Mmla'n 12:31 - NYANMIƐN NDƐ'N 1998

³¹ Nán amun su Anannganman amun Nyanmiɛn'n kɛ be fa sɔ be amuɛn'm be sa. Afin tete sa nga Anannganman klo-mɛn i'n yɛ be yo man be amuɛn mun-ɔn. Be yi be mma yasua nin bla mun sin nun be fa yi sraka man be amuɛn sɔ mun bɔbɔ.

Mmla'n 12:31 ပူးပေါင်းရင်းမြစ်များ

2 Famiɛn Mun 16:3

Ɔ niannin Izraɛl famiɛn'm be nantilɛ'n su yɛ ɔ nantili-ɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i wa'n yili tɛ. Be yrɛli i.

2 Famiɛn Mun 17:31

Avafuɛ'm be yoli Nibkaz nin Tartak be nzɔliɛ. Sɛfarvaimfuɛ'm be yrali be mma mun be fa yili sraka be mannin be amuɛn nga be flɛ be kɛ Adramelɛk'n ɔ nin Anamelɛk'n.

2 Famiɛn Mun 21:2

Ɔ yoli sa ng'ɔ yo-man Anannganman fɛ'n. Nvle nga Anannganman fuannin be nun sran mun b'ɔ fali be lika'n mannin Izraɛl'n, Manase niannin be tete sa nga be yo be'n be su yoli wie.

2 Famiɛn Mun 3:27

Yɛ ɔ fɛli i wa yasua klikli'n b'ɔ ti i aja difuɛ'n, ɔ fa yili tɛ nga be yrɛ i nnɛn'n kɔlikɔli nin-ɔn. Klɔ'n i wun talɛ'n i ti su nglo yɛ ɔ yili tɛ sɔ nin-ɔn. Izraɛlfuɛ'm be fali ya dan kpa, nan b'a jaso be nanmue'n nun b'a ɔ bé mɛn'n nun.

2 Be Nyoliɛ 33:2

Ɔ yoli sa ng'ɔ yo-man Anannganman fɛ'n. Nvle nga Anannganman fuannin be nun sran mun'n, b'ɔ fali be lika'n mannin Izraɛl'n, Manase niannin be tete sa nga be yo be'n be su yoli wie.

2 Be Nyoliɛ 36:14

I kunngba'n, Nyanmiɛn nyrun jranfuɛ kpɛnngbɛn mun, be nin sran'm be kwlaa be yoli tete sa nga nvle kun nga mun be nunfuɛ'm be yo'n i kwlaa'n wie. Nyanmiɛn i sua'n b'ɔ o Zerizalɛm lɔ'n, b'ɔ yoli i saun'n, be yoli i fiɛn.

Jue Mun 106:37

Be fali be mma yasua mun nin be mma bla mun be sɔli ninnge ngbɛn-ngbɛn mun .

Ezipt Lɔ Tulɛ'n 23:2

Sran wie bé bo yo kun be yo sa tɛ. Nán nian kɛ be ti kpanngban ti a se kɛ a su be su yo wie. Sran wie'm be kusu be di ndɛ i wafa b'ɔ ti-man su'n. Nán jran bé sin.

Zeremi 32:35

Be kplannin amuɛn Baal i sua Bɛn-Inɔm kongo'n nun yɛ be fa be mma bla nin be mma yasua mun be yi tɛ be man Mɔlɔk-ɔ. Kusu wuun m bɔbɔ min m'an se-man kɛ be yo i sɔ man min. I sɔ akunndan bɔbɔ nian ba-man mín ti nun le. Be yoli tete sa sɔ mun man Zidafuɛ'm be yoli sa tɛ.

Zeremi 7:31

Be kplannin sraka yiwlɛ lika Tɔfɛt b'ɔ o Bɛn-Inɔm kongo'n nun lɔ'n nun, yɛ be fa be mma yasua mun nin bla mun be yra be be yi sraka. Kusu wuun n nian se-man be kɛ be yo i sɔ like le. I sɔ akunndan nian ba-man mín ti nun le.»

Ezekiɛl 20:31

Kɛ e ´se yɛ'n, amun tɛ yo amún wun fiɛn yɛlɛ kɛ amun tɛ sɔ amuɛn, yɛ amun kun amun mma mun be fa sɔ amuɛn mun. ?Izraɛlfuɛ mun, amun lafi su kɛ n ´yaci min wun lɛ kɛ amun usa min sa? Cɛcɛ, n ti Nyanmiɛn bɔ min nyin o su'n, n su yaci-man min wun lɛ kɛ amun usa min sa.› » Anannganman Nyanmiɛn yɛ ɔ kan sɔ-ɔ.

Ezekiɛl 23:27

N wa sie ɔ wlaka nin ɔ tekle nga a sɔ i bolɛ su Ezipt lɔ'n i ti. Ɔ nyin su blo-man sran wun kun. A su bu-man Eziptfuɛ'm be akunndan kun.›

Saun Yolɛ 18:21

Nán man amun fa amun mma mun be ko yi tɛ be man amuɛn nga be flɛ i Mɔlɔk'n, afin sɛ ɔ yo sɔ-ɔ, ɔ ti min dunman'n i sacilɛ. Min yɛ n ti Anannganman amun Nyanmiɛn nin-ɔn.

Saun Yolɛ 18:3

Ezipt mɛn'n nun kan amun trannin lɔ laa'n, nán amun yo lɔ like mlɔnmlɔn kun. Like nga be yo i Kanaan mɛn'n nun kan min nin amun su kɔ lɔ'n, nán amun yo wie. Mɛn sɔ'n nunfuɛ'm be mmla nga be nanti su'n, nán amun nanti su wie.

Saun Yolɛ 20:2

ɔ `kan ndɛ yɛ mun kle Izraɛlfuɛ mun. I waan: «Sɛ Izraɛlfuɛ kun, sɛ wie kusu-ɔ aofuɛ wie b'ɔ tran Izraɛl wa'n ɔ fɛ i wa kun ko yi tɛ man amuɛn nga be flɛ i Mɔlɔk'n, ɔ fata kɛ be kun i sɔ sran liɛ'n. Man mɛn mma'm be finfin i yɛbuɛ be kun i.

Mise 6:7

?Bua nene kaka yɛ Anannganman kunndɛ-ɔ? ?Ngo kaka yɛ Anannganman kunndɛ-ɔ? ?Nyin kekle bɔ e yoli i su, ɔ nin sa tɛ bɔ e yoli'n ti e `fa e klun ba klikli nga e wuli be'n e `mɛn i nan ɔ'a guɛ i ya'n i ase?»

Mmla'n 12:30

amun `nian amun wun kpa. Nán be aya'm be tra amun, nán amun fa be nzuɛn mun. Kɛ be ko wie nunnun bɔ be ko jaso amun nyrun lɛ'n, nán amun kpɛ be amuɛn'm bé sin atin, nán amun se kɛ: «?Nvle sɔ'm be sɔ be amuɛn sɔ'm be sɛ li? E ´nian su e `sɔ be.»

Mmla'n 12:4

Anannganman amun Nyanmiɛn'n i liɛ'n, nán amun su i kɛ nvle sɔ'm be nunfuɛ'm be fa sɔ be amuɛn mun'n sa.

Mmla'n 20:18

Sɛ ɔ yo sɔ'n, i liɛ'n, be su kle-man amun tete sa bɔ be yo be man be amuɛn mun'n, yɛ amun su yo-man sa tɛ Anannganman amun Nyanmiɛn'n i wun.

Mmla'n 9:4

Sɛ Anannganman amun Nyanmiɛn'n ɔ fuan be amun nyrun'n, nán amun di amún nuan se kɛ: «E kpa bɔ e ti'n ti yɛ Anannganman fali e bali kɛ e wa tran mɛn nga nun-ɔn.» Afin nvle sɔ'm be aeliɛ tɛtɛ'n ti yɛ Anannganman ´fuan be amun nyrun-ɔn.

Mmla'n 9:5

Nán kɛ amun ti kpa annzɛ amun ti sɛsɛ ti yɛ amun su wa fa be mɛn nin-ɔn. Ɔ ti-man sɔ. Nvle sɔ'm be aeliɛ tɛtɛ'n ti yɛ Anannganman amun Nyanmiɛn'n ´fuan be amun nyrun-ɔn. I waan ɔ ´yo sɔ nan ɔ ´yia nda ng'ɔ tali amun nannan Abraam, nin Izaak, nin Zakɔb'n i nuan.