Mmla'n 12:5 - NYANMIƐN NDƐ'N 1998

⁵ Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 12:5 ပူးပေါင်းရင်းမြစ်များ

1 Famiɛn Mun 12:27

afin sɛ be ko yi sraka Anannganman i sua'n nun Zerizalɛm lɔ'n, be anwlɛn'n ɔ ´kaci kɔ Rɔbɔam b'ɔ ti Zida famiɛn'n i su, kpɛkuun be ´kun min, yɛ be ´sa bé sin Rɔbɔam sa nun.»

1 Famiɛn Mun 14:21

Kɛ Salomɔn nin Naama b'ɔ ti Amɔnfuɛ'n bé wa Rɔbɔam ɔ ´yo Zida famiɛn'n, wuun ɔ lɛ afuɛ ablanan-nin-kun. Ɔ dili famiɛn afuɛ blu-nin-nso Zerizalɛm. Klɔ sɔ'n, Anannganman kpɛli i Izraɛl nvle'n nun kɛ ɔ ´yi i wun nglo nun.

1 Famiɛn Mun 8:16

Anannganman seli kɛ: ‹Kɛ n ko fali Izraɛlfuɛ'm bɔ be ti min liɛ'n Ezipt lɔ m bali'n, n nian kle-man Izraɛl akpasua'm be nun klɔ kun kɛ klɔ nga su yɛ be `kplan mín sua nan n ´yi min wun nglo lɛ-ɔ, sanngɛ n kpali David kɛ ɔ `yo Izraɛl b'ɔ ti min nvle'n i su famiɛn.› »

1 Famiɛn Mun 8:20

Yɛ Salomɔn waan: «Ndɛ sɔ bɔ Anannganman kannin'n, ɔ'a yiɛ i nuan. M'an sin min si i osu, m'an yo famiɛn. Min yɛ n ti famiɛn bia'n su kɛ Anannganman kannin'n sa-a, yɛ kusu m'an kplan sua nga m'an mɛn i.

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

1 Famiɛn Mun 8:29

Kɔnguɛ o, wia nun o, nán ɔ́ nyin tu sua nga su, afin a dun mmua kannin kɛ: ‹N ´yi min wun nglo lɛ.› Tie min bɔ n ti ɔ sufuɛ'n min srɛwa bɔ n su srɛ wɔ lika nga nun wa'n.

2 Famiɛn Mun 18:22

Wienun-ɔn, amun wa tɛ min su kɛ: Anannganman e Nyanmiɛn'n i su yɛ e fa é wla'n gua-a. ?Nán i yɛ Ezekias bubuli i sraka yiwlɛ lika bɔ be o kpɔlɛ'm be su'n nin i sɔwlɛ mun nin-ɔn? ?Ezekias ɔ'a se-man Zidafuɛ mun, nin Zerizalɛmfuɛ'm be kɛ san Nyanmiɛn sɔwlɛ ng'ɔ o Zerizalɛm lɔ'n i kunngba i wun lɔ yɛ be `su Anannganman-an?

1 Be Nyoliɛ 22:1

Yɛ David waan: «Wa yɛ Anannganman Nyanmiɛn i sua'n wo-ɔ. Wa yɛ Izraɛlfuɛ'm be tɛ nga be yrɛ i nnɛn'n kɔlikɔli'n i yiwlɛ'n wo-ɔ.»

2 Be Nyoliɛ 7:12

Anannganman yili i wun nglo kleli Salomɔn kɔnguɛ. Ɔ seli i kɛ: «N tili ɔ srɛlɛ'n, m'an fa lika nga kɛ be `yi sraka nun man min.

Ɛsdras 3:2

Zozadak i wa Zozie, ɔ nin i niaan Nyanmiɛn nyrun jranfuɛ mun, be nin Sealtiɛl i wa Zorobabɛl nin i niaan mun be bo yoli kun kɛ be ´kplan Izraɛl Nyanmiɛn sɔwlɛ'n. Be waan be ´kplan nan be ´yi tɛ nga be yrɛ i nnɛn'n kɔlikɔli'n i su kɛ Moiz b'ɔ ti Nyanmiɛn i sran'n i mmla fluwa'n waan be yo'n sa.

Ɛsdras 6:12

Famiɛn kwlaa, ɔ nin nvle kwlaa ng'ɔ fa-man ndɛ nga su, b'ɔ jaso kɛ ɔ ´bu Zerizalɛm Nyanmiɛn sua'n, man Nyanmiɛn bɔ Zerizalɛm lɔ yɛ i waan ɔ yi i wun nglo weiin'n, ɔ yi i sɔ famiɛn'n i ase, annzɛ ɔ saci i sɔ nvle liɛ'n. M bɔbɔ min Dariis yɛ m man mmla nga-a. Man be nian su sɛsɛsɛ be yo.»

Ɛsdras 7:17

Fɛ i sɔ sika liɛ'n to nannin tola mun, nin bua nene mun, nin bua nga b'a kpɛ cro'n, nin be su cɛlɛ, ɔ nin be su nzan nga be guɛ i ase'n! Fɛ i kwlakwla sɔ'n yi tɛ amun Nyanmiɛn'n i sɔwlɛ ng'ɔ o Zerizalɛm lɛ'n su.

Neemi 1:9

sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Jue Mun 78:68

Zida akpasua'n yɛ ɔ kpali-ɔ, Siɔn oka'n yɛ ɔ kloli i-ɔ.

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Ezipt Lɔ Tulɛ'n 25:22

Alaka'n i su tre'n i su lɛ yɛ e nin wɔ e wa yia-a, e ´yia anz nnyɔn'm be afiɛn'n nun lɛ. Lɛ yɛ n ´kan mín nuan su ndɛ n ´kle wɔ yɛ a ´kan kle Izraɛlfuɛ mun-ɔn.»

Zeremi 26:2

«Anannganman'n wan yoo: ‹Ko jran min sua'n i awlo klun'n nun nan kan ndɛ nga n ´fa wla ɔ́ nuan yɛ'n kwlaa kle sran nga be fin Zida klɔ klɔ'm be su ba min bo kotolɛ'n, kan ndɛ sɔ'n kwlaa kle be. Nán yaci wie lɛ.

Zeremi 7:12

«Sɛ amun waan n ´laka'n, an `ko nian mín sua ng'ɔ o Silo lɔ'n kan n trannin lɔ laa'n. An `ju lɔ be nian like nga n fa yoli Izraɛlfuɛ'm bɔ be ti min nvle nunfuɛ'n be sa tɛtɛ bɔ be yo'n i dunman nun.

Zeremi 7:14

I ti'n, sa kunngba nga n fa yoli Silo'n yɛ n ´fa yo sua nga min dunman'n wo su yɛ'n bɔ i su yɛ an lafi'n, ɔ nin lika nga n fa mannin amun nin amun nannan mun nin-ɔn .

Saun Yolɛ 17:4

man ɔ dun mmua fa nnɛn'n ɔ bla tannin sua'n nga n yi min wun nglo nun'n i anuan'n nun lɛ, ɔ `fa man min kɛ min nnɛn-ɔn. Sɛ ɔ'a yo-mɛn i sɔ'n, wuun ɔ'a yo sa tɛ, afin b'a mɛn-mɛn i atin kɛ like ng'ɔ de wunmiɛn asiɛ'n su'n, ɔ gua wie mmoja ase. Kɛ bɔ ɔ'a guɛ i ase'n ti'n, be ´fuɛn i Izraɛl nvle nun.

Kalɛ 7:89

Sɛ Moiz wlu tannin sua'n nun lɔ kɛ ɔ nin Anannganman be ´ko koko yalɛ'n, ɔ ti aniɛn kun, ɔ tɛ Nyanmiɛn i alaka'n i ti tre i su, anz nnyɔn'm be afiɛn lɛ. Kpɛkuun Moiz nin Anannganman be koko yalɛ.

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:13

Nán amun yi amun tɛ nga be yra be nnɛn'n kɔlikɔli'n lika nga amun klo'n nun.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:4

Anannganman amun Nyanmiɛn'n i liɛ'n, nán amun su i kɛ nvle sɔ'm be nunfuɛ'm be fa sɔ be amuɛn mun'n sa.

Mmla'n 14:23

Lika nga Anannganman amun Nyanmiɛn'n kle kɛ lɛ yɛ ɔ ´tran'n, amun `wɔ lɔ. Amun `ko di amun ble, nin amun nannin mun, nin amun bua mun, ɔ nin amun boli'm be mma klikli mun. Amun `ko nɔn amun nzan lɔflɛ'n nin amun ngo'n be blusu'n i nyrun lɔ. Kpɛkuun amun nyin `yi Anannganman amun Nyanmiɛn'n titi.

Mmla'n 14:24

Wienun-ɔn, Anannganman amun Nyanmiɛn'n ɔ ´yo man amun ninnge'm be ´yo ye. Kpɛkuun sɛ amun klɔ'n nin klɔ nga Anannganman'n amun Nyanmiɛn ɔ kleli kɛ lɛ yɛ ɔ ´tran'n be afiɛn'n ti nun'n, amun ´yo amun blusu sɔ'n be atɛ. Afin amun su kwla sua kɔ-man. Kpɛkuun amun `fa sika'n tra nun be ɔ kan Anannganman amun Nyanmiɛn'n ɔ kleli kɛ lɛ yɛ ɔ tran'n.

Mmla'n 15:20

Afuɛ nuan kwlaa ng'ɔ ju'n, amun nin amun osufuɛ mun amun `wɔ lika nga Anannganman kle nun lɔ nan amun `ko di i sɔ nnɛn mun.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 16:15

Amun `di cɛn sɔ'n le nso lika nga Anannganman amun Nyanmiɛn'n ɔ kle'n nun, amun `di fa mɛnmɛn i. Amun `yi amun aklunjuɛ i nglo yɛlɛ kɛ Anannganman amun Nyanmiɛn'n yo man amun fie'm be yo kpa, yɛ like kwlaa nga amun yo'n ɔ ´yo ye.

Mmla'n 16:2

Delɛ-cɛn dilɛ nun'n, amun `wɔ lika nga Anannganman kle kɛ lɛ yɛ ɔ ´tran'n i nun lɔ, amun `kun bua nin boli, ɔ nin nannin be fa man Anannganman amun Nyanmiɛn'n.

Mmla'n 16:6

Klɔ nga Anannganman amun Nyanmiɛn'n ko kle kɛ lɛ yɛ ɔ ´tran'n, i su yɛ amun `kun Delɛ-cɛn'n i nnɛn'n nan amun di-ɔ. Amun `kun nnɛn'n nnɔsua kɛ sɛnzɛ'n ɔ'a tɔ'n, afin dɔ kunngba sɔ'n su yɛ amun tuli Ezipt lɔ-ɔ.

Mmla'n 16:7

Kpɛkuun amun `tɔn be di i lika nga Anannganman amun Nyanmiɛn'n ɔ kle'n i nun lɔ. Kpɛkuun nglɛmun amun `sa amún sin wɔ amun tranwlɛ.

Mmla'n 17:8

Sɛ ndɛ tɛ tɔ klɔ kun su nan be kwla di-man'n, sɛ be kunnin sran, sɛ kannin yɛ be boli sran, annzɛ sɛ ndɛ uflɛ wie yɛ ɔ tɔ'n, amun `fɛ i sɔ ndɛ liɛ'n be `wɔ lika nga Anannganman amun Nyanmiɛn'n ko kle'n nun lɔ.

Mmla'n 18:6

Sɛ Levifuɛ kun tran Izraɛl klɔ wie su nan i waan ɔ ´tu lɛ kɔ lika nga Anannganman i Nyanmiɛn'n kleli i'n nun lɔ'n,

Mmla'n 26:2

amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.

Mmla'n 31:11

kɛ Izraɛlfuɛ'm be kwlaa be ko ba Anannganman amun Nyanmiɛn'n i nyrun lika ng'ɔ ´kle i nun lɛ'n, amun `kanngan mmla'n kle be man be ti.

Kolɔsfuɛ Mun 2:9

Afin kɛ e wun Krist b'ɔ kacili sran'n, e wun wafa nga Nyanmiɛn ti'n i kwlaa.

Hébreu 12:22

Sanngɛ an bali Siɔn Oka'n i bo, an bali nyanmiɛn su Zerizalɛm liɛ'n b'ɔ ti Nyanmiɛn i klɔ'n bɔ anz akpi-akpi be o su'n su.

Zozie 18:1

Kɛ Izraɛlfuɛ'm be fali mɛn'n, be ko yiali Silo lɔ, nan b'a kplan sua nga Anannganman yi i wun nglo nun'n.

Zozie 22:11

Izraɛlfuɛ kun nga'm be tili i kɛ Ribɛn nin Gad akpasua'n, ɔ nin Manase akpasua bue'n b'a kplan Nyanmiɛn sɔwlɛ wie Izraɛlfuɛ'm be bue liɛ'n su Kanaan mɛn'n nun lɔ.

Zozie 9:27

ɔ seli be kɛ be kpɛ yie nan be sa nzue man Izraɛl nvle'n, ɔ seli be ekun kɛ be `sa nzue nan be fa kplan Anannganman i sɔwlɛ'n kan Anannganman bɔbɔ ´kle kɛ be kplɛn i lɛ'n. Lele nin ndɛ be anunman'm be tɛ di i sɔ junman liɛ'n.

Sa nglô yile 14:1

Kɛ n toli mín nyin'n, n ´nian-an, Bua Gbanflɛn'n jin Siɔn Oka'n su, ɔ nin sran akpi-akpi ya sran akpi-akpi ablanan-nin-nnan (144.000) bɔ i dunman'n nin i Si dunman'n klɛ be ngban su'n be yɛ be o lɛ-ɔ.