Mmla'n 12:20 - NYANMIƐN NDƐ'N 1998

²⁰ Blɛ nga Anannganman amun Nyanmiɛn'n ko trɛ amun lika'n nun ko man amun kɛ ɔ kan kleli amun sa'n, blɛ kwlaa nga amun konvi sɔ nnɛn'n, amun `di nga amun klo'n.

Mmla'n 12:20 ပူးပေါင်းရင်းမြစ်များ

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Bo Bolɛ 31:30

Ɔ wla lo ɔ́ si i awlo lɔ ti yɛ a su kɔ-ɔ. ?Yɛ sanngɛ nzu sa ti yɛ a wuali min amuɛn mun-ɔn?»

2 Samiɛl 13:39

Ya nga famiɛn David fɛli i Absalɔm wun'n Amnɔn i wulɛ'n ti'n, ɔ kannin ase, afin i wla fili i wun.

2 Samiɛl 23:15

Kpɛkuun David nyin a tran like kun su, yɛ i waan: «?Wan yɛ ɔ ´ko sa nzue gbo ng'ɔ o Bɛtleɛm anuan'n nun lɔ'n i nun nzue'n wie man n nɔn-ɔn?»

1 Be Nyoliɛ 4:10

Zaɛbɛz kpan flɛli Izraɛl Nyanmiɛn'n, ɔ seli i kɛ: «N ´srɛ wɔ kpa ti-ɔ, man min muae, yo man min asiɛ'n cɛn, sasa min. Nán sa tɔ min su, nán man n wun nyrɛnnɛn!» Kpɛkuun Nyanmiɛn tɛli i srɛlɛ'n su klanman.

Jue Mun 107:9

Afin sran nga bɔ nzue we kunnin i'n, ɔ mɛnnin i nzue. Sran nga bɔ awe kunnin i'n, ɔ mɛnnin i aliɛ ɔ dili i ku yili.

Jue Mun 119:174

Ee Anannganman, n kunndɛ kpa kɛ a de min. Ɔ mmla'm be ti min anwlɛn su like.

Jue Mun 119:20

Ndɛ nga a kannin be'n, n konvi sɔ be tititi.

Jue Mun 119:40

Mmla nga a sie be'n, yɛ n fɛfɛ n kunndɛ be-ɔ. Wɔ bɔ a yo sa mun i nuan su'n, yo man n nyan nguan!

Jue Mun 63:1

Jue nga ti David liɛ. Ɔ kan blɛ nga David o Zida aawlɛ flɛnnɛn'n nun lɔ'n i ndɛ . I waan:

Jue Mun 84:2

Anannganman, wɔ bɔ a sie mɛn wunmuan'n, n klo ɔ sua nin o!

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Ezipt Lɔ Tulɛ'n 34:24

Afin n ´dun mmua amun nyrun, yɛ n ´kan nvle sɔ'm be nunfuɛ'm bé bo, kpɛkuun amun asiɛ liɛ'n ɔ ´cɛn. Sɛ afuɛ nuan kun nun amun ba min Anannganman amun Nyanmiɛn'n min sua'n nun wa kpɛ nsan bɔbɔ'n, sran fi nyin su blo-man amun mɛn i wun kɛ ɔ fɛ i amun sin.

Kalɛ 11:20

Amun ´di i lele anglo klonglo kun, ɔ ´flan amun siɛn'n, lele ɔ ´bɔn amun bue nun. Kɛ bɔ amun yoli min bɔ n wo amun afiɛn'n min finfin, bɔ amun sun guali min wun, bɔ amun seli kɛ: ?Nguɛ ti yɛ e fin Ezipt lɔ e bali'n? Sa nga amun yoli'n i nuan fɔ nga n ´tu amun'n yɛ ɔ o lɛ-ɔ? › »

Kalɛ 11:34

Be tɔnnin lika sɔ'n i dunman kɛ Kibrɔt-Atava. I bo'n yɛlɛ Konvi Asieliɛ, afin lɛ yɛ be sieli be nga nnɛn'n i dilɛ'n i konvi kpli'n ɔ trannin be nun nin-ɔn.

Kalɛ 11:4

Cɛn kun, be o lɛ kpɛkuun aofuɛ bɔ be fin lika fanunfanun'm be nun bɔ be nin Izraɛlfuɛ mun be o lɛ'n be konvi sɔli nnɛn dilɛ dan kpa, yɛ Izraɛlfuɛ'm be bɔbɔ kusu be wa triki-ɔ. Be waan: «?Wan yɛ ɔ ´man e nnɛn nan y'a di-ɔ?

2 Korɛntfuɛ Mun 9:14

Yɛ aklunye dan nga Nyanmiɛn man an yo'n ti be ´bu amun akunndan kpa, yɛ be ´yra bé nuan kɛ Nyanmiɛn jran amún sin.

Mmla'n 11:24

Lika kwlaa bɔ amun ja tia lɛ'n, ɔ ti amun liɛ. Amun mɛn'n ´fɛ i aawlɛ flɛnnɛn b'ɔ o ngua lɔ'n nun lele fa ju nglo lɔ lika nun Liban lɔ. Kpɛkuun ɔ ´fɛ i wia afiliɛ lɔ nzue ba dan bɔ be flɛ Efrat'n i nuan lɔ lele ɔ fa ju wia atɔliɛ lɔ jenvie bɔ be flɛ i Mediterane'n i nuan.

Mmla'n 12:15

Sanngɛ sɛ Anannganman amun Nyanmiɛn'n ɔ'a yo man amun ninnge'm b'a yo ye, nan amun klun klo amun waan amun ´kun nnɛn di'n, amun kwla kun i kan amun tran lɛ'n. Sran ng'ɔ ti saun o, sran ng'ɔ ti-man saun o, be kwlaa be di wie-ɔ ɔ yo ye. Ɔ ti kɛ wannzannin annzɛ flete wie yɛ be su di sa.

Mmla'n 12:21

Sɛ lika nga Anannganman amun Nyanmiɛn'n kle kɛ ɔ ´tran lɛ'n nin amun tranwlɛ'n wo mmua dan'n, amun kwla kun nannin, nin bua, nin boli nga Anannganman fa mannin amun'n wie be di kɛ n kan kleli amun'n sa. Amun `di amun klun klo liɛ'n kan amun tran lɛ'n.

Mmla'n 19:8

Mmla nga n ´fa sie amun nyrun'n yɛ'n, sɛ amun fa be kwlaa su'n, sɛ amun klo Anannganman amun Nyanmiɛn'n, nan amun fɛ i atin'n su'n, ɔ wa man amun lika dan. Mɛn nga ɔ kan kleli amun nannan'm be kɛ ɔ ´fa man amun'n, sɛ ɔ fɛ i wunmuan'n man amun'n, amun `fa klɔ nsan ekun `uka nsan klikli'm bé su.

Filipfuɛ Mun 1:8

afin klolɛ dan nga Krist-Jésus fa kloli amun'n yɛ n fa klo amun-ɔn, Nyanmiɛn'n ti n lalofuɛ.

Filipfuɛ Mun 2:26

I wla lo amun kwlaa. Kɛ an tili i kɛ i wun loli'n, ɔ man i klun titili i kpa.