Mmla'n 14:26 - NYANMIƐN NDƐ'N 1998

²⁶ Sɛ amun ju lɔ'n, like kwlaa nga amun waan amun ´to'n amun su to. Amun `to nannin mun, nin bua mun, nin nzan, ɔ nin nzan kekleekle mun. Yɛ amun nin amun osufuɛ mun amun `fa ninnge sɔ mun `di cɛn Anannganman amun Nyanmiɛn'n i nyrun lɛ.

Mmla'n 14:26 ပူးပေါင်းရင်းမြစ်များ

Ɛsdras 7:22

Sɛ bɔ ɔ usa jɛtɛ ufue kilo akpi nsan'n (3.000), annzɛ ble kilo akpi-akpi ablasan'n (30.000), ɔ nin nzan litri akpi nnan'n (4.000), ɔ nin ngo litri akpi nnan'n (4.000), amun `fa mɛn i, sanngɛ njin'n liɛ'n nán amun bo yɛ be sunnzun.

Jue Mun 106:14

Kɛ be wo aawlɛ flɛnnɛn'n nun lɔ'n, bé nyin bloli like wie'm bé wun. Kpɛkuun be klɔklɔli Nyanmiɛn i nuan nun lika kee sɔ'n nun lɔ .

Akunndanfuɛ'n 9:7

I sɔ'n ti, di ɔ́ sa ti aliɛ'n, nan nɔn ɔ́ sa ti nzan'n man ɔ klun jɔ. Afin ɔ sa nga a yo be'n, be jɔ Nyanmiɛn i klun.

Matthieu 21:12

Jésus wluli Nyanmiɛn i sua'n nun nan ɔ'a fuan be kwlaa nga be yo like atɛ lɔ'n, nin be nga be to like'n, yɛ ɔ su sika mma kacifuɛ'm be tabli'n nin be nga be yo okunmomo atɛ'n be bia'm be bo guali.

Marc 11:15

Kɛ be juli Zerizalɛm lɔ'n, Jésus wluli Nyanmiɛn i sua'n nun ekun. Kpɛkuun yɛ ɔ tɔli aata difuɛ nin be nga be to like Nyanmiɛn i sua'n nun'n be bo kanlɛ su-ɔ. Ɔ su jɛtɛ mma kacifuɛ'm be tabli'n nin okunmomo atɛ yofuɛ'm be bia'm be bo guali.

1 Korɛntfuɛ Mun 10:6

Sa sɔ'n b'ɔ tɔli bé su'n, ɔ ti sa b'ɔ fa kle e kɛ nán man é nyin tran sa tɛtɛ'm bé su kɛ be liɛ'n sa .

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 12:15

Sanngɛ sɛ Anannganman amun Nyanmiɛn'n ɔ'a yo man amun ninnge'm b'a yo ye, nan amun klun klo amun waan amun ´kun nnɛn di'n, amun kwla kun i kan amun tran lɛ'n. Sran ng'ɔ ti saun o, sran ng'ɔ ti-man saun o, be kwlaa be di wie-ɔ ɔ yo ye. Ɔ ti kɛ wannzannin annzɛ flete wie yɛ be su di sa.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 26:11

Kpɛkuun amun nin Levifuɛ mun, ɔ nin aofuɛ nga be nin amun tran lɛ mun'n, amun `di cɛn, ye nga Anannganman amun Nyanmiɛn'n ɔ yoli amun nin amun awlofuɛ mun'n ti.