Mmla'n 12:7 - NYANMIƐN NDƐ'N 1998

⁷ Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 12:7 ပူးပေါင်းရင်းမြစ်များ

1 Be Nyoliɛ 29:22

Be dili like, yɛ be nɔnnin nzan Anannganman nyrun. Be klun jɔli kpa. Le kun sɔ'n nun'n be sieli David i wa Salomɔn famiɛn kpɛ nnyɔn su. Be guɛli i su ngo Anannganman nyrun lɛ, be waan ɔ `yo be nyrun mmua dunfuɛ. Be guali Zadɔk kusu su ngo wie, be waan ɔ `yo Nyanmiɛn nyrun jranfuɛ.

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Akunndanfuɛ'n 3:12

Kpɛkuun yɛ n fa wunnin i wlɛ kɛ like ng'ɔ ti kpa man sran'n yɛlɛ aklunjuɛ dilɛ nin mɛn dilɛ blɛ b'ɔ tɛ o mɛn'n nun'n.

Akunndanfuɛ'n 3:13

Yɛ n wunnin kɛ blɛ bɔ sran kun di like b'ɔ nɔn nzan'n b'ɔ di i sa ti junman'n i nuan like'n, Nyanmiɛn yɛ ɔ fɛ i sɔ'n mɛn i-ɔ.

Akunndanfuɛ'n 5:18

Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Ezai 23:18

Sanngɛ like ng'ɔ ´nyɛn i'n nin sika ng'ɔ ´nyɛn i'n, be ´yo Anannganman liɛ klonglo. Be su tiantian-man bé nuan, be su sie-man be lɛ. Sanngɛ be ´fa man be nga be tran Anannganman nyrun lɛ'n kɛ be `fa wie ta bé wun, yɛ be `fa kpa tralɛ nglanman-nglanman mun be `wla.

Ezai 62:9

Sanngɛ be nga be ´kpɛ ble'n, be yɛ be ´di ble sɔ nin-ɔn, yɛ be ´manman Anannganman-an. Yɛ be nga be ´ti vinyi'n i su mma'n be yɛ be ´nɔn nzan'n min sua'n i awlo'n klun nun lɔ-ɔ.»

Ezekiɛl 44:3

Sanngɛ wlengbi'n i liɛ'n, kɛ ɔ ti wlengbi'n ti, ɔ ´kwla tran nun di like Anannganman i nyrun. Ɔ ´wlu ala kaan'ni anuan ala kaan nun, yɛ ɔ ´sɛ sin ɔ sin lika kunngba'n nun.»

Zoɛl 1:16

I liɛ'n, kɛ e aliɛ'm be ´saci'n, é nyin ´ta nun. Aunblibliɛ nin aklunjuɛ b'a tu Nyanmiɛn i sua'n nun lɛ.

Zoɛl 2:26

Amun ´di like lele amun ku'n ´yi. Amun ´manman min Anannganman bɔ n ti amun Nyanmiɛn bɔ n yo like kpakpa m man amun'n. Kɛ ɔ fin ndɛ'n, min sran'm be nyin su gua-man ase kun.

Saun Yolɛ 23:40

Le kunngba nga amun ´bo cɛn'n i bo'n, waka mma nga be ti nglanman'n, amun `fa wie. Amun `fa mme nnya, yɛ amun bubu waka nga be lɛ nnya kpa'n be nnya'n wie. Amun `fɛ i kwlaa sɔ'n nan amun tra nun, yɛ amun `yi amun aklunjuɛ i nglo min bɔ n ti amun Nyanmiɛn'n min nyrun lele le mɔcuɛ kun.

Malasi 2:13

Amún sa kun ekun bɔ amun yo i siɛn'n, yɛlɛ amun nyinmuɛn'n, amu'an fa gua Nyanmiɛn i sɔwlɛ'n su lele ɔ'a jran su dannguun! Sunlɛ nin kokolɛ yɛ ɔ'a kaci amun junman-an. Like nga bɔ amun fa ba Anannganman i manlɛ b'ɔ sɔ-man nun'n ti.

Sa nga bé yôli'n 2:46

Yɛ cɛn kwlaa bé bo ti kun be yia Nyanmiɛn i sua'n nun. Be yo aklunye, yɛ be kɔ nga awlo be ko nga awlo be di like likawlɛ. Kɛ be ´di be aliɛ sɔ'n, be klun ti jɔwa dan kpa.

Mmla'n 12:12

Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:8

Nán amun yo kɛ e fa yo i ndɛkɛn wa yɛ'n sa, bɔ sran kun yo nga i klun klo'n, sran kun yo nga i klun klo'n.

Mmla'n 14:23

Lika nga Anannganman amun Nyanmiɛn'n kle kɛ lɛ yɛ ɔ ´tran'n, amun `wɔ lɔ. Amun `ko di amun ble, nin amun nannin mun, nin amun bua mun, ɔ nin amun boli'm be mma klikli mun. Amun `ko nɔn amun nzan lɔflɛ'n nin amun ngo'n be blusu'n i nyrun lɔ. Kpɛkuun amun nyin `yi Anannganman amun Nyanmiɛn'n titi.

Mmla'n 14:26

Sɛ amun ju lɔ'n, like kwlaa nga amun waan amun ´to'n amun su to. Amun `to nannin mun, nin bua mun, nin nzan, ɔ nin nzan kekleekle mun. Yɛ amun nin amun osufuɛ mun amun `fa ninnge sɔ mun `di cɛn Anannganman amun Nyanmiɛn'n i nyrun lɛ.

Mmla'n 15:20

Afuɛ nuan kwlaa ng'ɔ ju'n, amun nin amun osufuɛ mun amun `wɔ lika nga Anannganman kle nun lɔ nan amun `ko di i sɔ nnɛn mun.

Mmla'n 26:11

Kpɛkuun amun nin Levifuɛ mun, ɔ nin aofuɛ nga be nin amun tran lɛ mun'n, amun `di cɛn, ye nga Anannganman amun Nyanmiɛn'n ɔ yoli amun nin amun awlofuɛ mun'n ti.

Mmla'n 27:7

Yɛ amun `yi bo kun yolɛ i su tɛ mun nan amun `di. Yɛ amun `di cɛn Anannganman amun Nyanmiɛn'n i nyrun lɛ.

Mmla'n 28:47

Blɛ bɔ like kwlakwla ti sin yia amun'n, sɛ amun waan amun tu-man amun klun amun su-man Anannganman amun Nyanmiɛn'n aklunjuɛ su'n,

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .