Mmla'n 12:11 - NYANMIƐN NDƐ'N 1998

¹¹ Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:11 ပူးပေါင်းရင်းမြစ်များ

1 Famiɛn Mun 12:27

afin sɛ be ko yi sraka Anannganman i sua'n nun Zerizalɛm lɔ'n, be anwlɛn'n ɔ ´kaci kɔ Rɔbɔam b'ɔ ti Zida famiɛn'n i su, kpɛkuun be ´kun min, yɛ be ´sa bé sin Rɔbɔam sa nun.»

1 Famiɛn Mun 8:13

Siɛn'n, m'an kplan tranwlɛ sroesroe kun m'an man wɔ. M'an kplan lika kun bɔ a ´kwla tran nun tititi.»

1 Famiɛn Mun 8:16

Anannganman seli kɛ: ‹Kɛ n ko fali Izraɛlfuɛ'm bɔ be ti min liɛ'n Ezipt lɔ m bali'n, n nian kle-man Izraɛl akpasua'm be nun klɔ kun kɛ klɔ nga su yɛ be `kplan mín sua nan n ´yi min wun nglo lɛ-ɔ, sanngɛ n kpali David kɛ ɔ `yo Izraɛl b'ɔ ti min nvle'n i su famiɛn.› »

1 Famiɛn Mun 8:29

Kɔnguɛ o, wia nun o, nán ɔ́ nyin tu sua nga su, afin a dun mmua kannin kɛ: ‹N ´yi min wun nglo lɛ.› Tie min bɔ n ti ɔ sufuɛ'n min srɛwa bɔ n su srɛ wɔ lika nga nun wa'n.

2 Famiɛn Mun 18:22

Wienun-ɔn, amun wa tɛ min su kɛ: Anannganman e Nyanmiɛn'n i su yɛ e fa é wla'n gua-a. ?Nán i yɛ Ezekias bubuli i sraka yiwlɛ lika bɔ be o kpɔlɛ'm be su'n nin i sɔwlɛ mun nin-ɔn? ?Ezekias ɔ'a se-man Zidafuɛ mun, nin Zerizalɛmfuɛ'm be kɛ san Nyanmiɛn sɔwlɛ ng'ɔ o Zerizalɛm lɔ'n i kunngba i wun lɔ yɛ be `su Anannganman-an?

1 Be Nyoliɛ 22:1

Yɛ David waan: «Wa yɛ Anannganman Nyanmiɛn i sua'n wo-ɔ. Wa yɛ Izraɛlfuɛ'm be tɛ nga be yrɛ i nnɛn'n kɔlikɔli'n i yiwlɛ'n wo-ɔ.»

2 Be Nyoliɛ 6:20

Man ɔ nyin tran sua nga su cɛn kwlaa kɔnguɛ nin wia su, nán ɔ nyin tu lika sɔ'n bɔ ɔ waan ɔ dunman'n ´tran su'n su. Tie srɛlɛ bɔ min bɔ n ti ɔ sufuɛ'n n su srɛ wɔ lika nga nun wa'n.

2 Be Nyoliɛ 7:12

Anannganman yili i wun nglo kleli Salomɔn kɔnguɛ. Ɔ seli i kɛ: «N tili ɔ srɛlɛ'n, m'an fa lika nga kɛ be `yi sraka nun man min.

Ɛsdras 6:12

Famiɛn kwlaa, ɔ nin nvle kwlaa ng'ɔ fa-man ndɛ nga su, b'ɔ jaso kɛ ɔ ´bu Zerizalɛm Nyanmiɛn sua'n, man Nyanmiɛn bɔ Zerizalɛm lɔ yɛ i waan ɔ yi i wun nglo weiin'n, ɔ yi i sɔ famiɛn'n i ase, annzɛ ɔ saci i sɔ nvle liɛ'n. M bɔbɔ min Dariis yɛ m man mmla nga-a. Man be nian su sɛsɛsɛ be yo.»

Jue Mun 100:2

An `su Anannganman aklunjuɛ su. Kɛ an ´kɔ Anannganman nyrun'n, amun `bo sro be yi be aklunjuɛ'n i nglo be kle i.

Jue Mun 116:17

Asenna tɛ'n yɛ n ´yi n ´fa man wɔ-ɔ. N ´kpan n flɛ wɔ.

Jue Mun 66:13

N ´wlu ɔ sua'n nun n ´ko yi tɛ nga be yra be nnɛn'n kɔlikɔli'n i wie m ´man wɔ n ´fa yia fualɛ nga n fua kleli wɔ'n i nun bɔ n wo nyrɛnnɛn nun'n i nuan.

Jue Mun 78:68

Zida akpasua'n yɛ ɔ kpali-ɔ, Siɔn oka'n yɛ ɔ kloli i-ɔ.

Ezipt Lɔ Tulɛ'n 25:8

Man Izraɛlfuɛ'm be yo sua kun be man min, b'ɔ ti min liɛ klonglo, kɛ ɔ ´yo nan m'an tran amun afiɛn'n ti.

Ezipt Lɔ Tulɛ'n 29:45

N wa tran Izraɛlfuɛ'm be afiɛn, n ´yo be Nyanmiɛn.

Zeremi 7:12

«Sɛ amun waan n ´laka'n, an `ko nian mín sua ng'ɔ o Silo lɔ'n kan n trannin lɔ laa'n. An `ju lɔ be nian like nga n fa yoli Izraɛlfuɛ'm bɔ be ti min nvle nunfuɛ'n be sa tɛtɛ bɔ be yo'n i dunman nun.

Saun Yolɛ 17:4

man ɔ dun mmua fa nnɛn'n ɔ bla tannin sua'n nga n yi min wun nglo nun'n i anuan'n nun lɛ, ɔ `fa man min kɛ min nnɛn-ɔn. Sɛ ɔ'a yo-mɛn i sɔ'n, wuun ɔ'a yo sa tɛ, afin b'a mɛn-mɛn i atin kɛ like ng'ɔ de wunmiɛn asiɛ'n su'n, ɔ gua wie mmoja ase. Kɛ bɔ ɔ'a guɛ i ase'n ti'n, be ´fuɛn i Izraɛl nvle nun.

Mmla'n 12:13

Nán amun yi amun tɛ nga be yra be nnɛn'n kɔlikɔli'n lika nga amun klo'n nun.

Mmla'n 12:14

Lika nga Anannganman bɔbɔ nian akpasua'm be lika'm be nun kle'n, i nun yɛ amun `yi tɛ sɔ mun-ɔn. I nun yɛ amun `yo like nga n kan kleli amun kɛ amun yo'n i kwlaa-a.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:21

Sɛ lika nga Anannganman amun Nyanmiɛn'n kle kɛ ɔ ´tran lɛ'n nin amun tranwlɛ'n wo mmua dan'n, amun kwla kun nannin, nin bua, nin boli nga Anannganman fa mannin amun'n wie be di kɛ n kan kleli amun'n sa. Amun `di amun klun klo liɛ'n kan amun tran lɛ'n.

Mmla'n 12:26

Amun ninnge nga amu'an sie be ngunmin kɛ amun ´fa man Nyanmiɛn'n, ɔ nin nda nga amun ta Nyanmiɛn'n i nuan ninnge'm be liɛ'n, amun `fa ko man Anannganman lika ng'ɔ ko kle'n i nun lɔ.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 14:23

Lika nga Anannganman amun Nyanmiɛn'n kle kɛ lɛ yɛ ɔ ´tran'n, amun `wɔ lɔ. Amun `ko di amun ble, nin amun nannin mun, nin amun bua mun, ɔ nin amun boli'm be mma klikli mun. Amun `ko nɔn amun nzan lɔflɛ'n nin amun ngo'n be blusu'n i nyrun lɔ. Kpɛkuun amun nyin `yi Anannganman amun Nyanmiɛn'n titi.

Mmla'n 15:19

Amun nannin mun, nin amun bua mun, nin amun boli'm be talua ba yasua mun'n, amun `fa be sie be ngunmin nan amun `fa man Anannganman amun Nyanmiɛn'n. Nán amun fa amun nannin tola ng'ɔ ti talua ba'n be fa di junman. Amun bua nga be ti talua ba yasua'n kusu, nán amun kpɛkpɛ be ndrɛ'n.

Mmla'n 15:20

Afuɛ nuan kwlaa ng'ɔ ju'n, amun nin amun osufuɛ mun amun `wɔ lika nga Anannganman kle nun lɔ nan amun `ko di i sɔ nnɛn mun.

Mmla'n 17:8

Sɛ ndɛ tɛ tɔ klɔ kun su nan be kwla di-man'n, sɛ be kunnin sran, sɛ kannin yɛ be boli sran, annzɛ sɛ ndɛ uflɛ wie yɛ ɔ tɔ'n, amun `fɛ i sɔ ndɛ liɛ'n be `wɔ lika nga Anannganman amun Nyanmiɛn'n ko kle'n nun lɔ.

Mmla'n 18:6

Sɛ Levifuɛ kun tran Izraɛl klɔ wie su nan i waan ɔ ´tu lɛ kɔ lika nga Anannganman i Nyanmiɛn'n kleli i'n nun lɔ'n,

Mmla'n 23:16

Sɛ sran wie i kanga'n ɔ wanndi ɔ ba amun mɛn'n nun wa'n nan ɔ wa talo amun'n, nán amun trɛ i mɛn i min'n.

Mmla'n 26:2

amun kwlaa amun `fa asiɛ nga Anannganman amun Nyanmiɛn'n fa man amun'n i su mma klikli mun `sie gbogbo kun nun, nan amun `wɔ lika nga Anannganman ko kle kɛ lɛ yɛ ɔ tran'n i nun lɔ.

Mmla'n 31:11

kɛ Izraɛlfuɛ'm be kwlaa be ko ba Anannganman amun Nyanmiɛn'n i nyrun lika ng'ɔ ´kle i nun lɛ'n, amun `kanngan mmla'n kle be man be ti.

Zozie 18:1

Kɛ Izraɛlfuɛ'm be fali mɛn'n, be ko yiali Silo lɔ, nan b'a kplan sua nga Anannganman yi i wun nglo nun'n.

Zozie 22:11

Izraɛlfuɛ kun nga'm be tili i kɛ Ribɛn nin Gad akpasua'n, ɔ nin Manase akpasua bue'n b'a kplan Nyanmiɛn sɔwlɛ wie Izraɛlfuɛ'm be bue liɛ'n su Kanaan mɛn'n nun lɔ.

Zozie 22:16

Izraɛlfuɛ kun nga'm be kwlaa bé nuan. Be usali be kɛ: «Sa nga ti bɔ man amun fɔnnin Izraɛl Nyanmiɛn wun kɛ amun fa fɔnnin lɛ'n sa'n, e klo kɛ e ´ti nun. ?Ɔ yo sɛ yɛ man amun kacili amún sin sili i sa-a? ?Kɛ amun kplan amun tiaun Nyanmiɛn sɔwlɛ'n, nán nyin kekle yɛ amu'an yo i i su lɛ-ɔ?

Zozie 22:23

Sɛ e waan e ´kaci é sin si Anannganman ti yɛ man e kplannin Nyanmiɛn sɔwlɛ ng'ɔ o yɛ'n, sɛ e waan e ´yi tɛ nga be yrɛ i nnɛn'n kɔlikɔli'n su'n, sɛ e waan e ´yi cɛlɛ wie annzɛ bo kun yolɛ i su tɛ i su ti yɛ e kplannin'n, man Anannganman bɔbɔ tu e fɔ!

Zozie 22:27

E klun wa'n e waan man Nyanmiɛn sɔwlɛ sɔ'n yo kɛ sa nzɔliɛ sielɛ sa e nin amun ye afiɛn, ɔ nin e mma mun nin amun liɛ mun be afiɛn. Nzɔliɛ sɔ'n kle kɛ e lɛ atin e yi tɛ nga be yrɛ i nnɛn kɔlikɔli mun, ɔ nin e bo kun yolɛ i su tɛ mun, ɔ nin e tɛ'm be kwlaa. I liɛ'n, amun mma'm be su kwla se-man e liɛ'm be kɛ be like nun-man Anannganman sa nun.

Zozie 22:29

Nan y'a bu-mɛn i kɛ e ´kplan Nyanmiɛn sɔwlɛ e ´yi tɛ nga be yrɛ i nnɛn kɔlikɔli'n, annzɛ tɛ uflɛ i su, y'a se-man kɛ e ´yi sraka bɔ be fa ble annzɛ like b'ɔ ti kɛ ble sa'n be yi'n i su, y'a se-man kɛ e yo i sɔ nan e ´kaci é sin e si Anannganman, annzɛ e ´fɔnndɔn i. Y'a se-man kɛ e ´yi tɛ lika uflɛ fi san Anannganman i sɔwlɛ b'ɔ o i tranwlɛ nun'n i su.»

Zozie 9:27

ɔ seli be kɛ be kpɛ yie nan be sa nzue man Izraɛl nvle'n, ɔ seli be ekun kɛ be `sa nzue nan be fa kplan Anannganman i sɔwlɛ'n kan Anannganman bɔbɔ ´kle kɛ be kplɛn i lɛ'n. Lele nin ndɛ be anunman'm be tɛ di i sɔ junman liɛ'n.

1 Samiɛl 1:21

Kɛ ɔ yoli sɔ'n, Ɛlkana nin i awlofuɛ'm be kwlaa be ɔli Silo ekun afuɛ nuan kun tɛ'n i yilɛ ɔ nin tɛ kun ng'ɔ tali Nyanmiɛn nda kɛ ɔ yi mɛn i'n i yilɛ.