Mmla'n 12:26 - NYANMIƐN NDƐ'N 1998

²⁶ Amun ninnge nga amu'an sie be ngunmin kɛ amun ´fa man Nyanmiɛn'n, ɔ nin nda nga amun ta Nyanmiɛn'n i nuan ninnge'm be liɛ'n, amun `fa ko man Anannganman lika ng'ɔ ko kle'n i nun lɔ.

Mmla'n 12:26 ပူးပေါင်းရင်းမြစ်များ

Bo Bolɛ 28:20

Zakɔb tali nda, i waan: «Sɛ Nyanmiɛn nin min o nun'n, sɛ ɔ yo man n nanti ye'n, sɛ ɔ man min aliɛ n di'n, sɛ ɔ man min tralɛ n wla'n,

Kalɛ 18:19

Cɛlɛ ninnge nga be ti min liɛ klonglo'n bɔ Izraɛlfuɛ'm be fa man min'n i kwlaa'n, n ´fa man wɔ, ɔ ti wɔ nin ɔ wa bla mun nin ɔ wa yasua mun amun liɛ tititi. Aenguɛ nga e nin wɔ nin wɔ osu'n nunfuɛ mun e ´trɛ i yɛ'n, ɔ ´ka lɛ tititi.»

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:21

Sɛ lika nga Anannganman amun Nyanmiɛn'n kle kɛ ɔ ´tran lɛ'n nin amun tranwlɛ'n wo mmua dan'n, amun kwla kun nannin, nin bua, nin boli nga Anannganman fa mannin amun'n wie be di kɛ n kan kleli amun'n sa. Amun `di amun klun klo liɛ'n kan amun tran lɛ'n.

Mmla'n 12:6

Amún tɛ nga be yra be nnɛn'n kɔlikɔli'n, nin amun sraka mun, nin amun blusu mun, nin amun fie su ninnge klikli mun, nin nda talɛ nuan ninnge mun, nin amun klun klo ninnge nga amun ´fa man'n, ɔ nin amun nannin mun, nin amun bua mun, nin amun boli mun nnɛn sɔ'm be talua ba mun, lɛ yɛ amun `fa be bla-a.