Mmla'n 14:21 - NYANMIƐN NDƐ'N 1998

²¹ Nán amun di nnɛn fuɛn. Amun `fa man aofuɛ nga be tran amun afiɛn mun man be di, annzɛ kusu amun `yo i atɛ aofuɛ wie'm bé sa nun. Amun liɛ'n, amun ti Anannganman amun Nyanmiɛn'n i nvle nun sran mun, amun ti i liɛ klonglo. Nán amun tɔn boli ba i nin i nyɔnflɛn nzue'n nun.

Mmla'n 14:21 ပူးပေါင်းရင်းမြစ်များ

Ezipt Lɔ Tulɛ'n 19:6

Sanngɛ amun liɛ'n, amun wa yo min nyrun jranfuɛ'm be nvle. Amun nvle sɔ'n ´yo min liɛ klonglo.› Ndɛ nga a wa kan kle Izraɛlfuɛ mun'n yɛ ɔ o lɛ-ɔ .»

Ezipt Lɔ Tulɛ'n 22:30

Amun `yo min liɛ klonglo, ɔ man nán amun di nnɛn nga i wiengu nnɛn tɛ wie ɔ'a kun i fie su lɔ'n, amun `fa man alua mun man be di.»

Ezipt Lɔ Tulɛ'n 23:19

Amun `fa amun fie'm bé su ninnge'm be mma klikli'n be fa bla min Anannganman mín sua'n nun. Nán amun fa boli'n i nin i nyɔnflɛn nzue fa tɔn i wa'n i nnɛn'n.»

Ezipt Lɔ Tulɛ'n 34:26

Amun `fa amun fie'm bé su lɔ ninnge'm be mma klikli mun fa blɛ min Anannganman bɔ n ti amun Nyanmiɛn'n. Amun `fa be blɛ min mín sua'n nun lɔ. Nán amun tɔn boli ba'n i nin i nyɔnflɛn nzue'n nun.»

Ezekiɛl 4:14

Yɛ n seli kɛ: «Ee! Anannganman Nyanmiɛn, n nian di-man like fiɛn le. Kɛ ɔ fɛ i min kaan nun lele b'ɔ ´fa ju yɛ'n, n nian di-man nnɛn ng'ɔ wuli i sa su annzɛ nga i wiengu nnɛn wie kunnin i'n le. Like fiɛn'n i wie nian wlu-man mín nuan nun le .»

Ezekiɛl 44:31

Sanngɛ min nyrun jranfuɛ'm be lɛ-man atin kɛ be ´di nnɛn annzɛ anunman nga be wuli be sa su'n annzɛ nga bɔ be wiengu kunnin be'n.»

Daniɛl 12:7

Sran nga bɔ lɛn tannin tralɛ wlɛ i wun'n mɛnnin i sa nnyɔn'm bé su nglo, yɛ n tili ndɛ ng'ɔ kannin'n. I waan: ‹N kan Nyanmiɛn bɔ i nyin o su titi'n, sa sɔ'm be ´di afuɛ nsan nin sin. Kɛ sa sɔ'm be ´wie'n, wuun Nyanmiɛn i nvle nunfuɛ'm be wunmiɛn'n ɔ'a wie mlɔnmlɔn .›

Daniɛl 8:24

I tinmin'n wa yo dan kpa, sanngɛ nán kɛ tinmin sɔ'n fin i bɔbɔ ti-ɔ. Ɔ wa saci ninnge mun kpa, like kwlaa ng'ɔ wa yo'n, ɔ ´yo ye i sa nun. Ɔ ´nunnun sran nga be ti tinwa mun nin Nyanmiɛn i nvle'n nunfuɛ mun bɔbɔ .

Saun Yolɛ 11:40

Sran nga b'ɔ di i sɔ nnɛn liɛ'n, ɔ fata kɛ ɔ kpu i wun tralɛ mun. Sanngɛ lele bɔ lika'n ´fa jɔ'n, wuun ɔ́ tɛ o fiɛn nun. I kunngba'n, sran nga b'ɔ sua nnɛn sɔ'n i fuɛn'n, ɔ fata kɛ ɔ kpu i wun tralɛ mun wie. I kunngba'n, kɛ ɔ fɛ i lele bɔ ´fa ju nnɔsua'n, wuun ɔ tɛ o fiɛn nun wie ekun.

Saun Yolɛ 17:15

Sɛ nnɛn wie wuli i sa su'n, sɛ wie kusu-ɔ blo nnɛn wie kunnin nnɛn'n, nan Izraɛlfuɛ kun annzɛ kusu aofuɛ wie b'ɔ tran Izraɛl wa'n, ɔ di i nnɛn'n, man i sɔ sran'n ɔ kpu i wun tralɛ mun nan i bɔbɔ'n ɔ `wunnzin. Sanngɛ kɛ ɔ ´yo sɔ'n, wuun ɔ tɛ o fiɛn nun lele sɛnzɛ'n ´fa tɔ kwlaa nan i wun ɔ'a sa.

Saun Yolɛ 22:8

Nnɛn nga b'ɔ wu i sa su'n, wie kusu-ɔ bɔ blo nnɛn wie yɛ ɔ kunnin i'n, ɔ fata-man kɛ min nyrun jranfuɛ kun di i nnɛn nan ɔ fɛ i wun wla fiɛn nun. Min yɛ n ti Anannganman nin-ɔn.

Sa nga bé yôli'n 15:20

Sanngɛ man e klɛ be fluwa kɛ nán man be di amuɛn su, nán man be kunndɛ bla b'ɔ ti-man bé yi annzɛ bian b'ɔ ti-man bé wun'n, yɛ nán man be di nnɛn b'ɔ wu i sa su'n, ɔ nin nnɛn mmoja .

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Mmla'n 14:2

Afin amun ti Anannganman amun Nyanmiɛn i sran mun klonglo. Anannganman niannin mɛn'n nun nvle'm be kwlaa be nun ɔ kpali amun kɛ amun yo i liɛ mlɔnmlɔn.

Mmla'n 14:20

Sanngɛ kakaa nga be ti saun'n, amun kwla di be.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

1 Piɛr 1:16

Afin be klɛli i kɛ: «Min nzuɛn'n nin klɔ sran liɛ'n ti-man kun, i sɔ'n ti man amun nzuɛn liɛ'n fa min liɛ'n .»