Mmla'n 12:12 - NYANMIƐN NDƐ'N 1998

¹² Lɛ yɛ amun ´yi amun aklunjuɛ i nglo Anannganman amun Nyanmiɛn'n i nyrun-ɔn. Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, ɔ nin Levifuɛ nga be nin amun tran lɛ mun, yɛ amun ´yi amun aklunjuɛ i nglo sɔ nin-ɔn, afin Levifuɛ'm be liɛ nun-man asiɛ nga amun ´nyɛn i'n nun wie.

Mmla'n 12:12 ပူးပေါင်းရင်းမြစ်များ

1 Famiɛn Mun 8:66

Nan ɔ'a man be atin nan b'a ɔ. Be yrali be nuan klanman be mannin famiɛn'n, nan b'a ɔ be lika'm be nun. Kɛ be ´kɔ'n, bé wun kpaja be, yɛ be klun ti jɔwa kpa, afin Anannganman yoli David b'ɔ ti i sufuɛ'n nin Izraɛl b'ɔ ti i nvle'n be ye.

2 Be Nyoliɛ 29:36

Ezekias nin Izraɛlfuɛ'm be kwlaa be klun jɔli dan yɛlɛ kɛ Nyanmiɛn yɛ ɔ kplinnin su yɛ man sran'm be yoli sa ng'ɔ o lɛ mun-ɔn. Yɛ kusu i yolɛ'n ɔ'a cuɛn-cuɛn-mɛn i ase.

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Jue Mun 147:1

An `manman Anannganman! Sɛ e bo e flɛ e Nyanmiɛn'n, ɔ ti kpa. Ɔ yo fɛ, i yowlɛ su-ɔ.

Saun Yolɛ 23:40

Le kunngba nga amun ´bo cɛn'n i bo'n, waka mma nga be ti nglanman'n, amun `fa wie. Amun `fa mme nnya, yɛ amun bubu waka nga be lɛ nnya kpa'n be nnya'n wie. Amun `fɛ i kwlaa sɔ'n nan amun tra nun, yɛ amun `yi amun aklunjuɛ i nglo min bɔ n ti amun Nyanmiɛn'n min nyrun lele le mɔcuɛ kun.

Kalɛ 18:20

Yɛ Anannganman seli Aarɔn kɛ: «Asiɛ nga n wa fa man Izraɛlfuɛ mun, n su man-man wɔ wie. Min yɛ n ti ɔ lika liɛ bɔ a ko nyɛn i nin-ɔn, min yɛ n ti wɔ anyanbeun like liɛ Izraɛlfuɛ'm be afiɛn-ɔn.»

Kalɛ 18:26

ɔ `kan kle Levifuɛ'm be kɛ: «Kɛ bɔ Izraɛlfuɛ'm be yi blusu'm be blɛ min bɔ n fa man amun'n, amun kusu amun `yi i su blusu'n be man min.

Jean 13:8

Piɛr seli i kɛ: «N liɛ'n, a su wunnzin-man n ja liɛ'n wie mlɔnmlɔn!» Yɛ Jésus seli i kɛ: «Sɛ m'an wunnzin-man wɔ'n, n liɛ nun-man ɔ liɛ nun kun.»

Sa nga bé yôli'n 8:21

Ndɛ nga, ɔ liɛ nun-man nun yɛ a su nyan-man like fi nun, afin wɔ akunndan'n ti-man kpa Nyanmiɛn nyrun.

Mmla'n 10:9

I sɔ'n ti yɛ Levifuɛ'm b'a nyan-man asiɛ kɛ be niaan'm be sa nin-ɔn. Be like liɛ nga be nyɛnnin i'n yɛlɛ Anannganman i sulɛ kɛ Anannganman amun Nyanmiɛn'n kan kleli be'n sa.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:19

Sɛ an tɛ kpɛ tɛ di'n, nán amun yi Levifuɛ'm be ase amun mɛn'n nun mlɔnmlɔn.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 16:14

Amun nin amun mma yasua mun, nin amun mma bla mun, nin amun kanga yasua mun nin amun afanniɛn bla mun, nin Levifuɛ mun, nin aofuɛ nga be sike amun'n, nin aika mma mun, ɔ nin angboti bla nga be nin amun tran likawlɛ'n, man cɛn sɔ'n yo amun aklunjuɛ cɛn.

Mmla'n 18:6

Sɛ Levifuɛ kun tran Izraɛl klɔ wie su nan i waan ɔ ´tu lɛ kɔ lika nga Anannganman i Nyanmiɛn'n kleli i'n nun lɔ'n,

Mmla'n 26:11

Kpɛkuun amun nin Levifuɛ mun, ɔ nin aofuɛ nga be nin amun tran lɛ mun'n, amun `di cɛn, ye nga Anannganman amun Nyanmiɛn'n ɔ yoli amun nin amun awlofuɛ mun'n ti.

Mmla'n 26:12

Afuɛ nuan nsan kwlaa ng'ɔ ju'n, b'ɔ ti blusu yilɛ afuɛ'n, kɛ amun ´yi amun fie su ninnge'm be blusu'n, amun `fa man Levifuɛ mun, nin aika mma mun, ɔ nin angboti bla nga be o amun klɔ'n su'n man be di nan be ku yi.

Mmla'n 27:7

Yɛ amun `yi bo kun yolɛ i su tɛ mun nan amun `di. Yɛ amun `di cɛn Anannganman amun Nyanmiɛn'n i nyrun lɛ.

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.

Zozie 13:33

Ɔ'a fa-man lika fi ɔ'a man-man Levi akpasua sufuɛ mun. Ɔ seli be kɛ be liɛ nga be ko nyɛn i'n yɛlɛ Anannganman b'ɔ ti Izraɛl Nyanmiɛn'n i sulɛ.

Zozie 14:4

yɛlɛ kɛ be liɛ nun-man nun. Zozɛf i mma'm be kpaci akpasua nnyɔn: Manase akpasua'n yɛ Efraim akpasua'n. Levifuɛ'm be liɛ nga be nyɛnnin i'n yɛlɛ klɔ dandan ɔ nin lika ng'ɔ mantan be'n. Lika sɔ'n ti be tranwlɛ, nin be nnɛn'm be didiwlɛ, ɔ nin be ninnge kanngan'm be yowlɛ.