Mmla'n 14:1 - NYANMIƐN NDƐ'N 1998

¹ Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .

Mmla'n 14:1 ပူးပေါင်းရင်းမြစ်များ

Bo Bolɛ 6:2

Nyanmiɛn mma mun be wunnin kɛ sran'm bé wa bla sɔ'm be ti nglanman kpa nan b'a kunndɛ wie b'a ja.

Bo Bolɛ 6:4

I blɛ sɔ nun'n, wuun sran jajraajra'm be o mɛn'n nun. Be cɛli lɛ kpa bɔ nan b'a wie. Nyanmiɛn i mma yasua mun nin sran'm bé wa bla bɔ be jali'n be mma mun-ɔn. Be yɛ be dunman fuli lalafuɛ nun nin-ɔn.

1 Famiɛn Mun 18:28

Yɛ be kpannin kekle kpa trali laa liɛ'n. Be fali tokofi, nin cua be kpɛkpɛli bé wun, afin ɔ ti be nzuɛn. Mmoja'n sonjili bé wunnɛn'n su.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Zeremi 16:6

«I kpɛnngbɛn o, i bakan o, be wa wu mɛn nga nun. Be su sie-man be, be su bobo-man bé wun kannin yɛ be su yi-man bé ti be dunman nun.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Zeremi 41:5

Sran ablaɔcuɛ be fin Sisɛm nin Silo, ɔ nin Samari be su ba lɛ. Be ´ba-a, b'a yi be akanza'n, b'a titi be wun tralɛ'm be nun, b'a bobo bé wun kannin. Be fali ble nin ansans kɛ be wa fa man Nyanmiɛn i sua'n nun Zerizalɛm lɔ.

Zeremi 47:5

Gaza lɔ sran'm b'a kpu bé ti'n su, afin sɛ o be su. Askalɔn nin lika nga be mɛntɛn i lɛ'm be nun ɔ'a tɔ srolo! N se kɛ yoo: ‹Nan sɛ'n b'ɔ o amun su'n ti amun ´bobo amun wun kannin sa tititi?

Saun Yolɛ 21:5

Sɛ sran wu'n, ɔ fata-man kɛ min nyrun jranfuɛ'm be yi bé ti'n i bue kun, wie kusu-ɔ be yi be srɔ su ndrɛ mun, wie kusu-ɔ be bobo bé wun kannin.

Jean 1:12

Sanngɛ be kwlaa nga be sɔli i nun bɔ be lafi i su'n, ɔ man be kaci Nyanmiɛn wa .

Jean 11:52

Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Rɔmfuɛ Mun 8:16

Nyanmiɛn Wawɛ'n kle ye weiin kpa e anwlɛn'n nun kɛ e ti Nyanmiɛn i wa sakpa.

Rɔmfuɛ Mun 9:26

Lika nga n seli lɔfuɛ'm be kɛ: «Nán min sran yɛlɛ amun kun'n, be ´flɛ lɔfuɛ mun Nyanmiɛn b'ɔ lafi-man i mma mun .»

Rɔmfuɛ Mun 9:4

Be ti Izraɛlfuɛ, Nyanmiɛn man be kacili i wa, ɔ nin be trannin, ɔ kleli be like ng'ɔ se kɛ ɔ ´yo man be'n, ɔ fɛ i mmla'n mannin be, yɛ ɔ kleli be i sɔlɛ wafa'n nin like nga ɔ wa yo'n .

Rɔmfuɛ Mun 9:8

Ɔ man, nán be nga be ti Abraam osufuɛ be awuliɛ nun'n be yɛ be ti Nyanmiɛn wa kpa-a, sanngɛ be nga Nyanmiɛn dun mmua seli kɛ be ´wu be'n, be yɛ be bu kɛ be ti i wa kpa-a.

2 Korɛntfuɛ Mun 6:18

N ´yo amún si, yɛ amun kusu amun ´yo min wa yasua nin min wa bla.» Kɛ e Min Nyanmiɛn b'ɔ kwla like'n kwlaa yo'n ɔ se sɔ-ɔ .

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Mmla'n 13:18

Nán lika sɔ bɔ amun sacili i'n, i nun like wie fi ka amún sa nun. Sɛ amun ti Anannganman amun Nyanmiɛn'n i aniɛn'n, sɛ amun fɛ i ndɛ nga n ´kan kle amun ndɛkɛn yɛ'n su, sɛ amun yo sa ng'ɔ ti kpa Anannganman amun Nyanmiɛn'n i nyrun'n, ɔ ´yaci i ya dan b'ɔ fali'n, ɔ ´si amun aunnvuɛ, ɔ ´yo amun ye, ɔ man amun ´trɛ kɛ ɔ fa tali amun nannan'm be nda'n sa.

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?

1 Tɛsalonikfuɛ Mun 4:13

Aniaan mun, e klo kɛ an si sa ng'ɔ ju be nga be wuli'n be su'n, nan amún wla a bo-man kɛ be nga be lɛ-man like bɔ be fa bé wla gua su'n be liɛ'n sa.

Hébreu 2:10

Nanwlɛ, Nyanmiɛn b'ɔ yili like'n kwlaa bɔ i ti yɛ i kwlaa o lɛ'n, ɔ yoli sa ng'ɔ yo-ɔ ɔ nin i fata'n. Afin kɛ ɔ ´yo nan i mma kpanngban kpa b'a nyan i anyrunnyan'n wie ti, ɔ yoli man Jésus b'ɔ kpɛ atin man be nyan bé ti'n, ɔ yo sran bɔ nyrɛnnɛn b'ɔ wunnin i'n ti ɔ si atin sɔ'n kpɛ kpa.

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.

1 Jean 5:2

Sɛ e klo Nyanmiɛn bɔ e fɛ i ndɛ'n su'n, yɛ e ´si kɛ e klo i mma mun-ɔn.