Mmla'n 12:6 - NYANMIƐN NDƐ'N 1998

⁶ Amún tɛ nga be yra be nnɛn'n kɔlikɔli'n, nin amun sraka mun, nin amun blusu mun, nin amun fie su ninnge klikli mun, nin nda talɛ nuan ninnge mun, nin amun klun klo ninnge nga amun ´fa man'n, ɔ nin amun nannin mun, nin amun bua mun, nin amun boli mun nnɛn sɔ'm be talua ba mun, lɛ yɛ amun `fa be bla-a.

Mmla'n 12:6 ပူးပေါင်းရင်းမြစ်များ

2 Be Nyoliɛ 31:14

Zimna wa Kɔre b'ɔ ti Levifuɛ'n, b'ɔ nian anuan ng'ɔ o wia afiliɛ lɔ'n su'n, i yɛ ɔ sɔ be klun klo ninnge nga be fa man Anannganman'n be nun-ɔn. Yɛ fie su ninnge nga be yi man Anannganman'n nin Anannganman i ninnge kpa tra su mun'n, i yɛ ɔ cɛcɛ be nun-ɔn.

2 Be Nyoliɛ 7:12

Anannganman yili i wun nglo kleli Salomɔn kɔnguɛ. Ɔ seli i kɛ: «N tili ɔ srɛlɛ'n, m'an fa lika nga kɛ be `yi sraka nun man min.

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Neemi 10:36

E waan afuɛ kwlaa e ´fa e fie'n su ninnge klikli'n, ɔ nin e waka'n kwlaa be su mma klikli'n, e ´fa ba Anannganman i sua'n nun.

Neemi 10:39

Man Aarɔn i osu'n nunfuɛ kun b'ɔ ti Nyanmiɛn nyrun jranfuɛ'n ko sunman Levifuɛ nga be dede blusu'n mun. Levifuɛ'm be `fa blusu sɔ'm be blusu be `fa bla e Nyanmiɛn i sua'n nun lɔ sua ba'm be nun, kan be sie ninnge kpakpa'm be lɔ'n.

Jue Mun 116:17

Asenna tɛ'n yɛ n ´yi n ´fa man wɔ-ɔ. N ´kpan n flɛ wɔ.

Ezekiɛl 20:40

Afin Izraɛlfuɛ mun, amun kwlaa be wa ko su min oka dan ng'ɔ o Izraɛl lɔ'n b'ɔ ti n liɛ klonglo'n i su lɔ. Min Anannganman Nyanmiɛn yɛ n kan sɔ-ɔ. Lɛ liɛ'n, n ´sɔ amun nun kpa, yɛ like kwlaa nga amun ´fa wla min sa nun'n, nga amun ´fa man min'n, ɔ nin amun ninnge kpakpa nga amun wa fa blɛ min'n, n ´se amun kɛ amun fa blɛ min.

Saun Yolɛ 1:3

Sɛ nannin yɛ ɔ ´fa yi tɛ nga be yrɛ i nnɛn'n kɔlikɔli'n, man ɔ yo nannin tola, kusu nán man lɛ trɛn i wun. Ɔ `fa ko man min tannin sua'n i anuan nun lɔ nan m'an sɔ nun klanman.

Malasi 3:10

Amun ninnge nga amun nyɛn i'n, i ng'ɔ ti i blusu sakpa'n, amun `fa be ko guɛ i mín sua'n nun lɔ, nan nán aliɛ tu lɔ mlɔnmlɔn. Amun `sa min sɔ be nian, sɛ m'an tike-man nyanmiɛn su lɔ anuan'n m'an man-man amun nan m'an man-man amun ninnge kpakpa lele ɔ'a bobo-man amún su cɛ'n, wuun nán min-ɔn.

Malasi 3:8

Yɛ n ´tɛ amun su kɛ yoo: ‹?Nyanmiɛn i lakalɛ bɔ be lɛkɛ i'n ɔ ti kpa? Sanngɛ kusu amun liɛ'n, amun laka min.› Kpɛkuun amun usa min kɛ yoo: ‹?Lakalɛ sɛ yɛ e laka wɔ-ɔ?› Like nga amun lakalaka min su'n, yɛlɛ ninnge nga amun nyɛn i'n, i blusu'n, ɔ nin like nga amun fa ba min manlɛ'n.

JÉSUS-CHRIST I DYASIN FE'N BO LUC KLELI'N 11:42

Amun Farizifuɛ mun, an yako! Yɛlɛ kɛ an yi mant nin ru nin like bɔ an lua be'n kwlaa be blusu'n, sanngɛ an yaci nanwlɛ dilɛ'n, nin Nyanmiɛn klolɛ'n, be yɛ be yolɛ'n ti su nin-ɔn, sanngɛ nán an yaci wie'm be yolɛ .

JÉSUS-CHRIST I DYASIN FE'N BO LUC KLELI'N 18:12

Le mɔcuɛ kwlaa n ci nglɛmun kpɛ nnyɔn, yɛ like kwlaa nga n nyɛn i'n, n yi i blusu.›

Mmla'n 12:17

Nán amun tran amun klɔ'm be su be di amun ble'm be blusu mun nin amun ngo'm be blusu mun. Nán amun tran lɔ be nɔn amun nzan lɔflɛ'm be blusu mun. Amun nannin mun, nin amun bua mun, ɔ nin amun boli'm be mma klikli mun, nán amun tran lɔ kun be di. Nda nga amun ta Anannganman'n i nuan ninnge mun, nin amun klun klo sraka mun, ɔ nin amun fie'n su ninnge klikli mun, nán amun tran lɔ di be.

Mmla'n 26:2

amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.

Zozie 22:27

E klun wa'n e waan man Nyanmiɛn sɔwlɛ sɔ'n yo kɛ sa nzɔliɛ sielɛ sa e nin amun ye afiɛn, ɔ nin e mma mun nin amun liɛ mun be afiɛn. Nzɔliɛ sɔ'n kle kɛ e lɛ atin e yi tɛ nga be yrɛ i nnɛn kɔlikɔli mun, ɔ nin e bo kun yolɛ i su tɛ mun, ɔ nin e tɛ'm be kwlaa. I liɛ'n, amun mma'm be su kwla se-man e liɛ'm be kɛ be like nun-man Anannganman sa nun.

1 Samiɛl 1:21

Kɛ ɔ yoli sɔ'n, Ɛlkana nin i awlofuɛ'm be kwlaa be ɔli Silo ekun afuɛ nuan kun tɛ'n i yilɛ ɔ nin tɛ kun ng'ɔ tali Nyanmiɛn nda kɛ ɔ yi mɛn i'n i yilɛ.

1 Samiɛl 1:24

Kɛ ɔ kpɛli i nyɔnflɛn wieli'n, ɔ nin i ɔli Silo lɔ Anannganman sua'n nun lɔ. Kɛ ɔ ´yo sɔ'n, wuun ba'n ti kaan kpa. Be ´kɔ'n, be fali nannin tola kun bɔ ɔ'a di afuɛ nsan, ɔ nin sanmlɛn bajɛ kun, ɔ nin nzan kplo kun.