Mmla'n 12:27 - NYANMIƐN NDƐ'N 1998

²⁷ Sɛ tɛ nga be yra be nnɛn'n kɔlikɔli'n yɛ amun yi'n, amun `fa nnɛn ba'n be sie i Anannganman amun Nyanmiɛn'n i sɔwlɛ'n su, yɛ amun `fa nnɛn'n i mmoja'n be guɛ i Nyanmiɛn sɔwlɛ kunngba'n su. Sɛ tɛ uflɛ yɛ amun yi'n, amun `fa nnɛn'n i mmoja'n be guɛ i Anannganman amun Nyanmiɛn'n i sɔwlɛ'n su kpɛkuun amun `di nnɛn ba'n.

Mmla'n 12:27 ပူးပေါင်းရင်းမြစ်များ

Zeremi 7:21

Anannganman b'ɔ ti Izraɛl Nyanmiɛn'n b'ɔ sie mɛn wunmuan'n wan yoo: «An `fa amun tɛ nga be yra be nnɛn'n kɔlikɔli'n an `fa uka tɛ kun nga'm be nnɛn liɛ'n su nan amun `di.

Saun Yolɛ 1:13

Nnɛn'n i klun ninnge'n nin i ja mun, man sran'n ɔ salo bé wun yɛiin, nan min nyrun jranfuɛ'n ɔ `man su kle min nan ɔ'a yrɛ i ngba'n sin nga be trɔli i min sɔwlɛ'n su'n i su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 1:5

Ɔ `kpɛ nnɛn'n i kɔmin min nyrun lɛ. Min sɔwlɛ ng'ɔ o tannin sua'n i nyrun lɛ'n, man Aarɔn i wa yasua'm bɔ be ti min nyrun jranfuɛ'n be `fɛ i mmoja'n be `fa guɛguɛ i nvɛn wun nvɛn wun'm bé su tɛɛn `sin yia nun.

Saun Yolɛ 1:9

Kpɛkuun nnɛn'n i klun ninnge'n nin i ja mun, be `fa nzue salo bé wun yɛiin. Kpɛkuun min nyrun jranfuɛ'n ɔ `yrɛ i ngba'n min sɔwlɛ'n su. Tɛ nga be yrɛ i nnɛn'n kɔlikɔli'n, ɔ bɔn min bue nun fannin.

Saun Yolɛ 17:11

Afin like kwlaa ng'ɔ de wunmiɛn'n, i mmoja'n nun yɛ i nguan'n wo-ɔ. I sɔ'n ti yɛ man m mannin amun atin kɛ mmoja yɛ amun fa be `se min yaci min sɔwlɛ'n su nan m'an kplin amun ngbata'n su nin-ɔn. Mmoja'n yɛ man sɛ be kpata-a be kplin su-ɔ, afin mmoja'n, i yɛ ɔ ti nguan nin-ɔn .

Saun Yolɛ 3:1

«Sɛ nnɛn dan kɛ nannin tola, wie kusu-ɔ nannin bla, yɛ sran kun waan ɔ ´fa yi bo kun yolɛ i su tɛ man min'n, nán man lɛ trɛn i wun.

Saun Yolɛ 4:30

Man min nyrun jranfuɛ'n fɛ i sama'n kun bo i nnɛn'n i mmoja'n nun nan ɔ `fa klikli min sɔwlɛ'n i cɔnjɔ-cɔnjɔ bɔ be ti kɛ nnɛn wɛ sa'm bé su, nan ɔ `utu i onga'n min sɔwlɛ'n i ja wun lɛ.