Mmla'n 14:8 - NYANMIƐN NDƐ'N 1998

⁸ Nán amun di kɔkɔti'n kusu, i ja bui'n nun ti kpaciwa, sanngɛ ɔ kpu-man like di-man. I kusu ɔ ti fiɛn. Nnɛn fiɛn sɔ mun, nán amun di be, nán amun kan bé fuɛn'n.

Mmla'n 14:8 ပူးပေါင်းရင်းမြစ်များ

Ezai 65:4

Be tran asieliɛ kunman'm be nun, yɛ be la yɛbuɛ buɛ'm be nun. Be di kɔkɔti nnɛn'n, yɛ aliɛ bɔ be ti fiɛn'n yɛ be o be talie'm be nun-ɔn.

Ezai 66:17

Be nga be sie bé wun ngunmin'n, bɔ be yo bé wun saun be kɔ fie'm be nun be ko lɔngɔ sran kun sin'n, be nga be di kɔkɔti nnɛn'n, be nga be di gbekle nnɛn'n nin tete ninnge mun, sran sɔ'm be kwlakwla be ´wu likawlɛ. Anannganman yɛ ɔ kan sɔ-ɔ.

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Saun Yolɛ 11:3

be nga bé ja bui i nun ti kpaciwa'n, ɔ nin be nga be di like ɔ wie kwlaa, kpɛkuun be kpu be di i ekun'n.

Saun Yolɛ 5:2

Sɛ sran wie ´kan fiɛn-ɔn ɔ'a wun-man nun'n, fiɛn sɔ'n yɛlɛ kɛ wie-ɔ, nnɛn nga be di-man'n sa: sɛ blo nnɛn o, sɛ klɔ nnɛn o, sɛ nnɛn nga be cuɛn bé wun ase nin o, kɛ ɔ ko kɛn i sɔ'n, wuun i bɔbɔ'n ɔ'a wlu fiɛn nun, wuun ɔ'a yo sa tɛ.

Mmla'n 14:7

Sanngɛ nán amun di nnɛn nga i ja bui'n nun ti kpaciwa sanngɛ b'ɔ kpu-man like di-man'n, annzɛ nnɛn ng'ɔ kpu like di kpɛkuun i ja bui'n nun ti-man kpaciwa'n. Nnɛn sɔ'm be yɛ: nyɔnngɔnmɛn, gbanmlɔ, yɛ oya'n. Be kpu like be di, sanngɛ bé ja bui'n nun ti-man kpaciwa, be ti fiɛn.

Mmla'n 14:9

Nnɛn nga be o nzue nun'n, nga amun `di'n yɛlɛ be nga be lɛ mmɛ nin wun bui'n.

2 Piɛr 2:22

Sa nga be yoli'n, ɔ man nyanndra nga be bu se kɛ: «Alua'n ɔ'a sɛ i sin a ko di like ng'ɔ kpuli'n.», yɛ: «Kɔkɔti'n bɔ be wunnzinnin i'n ɔ'a sɛ i sin a ko bo i nnɔtiɛ'n ekun'n .», ɔ ti nanwlɛ.