Mmla'n 12:9 - NYANMIƐN NDƐ'N 1998

⁹ Kɛ amun nian ju-man amun aja'n bɔ yɛlɛ wunmiɛn delɛ lika nga Anannganman amun Nyanmiɛn'n wa fa man amun'n nun lɔ'n, i ti yɛ amun yo i sɔ-ɔ.

Mmla'n 12:9 ပူးပေါင်းရင်းမြစ်များ

1 Famiɛn Mun 8:56

«N ´la Anannganman b'ɔ man Izraɛlfuɛ'm bɔ bé ti i sran mun'n bé wun ɔ'a jɔ be fɔun'n kɛ ɔ kan kleli be sa'n i ase. Anannganman i ndɛ b'ɔ fa wlali Moiz nuan kɛ ɔ ´kan'n ɔ yoli i su sa'n ngba, i nun kaan sa ɔ nun-man lɛ bɔ ɔ'a yiɛ-mɛn i nuan-an.

1 Be Nyoliɛ 23:25

David dun mmua seli kɛ: «Anannganman b'ɔ ti Izraɛl Nyanmiɛn'n man i nvlefuɛ'm b'a di alaje. Yɛ i bɔbɔ'n, ɔ ´tran Zerizalɛm i wa tititi.

Jue Mun 95:11

N fali be wun ya kpa nan m'an ta nda kɛ be su ju-man wunmiɛn delɛ lika nga m'an siesie'n nun lɔ .»

Zeremi 31:2

Anannganman'n wan yoo: «Sran nga be fin alɛ'n nun fiteli bɔ be wo aawlɛ flɛnnɛn'n nun lɔ'n, n yoli be ye. Ɔ man Izraɛl wa di alaje.»

Mise 2:10

An `sin be wɔ! Pɔɔ dilɛ'n wieli! Sa tɛ nga amun yoli'n i su afɛ nga an wa fɛ'n, be flɛ-mɛn i afɛ.»

Mmla'n 12:8

Nán amun yo kɛ e fa yo i ndɛkɛn wa yɛ'n sa, bɔ sran kun yo nga i klun klo'n, sran kun yo nga i klun klo'n.

Mmla'n 25:19

I sɔ'n ti'n, amun wa ju mɛn nga Anannganman amun Nyanmiɛn'n ɔ'a fa man amun'n i nun lɔ. Cɛn nga Anannganman amun Nyanmiɛn'n yo man amun di alaje amun kpɔfuɛ nga be mantan amun lɛ'n bé sa nun'n, amun `nunnun Amalɛk i osu'n mɛn'n nun. Nán be bo bé su be di jɔlɛ kun. Nán amun wla fi ndɛ nga.

Mmla'n 3:20

Amun `uka amun niaan mun man Anannganman `man be manndran, man be `nyan mɛn bɔ Anannganman amun Nyanmiɛn'n wa fa man be Zurdɛn'n i bue kun lɔ'n ka nan amu'an sa amun sin lika kunngun nga n fa mannin amun'n be nun.»

Mmla'n 4:21

Amun dunman nun ti Anannganman fali ya mín wun. Ɔ tali nda kɛ n su kpɛ-man Zurdɛn nzue ba'n nan n su ju-man mɛn klanman bɔ ɔ'a fa man amun'n nun lɔ.

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.