɛ wia jran sa.

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Sa nga bé yôli'n 20:35

N yoli i sɔ n fa kleli amun nan amun kusu an di junman sɔ, nan an uka be bɔ be lɛ-man wunmiɛn'n. An `bu e Min Jésus bɔbɔ i ndɛ b'ɔ kannin'n i akunndan, afin ɔ seli kɛ: ‹Sɛ a cɛ sran like'n, ɔ ti kpa tra kɛ be cɛ wɔ like'n.› »

Rɔmfuɛ Mun 12:8

yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

Mmla'n 14:19

Kakaa nga be lɛ ndɛwa'n be kusu be ti fiɛn, nán amun di be.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 15:18

Nán man kanga kun nun yacilɛ'n yo amun ya. Kɛ bɔ ɔ'a su amun afuɛ nsiɛn'n, nga amun nyɛn i su'n, ɔ tra nga bɔ be nyɛn i junman difuɛ bɔ be tannin i kalɛ'n i su'n sɔ kpɛ nnyɔn. Yɛ kusu sɛ amun yaci be nun be kɔ'n, Anannganman amun Nyanmiɛn'n ´yo man like kwlaa nga amun yo'n ɔ ´yo ye amun sa nun.

Mmla'n 15:4

Yalɛfuɛ su tran-man amun afiɛn, afin Anannganman amun Nyanmiɛn'n ɔ wa yo amun ye mɛn nga ɔ'a fa man amun kɛ amun ko fa'n nun.

Mmla'n 23:20

Sɛ amun niaan Izraɛlfuɛ wie usa amun afɛ'n, sɛ sika o, sɛ aliɛ o, sɛ like uflɛ wie o, nán amun se kɛ ɔ su i bo.

Mmla'n 24:19

Sɛ amun kpɛ amun ble'n annzɛ amun ɔrz'n nan amún wla fi sɔlɛ kun fie su lɔ'n, nán amun sa amún sin ko fa. Man ɔ ka lɔ nan aofuɛ mun nin aika ba mun, ɔ nin angboti bla mun be fa. I liɛ'n, Anannganman amun Nyanmiɛn'm ɔ ´yo man junman kwlaa nga amun di'n ɔ ´yo kpa.

Mmla'n 28:8

Anannganman amun Nyanmiɛn'n ɔ ´nian amun tanngannin'm bé nun ninnge'm be su. Yɛ kusu like kwlaa nga amún yo'n, ɔ ´yo ye amun sa nun. Ɔ ´yo amun ye mɛn nga ɔ'a fa man amun'n nun.

Hébreu 13:16

Nán an yaci sa kpa nin sran ye yolɛ'n, afin i sɔ like'n yɛ be yo-ɔ ɔ jɔ Nyanmiɛn klun-ɔn.

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!