Mmla'n 12:8 - NYANMIƐN NDƐ'N 1998

⁸ Nán amun yo kɛ e fa yo i ndɛkɛn wa yɛ'n sa, bɔ sran kun yo nga i klun klo'n, sran kun yo nga i klun klo'n.

Mmla'n 12:8 ပူးပေါင်းရင်းမြစ်များ

Nyanndra Mun 21:2

Like nga sran bɔbɔ yo'n, ɔ ti kpa i nyrun, sanngɛ sran nga b'ɔ sunnzun sran klun akunndan'n yɛlɛ Anannganman.

Amɔs 5:25

?Izraɛlfuɛ mun, afuɛ ablanan nga an dili i aawlɛ flɛnnɛn nun lɔ'n, amun yili tɛ be mannin min? ?Amun yili sraka mannin min cɛn kun sa le?

Kalɛ 15:39

Tralɛ ng'ɔ lɛ nuan su njɔlɛ'n yɛ amun `wla-a. I liɛ'n, kɛ amun wun be'n, amún wla ´kpɛn min mmla'm bé su, kpɛkuun amun ´fa bé su. Nán amun yo amun klun klo ninnge nin konvi ninnge bɔ be fa sran wla amuɛn sɔlɛ nun mun.

Sa nga bé yôli'n 7:42

I sɔ'n ti Nyanmiɛn kaci i sin sili be, ɔ yacili be lɛ man be sɔli nyanmiɛn su lɔ ninnge mun. Afin be klɛli i Nyanmiɛn nuan ijɔfuɛ'm be fluwa'n nun kɛ: ‹?Izraɛlfuɛ mun, kɛ an wo aawlɛ flɛnnɛn nun lɔ afuɛ ablanan'n, min yɛ an mannin min nnɛn bɔ an cɛli min like nin-ɔn ?

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 12:9

Kɛ amun nian ju-man amun aja'n bɔ yɛlɛ wunmiɛn delɛ lika nga Anannganman amun Nyanmiɛn'n wa fa man amun'n nun lɔ'n, i ti yɛ amun yo i sɔ-ɔ.

Zozie 3:9

Yɛ Zozie seli Izraɛlfuɛ'm be kɛ: «Amun `wunnge wa, amun `tie Anannganman amun Nyanmiɛn i nuan su ndɛ'n.

Jɔlɛ Difuɛ Mun 17:6

I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. Sran kun i klunklo like nga i waan ɔ ´yo'n yɛ ɔ yo-ɔ.

Jɔlɛ Difuɛ Mun 21:25

I blɛ sɔ nun'n, wuun famiɛn nun-man Izraɛl mɛn'n nun mlɔnmlɔn. Sran kun i klunklo like nga i waan ɔ ´yo'n yɛ ɔ yo-ɔ.