Mmla'n 12:18 - NYANMIƐN NDƐ'N 1998

¹⁸ Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:18 ပူးပေါင်းရင်းမြစ်များ

Jue Mun 32:11

Nyanmiɛn sufuɛ nanwlɛfuɛ mun, man amun klun jɔ, man amun wun kpaja amun Anannganman ti. Sran kpa mun, amun klun b'ɔ ti jɔwa'n ti, an `bo sro!»

Jue Mun 68:3

Man klunwifuɛ'm be tu Nyanmiɛn i wun lɛ kɛ sin wɛnsrɛn b'ɔ wie'n sa. Man be tu lɛ kɛ wɛma'm be sua bɔ sin'n ɔ'a kɛn i'n sa.

Nyanndra Mun 3:17

I atin'm be ti kpa. I atin mma'm be kwlaa be su falɛ yo fɛ.

Akunndanfuɛ'n 3:12

Kpɛkuun yɛ n fa wunnin i wlɛ kɛ like ng'ɔ ti kpa man sran'n yɛlɛ aklunjuɛ dilɛ nin mɛn dilɛ blɛ b'ɔ tɛ o mɛn'n nun'n.

Akunndanfuɛ'n 5:18

Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Ezai 12:3

Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Sa nga bé yôli'n 16:34

Ɔ fa be wluli i sua lɔ, ɔ mannin be like. Ɔ nin i osufuɛ'm be kwlaa be klun jɔli dan kpa Nyanmiɛn su bɔ be lafili'n ti.

Sa nga bé yôli'n 2:46

Yɛ cɛn kwlaa bé bo ti kun be yia Nyanmiɛn i sua'n nun. Be yo aklunye, yɛ be kɔ nga awlo be ko nga awlo be di like likawlɛ. Kɛ be ´di be aliɛ sɔ'n, be klun ti jɔwa dan kpa.

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Mmla'n 12:14

Lika nga Anannganman bɔbɔ nian akpasua'm be lika'm be nun kle'n, i nun yɛ amun `yi tɛ sɔ mun-ɔn. I nun yɛ amun `yo like nga n kan kleli amun kɛ amun yo'n i kwlaa-a.

Mmla'n 12:19

Sɛ an tɛ kpɛ tɛ di'n, nán amun yi Levifuɛ'm be ase amun mɛn'n nun mlɔnmlɔn.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 14:23

Lika nga Anannganman amun Nyanmiɛn'n kle kɛ lɛ yɛ ɔ ´tran'n, amun `wɔ lɔ. Amun `ko di amun ble, nin amun nannin mun, nin amun bua mun, ɔ nin amun boli'm be mma klikli mun. Amun `ko nɔn amun nzan lɔflɛ'n nin amun ngo'n be blusu'n i nyrun lɔ. Kpɛkuun amun nyin `yi Anannganman amun Nyanmiɛn'n titi.

Mmla'n 15:20

Afuɛ nuan kwlaa ng'ɔ ju'n, amun nin amun osufuɛ mun amun `wɔ lika nga Anannganman kle nun lɔ nan amun `ko di i sɔ nnɛn mun.

1 Samiɛl 1:4

Cɛn nga Ɛlkana yi i tɛ'n, ɔ kpɛ tɛ sɔ'n i nnɛn'n wie mɛn i yi Pɛnina, ɔ nin i mma yasua nin i mma mmla mun be kwlaa.