Mmla'n 12:30 - NYANMIƐN NDƐ'N 1998

³⁰ amun `nian amun wun kpa. Nán be aya'm be tra amun, nán amun fa be nzuɛn mun. Kɛ be ko wie nunnun bɔ be ko jaso amun nyrun lɛ'n, nán amun kpɛ be amuɛn'm bé sin atin, nán amun se kɛ: «?Nvle sɔ'm be sɔ be amuɛn sɔ'm be sɛ li? E ´nian su e `sɔ be.»

Mmla'n 12:30 ပူးပေါင်းရင်းမြစ်များ

2 Famiɛn Mun 16:10

I sin, famiɛn Akaz ɔli Damas. Ɔ ɔli Tilgat-Pilnezɛr b'ɔ ti Asiri famiɛn'n i wun wunlɛ. Kɛ ɔ wunnin Damas lɔ sraka yiwlɛ'n, ɔ klɛklɛli sraka yiwlɛ sɔ'n i wafa ng'ɔ fa ti'n i wun ndɛ blɛli Iri b'ɔ ti Nyanmiɛn nyrun jranfuɛ'n.

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

Ezipt Lɔ Tulɛ'n 23:24

Nán amun koto nvle sɔ'm be amuɛn'm be bo, nán an sɔ be. Nán amun nian be aeliɛ'm bé su yo wie. Amun `bubu be waka sran'm be nun, yɛ amun `saci yɛbuɛ nga be takali be'n mun.

Zeremi 10:2

Anannganman'n wan yoo: «Nán an sɔnnzɔn nvle kun nga mun. Nzɔliɛ ng'ɔ fite nyanmiɛn'n b'ɔ la nglo lɔ plaii'n i su'n b'ɔ yo nvle kun nga'm be sro'n, nán be yo amun sro.

Ezekiɛl 11:12

Kpɛkuun amun wa si jrɛiin kɛ min yɛ n ti Anannganman'n nin-ɔn. Amu'an fa-man min mmla'm be su, amu'an fa-man mín nuan su ndɛ'm be su. Sa nga nvle nga be sin yia amun'n be yo'n, yɛ amun yoli-ɔ.› »

Ezekiɛl 20:28

Mɛn nga n tali be nda kɛ n ´fa man be'n, n fa be n ɔli nun. Be fali bé nyin bloli kpɔlɛ fleiin nin waka nga be lɛ nnya wuya'm bé su. Lɛ yɛ be yili be tɛ mun-ɔn, lɛ yɛ be kunnin min ya ɔ nin ble annzɛ like ng'ɔ ti kɛ ble sa bɔ be fa yi sraka'n, ɔ nin be tɛ'm bɔ be bɔn fannin'n, ɔ nin be nzan'm bɔ be gua be ase mun-ɔn.

Ezekiɛl 20:32

«Amun bu i kɛ amun kwla yo kɛ mɛn kun nga'm be nunfuɛ'm be sa nan amun ´kwla sɔ waka mun nin yɛbuɛ mun, atin sin-man lɛ.

Saun Yolɛ 18:3

Ezipt mɛn'n nun kan amun trannin lɔ laa'n, nán amun yo lɔ like mlɔnmlɔn kun. Like nga be yo i Kanaan mɛn'n nun kan min nin amun su kɔ lɔ'n, nán amun yo wie. Mɛn sɔ'n nunfuɛ'm be mmla nga be nanti su'n, nán amun nanti su wie.

Saun Yolɛ 18:30

Nan i yɛ m'an kɛn i lɛ-ɔ. Mmla nga n kan n kle amun'n, amun `nian su be `yo. Tete sa nga be dunnin mmua be yoli nan amu'an ba'n, nán amun nian su be yo wie, ɔ ti-mɛn ti-ɔ, sa tɛ kunngba'n ɔ ´kan amun wie. Min Anannganman amun Nyanmiɛn'n yɛ n kɛn i sɔ n kle amun-ɔn.»

Kalɛ 33:52

amun `kan lɔfuɛ nga be o amun nyrun'n bé bo, amun `bubu amuɛn nga be fali yɛbuɛ annzɛ blalɛ yoli'n mun, amun `saci be sraka yiwlɛ lika bɔ be o kpɔlɛ'm be su mun.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Efɛzfuɛ Mun 4:17

I sɔ'n ti'n, e Min'n dunman nun n se amun kɛ yoo: nán amun nzuɛn'n fa be bɔ be ti-man Zuif'n be liɛ'n kun. Be lɛ-man akunndan,

Mmla'n 11:16

Amun `nian amún wun kpa. Nán amún ti nun saci, nán amun yaci atin kpa'n lɛ amun ko su amuɛn mun, nán amun koto bé bo.

Mmla'n 12:29

Kɛ Anannganman amun Nyanmiɛn'n ko nunnun mɛn nga amun su ko i falɛ'n i nunfuɛ mun'n, sɛ amun fuan be nan amun tran be osu'n,

Mmla'n 12:31

Nán amun su Anannganman amun Nyanmiɛn'n kɛ be fa sɔ be amuɛn'm be sa. Afin tete sa nga Anannganman klo-mɛn i'n yɛ be yo man be amuɛn mun-ɔn. Be yi be mma yasua nin bla mun sin nun be fa yi sraka man be amuɛn sɔ mun bɔbɔ.

Mmla'n 18:9

Sɛ amun ju mɛn nga Anannganman amun Nyanmiɛn'n ɔ'a fa man amun'n i nun lɔ'n, tete sa nga lɔ sran'm be yo'n, nán amun nian su yo wie.

Mmla'n 20:18

Sɛ ɔ yo sɔ'n, i liɛ'n, be su kle-man amun tete sa bɔ be yo be man be amuɛn mun'n, yɛ amun su yo-man sa tɛ Anannganman amun Nyanmiɛn'n i wun.

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.