Mmla'n 13:6 - NYANMIƐN NDƐ'N 1998

⁶ Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 13:6 ပူးပေါင်းရင်းမြစ်များ

Bo Bolɛ 16:5

Yɛ Sarai seli Abram kɛ: «Fiaan nga be ´yo min lɛ'n, e sran nnyɔn'n yɛ be ´yo e lɛ-ɔ. M bɔbɔ min yɛ n fali min afanniɛn bla'n m mannin wɔ kɛ amun si sua nan ɔ `wunnzɛ-ɔ, kpɛkuun ɔ bu-man min like fi kun. Man Anannganman bɔbɔ di e nin wɔ e sran nnyɔn'n ye afiɛn jɔlɛ.»

2 Samiɛl 1:26

Zonatan min niaan, min anwlɛn'n ɔ'a kpɛ min klun wɔ ti. Wɔ yɛ man min klun jɔ-ɔ. Klolɛ nga a fa klo min'n, be fa-man bla'm be klolɛ'n fa sunnzun-mɛn i.

1 Famiɛn Mun 18:40

Yɛ Eli seli be kɛ: «Amun `tra Baal i nuan ijɔfuɛ mun, nán ba kun sa wanndi!» Yɛ be trali be-ɔ. Eli fali be ɔli Kizɔn nzue ba'n nuan lɔ nan ɔ'a kpɛ be kɔmin.

2 Famiɛn Mun 11:18

Nzrafuɛ'm be wluli Baal i sua'n nun lɔ, be bubuli sua'n, be buli i sraka yiwlɛ mun nin i nzɔliɛ nga be takali be'n, kpɛkuun be kunnin Matan b'ɔ ti Baal i nyrun jranfuɛ'n. Be kunnin i sraka yiwlɛ'm be nyrun lɛ. I sin Zɛozada b'ɔ ti Nyanmiɛn nyrun jranfuɛ'n sieli sran wie'm be kɛ be nian Anannganman i sua'n su.

2 Be Nyoliɛ 15:13

Be kɛnnin i kɛ, sɛ sran kun, bakan o, kpɛnngbɛn o, yasua o, bla o, ɔ fɛ-mɛn i wun mantan-man Anannganman b'ɔ ti Izraɛl Nyanmiɛn'n, be ´kun i.

2 Be Nyoliɛ 23:17

Kɛ ɔ yoli sɔ'n, nzrafuɛ'm be wluli Baal i sua'n nun lɔ, be buli i sua, be buli i sraka yiwlɛ mun, ɔ nin i nzɔliɛ nga be takali be'n mun, kpɛkuun be kunnin Matan b'ɔ ti Baal nyrun jranfuɛ'n. Be kunnin i sraka yiwlɛ'm be nyrun lɛ.

Zɔb I Nyrɛnnɛn Wunlɛ 31:27

sɛ i ti be sɔlɛ akunndan kpɛnnin min klun'n, sɛ n fali be n yoli min amuɛn n sɔli be'n,

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 32:27

Ɔ seli be kɛ: «Anannganman b'ɔ ti Izraɛlfuɛ'm be Nyanmiɛn'n wan yoo: ‹Man sran kun fɛ i tokofi'n sɛn i bo, man sran kun fɛ i liɛ'n sɛn i bo nan amun `wlan-wlan ngblaliɛ'n nun, amun `sinsin ngblaliɛ'n i lika'n kwlaa nun. Amun `kun amun niaan, nin amun janvuɛ, ɔ nin amun osufuɛ mun.› »

Nyanndra Mun 18:24

Janvuɛ kaka'n kwla kun be, sanngɛ janvuɛ'n wie kusu ti kpa tra be niaan.

Nyanndra Mun 5:20

?Ɔo, mín wa, sran wie yi i klolɛ liɛ tre? ?A nin bla wie amun nun blalɛ liɛ'n tre?

Zeremi 28:15

Yɛ Nyanmiɛn nuan ijɔfuɛ Zeremi seli Nyanmiɛn nuan ijɔfuɛ Anania kɛ: ‹Anania, sie ɔ́ su tie, Anannganman'n ɔ'a sunman-man wɔ. W'a yo man sran'm b'a gua be wla ase ngbɛn.›

Zeremi 28:16

I sɔ'n ti Anannganman'n wan yoo: ‹Ɔ mɛn'n nun tranlɛ wieli. Afuɛ ng'ɔ o yɛ nun'n, a ´wu. Yɛlɛ kɛ a su sran'm bé bo kɛ be `yo nyin kekle Anannganman'n su.› »

Zeremi 44:3

Sa ti bɔ n yoli be sɔ'n, yɛlɛ sa tɛ bɔ be yoli be fa klɔklɔli min'n. Amuɛn nga bé si'm b'a si-man be bɔ be bɔbɔ kusu be si-man be laa'n, be ko yrali ansans mannin be, be sɔli be.

Zakari 13:3

«Sran ng'ɔ di wlɛwlɛ kɛ ɔ ´ijɔ min nuan ekun'n, i si nin i nin nga be wuli i'n be ´se i kɛ yoo: ‹Kɛ bɔ a bua ato guɛ i Anannganman wun'n, wulɛ yɛ a ´wu-ɔ.› Ɔ man sɛ i si nin nin be ´nian nan ɔ su kɛn i ndɛ sɔ mun'n, be ´wɔ i cua be ´kun i.

2 Korɛntfuɛ Mun 5:16

Ɔ man kɛ ɔ fin ndɛ'n, e bu-man sran'm be akunndan kɛ sran'n be fa bu akunndan'n sa kun. Sɛ laa e bu Krist sɔ bɔbɔ'n, siɛn'n e bu-mɛn i sɔ kun.

Galasifuɛ Mun 2:4

San be nga be tɔn bé wun suɛn kɛ be ti e niaan'n, be yɛ be klo kɛ ɔ yo sɔ-ɔ. Be wluli e nun blɛlɛlɛlɛ kɛ be ´kpla e nian é ti bɔ e bɔ e nin Krist-Jésus y'a kaci sran wunmuan'n bɔ y'a nyɛn'n ti, be waan be ´fa e wla kanga'n nun.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Mmla'n 11:32

amun `nian nun be nanti mmla fanunfanun nga n ´fa sie amun nyrun ndɛ yɛ'm bé su.

Mmla'n 13:2

Sɛ amun nun sran wie waan ɔ ti Nyanmiɛn nuan ijɔfuɛ'n annzɛ sɛ i ti wun ase'n, sɛ ɔ ´kan aolia nun sa nga be wa ju'n be ndɛ kle amun'n,

Mmla'n 13:7

Sɛ ɔ wie amún nin wa wie, annzɛ amun wa yasua wie, annzɛ amun wa bla wie, annzɛ amún bo bla wie, annzɛ amun janvuɛ ng'ɔ ti amun anwlɛn su sran'n wie, ɔ wa se amun blɛlɛlɛ kɛ amun ko sɔ amuɛn bɔ nán kɛ amun si i-ɔ, bɔ kusu nán kɛ amun nannan'm be sili i-ɔ, b'ɔ ti nvle wie nun amuɛn'n, nán amun kplin su. Nán amun tie sran sɔ'm be ndɛ'n, nán amun si be aunnvuɛ, nán amun yaci cɛ be, amun `yi be nglo. Sɛ nvle ng'ɔ mantan amun lɛ i nun amuɛn o, sɛ kusu mmua lɔ nvle wie nun amuɛn o, i kunngba nin-ɔn. Asiɛ wunmuan'n i su amuɛn'n kwlakwla be ndɛ yɛ n kan-an.

Mmla'n 17:12

Ndɛ nga Nyanmiɛn nyrun jranfuɛ b'ɔ di junman Anannganman amun Nyanmiɛn'n i sua'n nun'n annzɛ jɔlɛ difuɛ'n be kan'n, sɛ wun tufuɛ wie fa-man su'n, man be kun i sɔfuɛ'n. Amun `yi sa tɛ'n Izraɛl mɛn'n nun kɛ ng'ɔ o lɛ'n sa.

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Mmla'n 19:19

sa nga i waan ɔ ´tɔn i niaan'n i suɛn nan be `fa yo i'n, yɛ be `fa yo i bɔbɔ-ɔ. Amun `yo man sa tɛ'n tu amun afiɛn kɛ ng'ɔ o lɛ'n sa.

Mmla'n 21:21

Kpɛkuun man klɔ'n su sran'm be kwlaa be finfin i yɛbuɛ be kun i. Amun `tu sa tɛ'n amun afiɛn kɛ ng'ɔ o lɛ'n sa. Izraɛlfuɛ'm be kwlaa be ´ti, kpɛkuun srɛ ´kun be.

Mmla'n 22:21

man be fɛ i wɔ i si i sua'n nyrun lɔ, nan klɔ'n sufuɛ'm be `finfin i yɛbuɛ be `kun i. Kɛ b'ɔ o i si awlo lɔ bɔ tekle yɛ ɔ bo'n, b'ɔ yo tete sa Izraɛl mɛn'n nun'n, i ti man ɔ wu. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 24:7

Sɛ amun wun sran kun kɛ ɔ'a trɛ i niaan Izraɛlfuɛ kun je, nan ɔ'a fɛ i ɔ'a yo i kanga'n annzɛ kusu ɔ'a yo i atɛ'n, amun `kun i sɔfuɛ'n. Amun `yi sa tɛ'n amun afiɛn kɛ ng'ɔ o lɛ'n sa.

Mmla'n 28:54

Amun nun yasua kpa ng'ɔ ti wɛtɛɛfuɛ bɔbɔ'n, b'ɔ klo sran'n, i bɔbɔ i niaan'n, nin i bo bla'n, ɔ nin i mma nga be ´kɛ i sa nun'n, bé wun ɔ ´yo i tɛ.

Mmla'n 29:18

Sran ng'ɔ ti ndɛ nga'n, nán ɔ lɛkɛ i wun se kɛ: «Kannzɛ sɛ n yo nyin kekle lele n guɛ i ti nin i bo'n, sa fi su nyan-man min,» afin sɛ sran kun saci sran uflɛ ti nun'n fa ukɛ i bɔbɔ su'n,

Mmla'n 8:14

amun `nian amun wun, nán amun tu amún wun. Nán amún wla fi Anannganman amun Nyanmiɛn'n b'ɔ fali amun kanga nun Ezipt lɔ bali'n.

Kolɔsfuɛ Mun 2:4

N ´kɛn i sɔ nan sran fi a fɛ-mɛn i nuan nun fɛ a laka-man amun.

Zozie 7:13

Jaso, ko se Izraɛlfuɛ'm be kɛ be siesie bé wun nan e nin be `yia ainman. Se be kɛ be yo bé wun saun nan m bɔbɔ min Anannganman bɔ n ti Izraɛl Nyanmiɛn'n min wan yoo: ‹Ninnge nga n seli amun kɛ nán amun fa'n, ɔ o amun trɔ'n nun. Ɔ man amun su kwla-man amun kpɔfuɛ'm be nyrun jran, san amu'an yi ninnge sɔ mun.

2 Piɛr 2:1

Kɛ be nga be tɔn bé wun suɛn kɛ be ti Nyanmiɛn nuan ijɔfuɛ'n be trannin sran'm be nun'n, be nga be tɔn bé wun suɛn kɛ be ti like klefuɛ'n kɛ be wa tran amun nun sɔ-ɔ. Be ´kle amun like nga be ti ato b'ɔ be saci sran'n gblɛ nun'n. Kɛ be bu-man be Min'n b'ɔ kpɔli bé ti'n i like fi kun'n, ɔ man be ´ka lɛ mlin.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 13:14

Ɔ fa atrɛ nga be man ɔ yili be nnɛn klikli liɛ'n i nyrun lɛ'n, lakali asiɛ'n sufuɛ mun. Ɔ seli be kɛ be yo nnɛn bɔ be bo i tokofi b'ɔ jasoli'n i wunsu .

Sa nglô yile 20:3

Ɔ fɛ i yili kunman dan sɔ'n nun, ɔ toli nun yɛ ɔ tali su. Ɔ yoli i sɔ nan ɔ'a laka-man nvle-nvlefuɛ mun kun lele san afuɛ akpi'n ɔ'a ju. I sin be ´yaci i nun kan.

Jɔlɛ Difuɛ Mun 10:6

Izraɛlfuɛ'm be wa yoli like nga Anannganman klo-mɛn i ekun. Be sɔli amuɛn nga be flɛ be Baal nin Astarte mun. Be sɔli Sirifuɛ mun, nin Sidɔnfuɛ mun, nin Moabfuɛ mun, nin Amɔnfuɛ mun, ɔ nin Filistifuɛ'm be amuɛn mun ekun. Be kacili bé sin sili Anannganman, b'a su-mɛn i kun.

Jɔlɛ Difuɛ Mun 2:13

Be yacili Anannganman lɛ be sɔli amuɛn nga be flɛ be kɛ Baal nin Astarte mun.

Jɔlɛ Difuɛ Mun 20:13

Amun `yi Gibea lɔ finfinfuɛ sɔ mun man e nan e kun be, nan sa tɛ sɔ'n nunnun Izraɛl nvle'n nun.» Sanngɛ Bɛnzamɛn akpasua su sran'm b'a tie-man be niaan Izraɛlfuɛ'm be nuan su ndɛ'n.

Jɔlɛ Difuɛ Mun 5:8

Laa, kɛ Izraɛlfuɛ'm be ko sɔ amuɛn mun cɛ'n, kpɛkuun alɛ a tɔ. Sran akpi-akpi ablanan (40.000) be nyan-man be wue sasalɛ like, ɔ nin cua ba kun sa Izraɛl mɛn'n nun.

1 Samiɛl 18:1

Kɛ David nin Sail be wieli yalɛ'n koko cɛ'n, yɛ Zonatan, b'ɔ ti Sail i wa'n fɛli i wun fa mantannin David-ɔ. Zonatan kloli i kɛ i bɔbɔ fa klo i wun sa.

1 Samiɛl 18:3

Zonatan liɛ'n ɔ klo David kpa, i sɔ'n ti, ɔ nin i be tatali bé wun nda kɛ be tra janvuɛ.

1 Samiɛl 20:17

Zonatan man David tali nda kɛ ɔ ´klo i titi, afin Zonatan bɔbɔ klo David kɛ ɔ fa klo i bɔbɔ i wun'n sa.