Mmla'n 12:10 - NYANMIƐN NDƐ'N 1998

¹⁰ Sanngɛ amun wa kpɛ Zurdɛn'n amun ´ko tran lika nga Anannganman amun Nyanmiɛn'n ´fa man amun'n nun. Amun ´de wunmiɛn amun kpɔfuɛ nga be sin yia amun'n bé sa nun, amún wun ´jɔ amun fɔuun.

Mmla'n 12:10 ပူးပေါင်းရင်းမြစ်များ

1 Famiɛn Mun 8:56

«N ´la Anannganman b'ɔ man Izraɛlfuɛ'm bɔ bé ti i sran mun'n bé wun ɔ'a jɔ be fɔun'n kɛ ɔ kan kleli be sa'n i ase. Anannganman i ndɛ b'ɔ fa wlali Moiz nuan kɛ ɔ ´kan'n ɔ yoli i su sa'n ngba, i nun kaan sa ɔ nun-man lɛ bɔ ɔ'a yiɛ-mɛn i nuan-an.

1 Be Nyoliɛ 22:18

Ɔ seli be kɛ: «Amun `nian kɛ Anannganman amun Nyanmiɛn'n nin amun wo nun-ɔn. I yɛ man amun nin amun mantanfuɛ mun amun nuan ɔ'a sɛ-ɔ. Ɔ'a fa mɛn nga nunfuɛ'm be kwlaa ɔ'a wla mín sa nun, be lika'n ɔ'a yo Anannganman nin i nvle'n be liɛ.

Jue Mun 4:8

Aklunjuɛ nga wɔ man n nyɛn i'n, ɔ tra aklunjuɛ nga kɛ sran'm be ´kpɛ be ble kpanngban'n be nyɛn i'n, yɛ ɔ tra aklunjuɛ nga kɛ be ´yi be nzan kpanngban'n be nyɛn i'n.

Ezipt Lɔ Tulɛ'n 33:14

Anannganman tɛli i su kɛ: «M bɔbɔ e nin wɔ e ´nanti yɛ n ´yo man a ´de wunmiɛn.»

Nyanndra Mun 1:33

Sanngɛ sran nga n kan ndɛ n kle i-ɔ ɔ ti'n, i sɔfuɛ'n ɔ ´nyɛn i ti bɔ cɛ. Ɔ ´tran fɔundi tranlɛ, sa tɛ kaan sa su nyɛn-mɛn i.»

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Zeremi 32:37

‹Se kɛ sɛ: Mɛn nga n fɛli i wun ya dan kpa bɔ i ti min anwlɛn'n kpɛli min klun bɔ n fuannin i nunfuɛ mun'n, n ´yiayia be mɛn sɔ'm be nun n ´fa be m ´ba lika nga nun wa ekun, be ´nyan manndran wa.

Ezekiɛl 28:26

Be ´tran lɛ fɔuun, be ´kplan sua yɛ be ´ta vinyi. Be ´tran lɛ fɔuun, yɛlɛ kɛ be nga be yoli be finfin'n, n wa tu be fɔ. Yɛ be wa si jrɛiin kɛ min yɛ n ti Anannganman be Nyanmiɛn nin-ɔn.› »

Ezekiɛl 34:25

«E nin min bua mun e ´tra aenguɛ b'ɔ ti aunjuɛ aenguɛ. N ´fuan mɛn'n i nun blo nnɛn'm be kwlaa. Min bua mun be ´tran aawlɛ'n nun lɔ, be klun kaan sa su ti-man be. Be ´la bo'n i afiɛn lɔ .

Ezekiɛl 34:28

Be nga be tɔ nnɛn'm bé su be fa be'n, be su fa-man be kun. Nnɛn tɛtɛ'm be su di-man be kun. Sa tɛ'n ɔ su nyan-man be kun, yɛ sran fi su sanngan-man be akunndan kun .

Ezekiɛl 38:11

A wa se kɛ: ‹N ´jaso mɛn ng'ɔ ti diin'n i wun. N ´utu be nga be o be o lɛ diin'n, bɔ be o be tranwlɛ'm be nun be klun titi-man be'n, bɔ be tran klɔ bɔ talɛ nun-man bé wun nan se kɛ anuan nin gboklo yɛ be lɛ i'n be su'n.

Ezekiɛl 38:8

Cɛn wie lele'n, a wa dun be mmua kɛ ɔ cɛ lele'n, a wa tɔ mɛn nga alɛ'n ɔ'a di-mɛn i'n su. Kɛ ɔ yo sɔ'n, wuun b'a fin mɛn fanunfanun nga be o nun'n be nun b'a fite'n, wuun b'a ´yia kpanngban kpa Izraɛl oka lika bɔ be ti koun'm be su'n, wuun b'a ´tran be awlo'm be nun fɔuun .

Mmla'n 11:31

Zurdɛn'n yɛ amun su wa kpɛ amun ´ko fa mɛn nga Anannganman amun Nyanmiɛn'n ɔ'a fa man amun'n lɛ-ɔ. Kɛ amun fa mɛn sɔ'n, amun ´tran nun lɛ'n,

Mmla'n 3:27

Fu Pisga oka'n su nan nian wia atɔliɛ lɔ lika'n, nian wia afiliɛ lɔ lika'n nin nglo lɔ lika'n, ɔ nin ngua lɔ lika'n, nian be kpa. Sanngɛ Zurdɛn'n liɛ'n, a su kpɛ-man.

Mmla'n 33:12

Ɔ kan mannin Bɛnzamɛn akpasua liɛ'n kɛ: «Bɛnzamɛn ti Anannganman i klofuɛ kpa. Ɔ o Anannganman sa nun, sran fi kwla yo-mɛn i sa. Anannganman niɛn i su titi, ɔ nin i yɛ be tran-an.»

Mmla'n 33:28

Izraɛlfuɛ'm be o be olɛ lɛ bɔ cɛ, sa nyan-man be. Zakɔb i osu nunfuɛ'm be o be liɛ ngunmin. Mɛn nga be o nun'n, ble nin vinyi'n be yo ye lɔ kpa, afin bɔlɛ'n ɔ gua su tititi.

Mmla'n 4:22

Ɔ man n ´wu mɛn nga nun wa, n su kpɛ-man Zurdɛn'n. Sanngɛ amun liɛ'n, amun ´kpɛ Zurdɛn'n amun ko fa mɛn klanman sɔ'n.

Mmla'n 9:1

Izraɛlfuɛ mun, amun `sie amún su! Zurdɛn'n yɛ amun su wa kpɛ i lɛ-ɔ. Amun ´ko fa nvle bɔ be dandan tra amun liɛ'n, bɔ be nun sran'm be kekle tra amun. Nvle sɔ'm be nun klɔ'm be ti dandan, yɛ bé wun talɛ'm be ti cinnjin kpa, yɛ be ti nglo-nglo.

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.

Zozie 14:1

Asiɛ nga be fa mannin Izraɛl nvle'n Kanaan mɛn'n nun lɔ mun'n yɛ: Nyanmiɛn nyrun jranfuɛ Eleazar, nin Nɛn i wa Zozie, ɔ nin awlobo kpɛnngbɛn'm be kwlaa be yɛ be fa cɛcɛli Izraɛlfuɛ'm bé ti nun ti nun-ɔn.

Zozie 3:17

Kɛ nzrafuɛ'm be ´sin'n, wuun Nyanmiɛn nyrun jranfuɛ nga be sua Nyanmiɛn i alaka'n be jin Zurdɛn'n i afiɛn aunnyan siɛ'n su, b'a keje-man be wun lele san sran'm be kwlaa be sinnin.

Zozie 4:12

Ribɛn i akpasua'n, nin Gad i akpasua'n, nin Manase i akpasua bue'm be sonja'm be nin be alɛ ninnge mun be dun mmua Izraɛlfuɛ'm be nyrun be kpɛli Zurdɛn'n kɛ Moiz kan kleli be'n sa.

1 Samiɛl 7:12

Samiɛl fali yɛbuɛ kun sieli i Mizpa nin Sɛn be afiɛn, kpɛkuun ɔ tɔnnin i dunman kɛ Ebɛn-Ezɛr. I waan: «Kɛ ɔ fɛ i laa lele b'ɔ ´fa ju yɛ'n Anannganman ukali ye.»