Mmla'n 12:28 - NYANMIƐN NDƐ'N 1998

²⁸ Amun `tie ndɛ nga n ´kan kle amun yɛ'n kpa, amun `fa sie nan amun nin amun osu nunfuɛ mun amun wun jɔ amun fɔuun tititi. Afin sɛ amun yo i sɔ'n, wuun amu'an yo sa kpa ng'ɔ nin Anannganman amun Nyanmiɛn'n i nyrun fata'n.

Mmla'n 12:28 ပူးပေါင်းရင်းမြစ်များ

2 Famiɛn Mun 17:31

Avafuɛ'm be yoli Nibkaz nin Tartak be nzɔliɛ. Sɛfarvaimfuɛ'm be yrali be mma mun be fa yili sraka be mannin be amuɛn nga be flɛ be kɛ Adramelɛk'n ɔ nin Anamelɛk'n.

2 Be Nyoliɛ 7:17

Yɛ wɔ, sɛ a nanti sein min atin'n su kɛ ɔ́ si David fa nantili'n sa'n, sɛ a nian sa nga n kan kleli wɔ'n su a yo i sɛsɛsɛ'n, sɛ a fa min mmla fanunfanun'm be su'n,

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Jue Mun 105:45

I waan ɔ ´yo sɔ nan be di i nuan ndɛ'm bé su, nan be niɛn i mmla ng'ɔ fa mannin be'n bé su be nanti. An `manman Anannganman!

Ezipt Lɔ Tulɛ'n 34:11

Amun `nian nga n se amun kɛ amun yo i ndɛkɛn yɛ'n su kpa amun `yo. N wa dun mmua amun nyrun, n ´fuan Amɔrfuɛ mun, nin Kanaanfuɛ mun, nin Ɛtfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ mun.

Akunndanfuɛ'n 8:12

Kannzɛ bɔ sa tɛ yofuɛ'n ɔ yo sa tɛ'n lele kpɛ ya, nan i nguan'n i sin ɔ'a kpɛ-man'n, sanngɛ n si kɛ be nga be nyin yi Nyanmiɛn'n be liɛ be lɛ muae .

Ezekiɛl 37:24

Min sufuɛ David yɛ ɔ ´yo be famiɛn nin-ɔn. Be sunianfuɛ'n ɔ ´yo kunngba. Be ´fa mín nuan su ndɛ'm be su, yɛ bé nyin ´yi min. Be ´fa min mmla'm be su.

Saun Yolɛ 19:37

Min mmla'n, ɔ nin min ndɛ nga n kan be n kleli amun'n, amun `tra be nun, yɛ amun `nanti su. Min yɛ n ti Anannganman nin-ɔn.»

Jean 15:10

Sɛ an fa min ndɛ'n su'n, amun ´si kɛ n klo amun tititi. Kɛ n fa n Si ndɛ'n su sɔ-ɔ, ɔ man n si kɛ ɔ klo min tititi.

Jean 15:14

Sɛ an fa min ndɛ'n su'n, an ti n janvuɛ.

Jean 15:3

Ndɛ nga n kan kleli amun'n ti amu'an yo kpa.

Mmla'n 12:25

Sɛ amun waan amun nin amun osu nunfuɛ amun wun jɔ amun fɔuun nán amun di mmoja. Amun `yo sa ng'ɔ ti kpa Anannganman nyrun'n.

Mmla'n 24:8

Like nga Nyanmiɛn nyrun jranfuɛ bɔ be ti Levifuɛ'm be kle amun kɛ sɛ kokowe yo amun-ɔn, amun `yo'n, man ɔ yo amun cinnjin. Nga n kan kleli be'n, amun `nian su yo.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»