Mmla'n 11:9 - NYANMIƐN NDƐ'N 1998

⁹ Amun `fa ndɛ sɔ'n be sie, nan amu'an cɛ mɛn nga Anannganman tali nda kɛ ɔ ´fa man amun nannan'm be nin be osu nunfuɛ mun'n nun. Mɛn sɔ'n i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Mmla'n 11:9 ပူးပေါင်းရင်းမြစ်များ

Ezipt Lɔ Tulɛ'n 20:12

Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Nyanndra Mun 10:27

Sɛ ɔ nyin yi Anannganman'n, a cɛ mɛn'n nun. Sanngɛ klunwifuɛ'm be nguan liɛ'n be kpɛ i sin.

Nyanndra Mun 3:16

Ɔ man sran sɔ'n i nguan tɛnndɛn, yɛ ɔ mɛn i anyanbeun nin anyrunnyan.

Nyanndra Mun 3:2

Afin sɛ a ´cɛ asiɛ'n su'n, ɔ fin be. Sɛ a ´di alaje'n, ɔ fin be.

Nyanndra Mun 9:11

Sɛ a ´cɛ asiɛ su-ɔ, ɔ fin min. Sɛ ɔ nguan nyanman'n ´yo tɛnndɛn-ɔn, ɔ fin min.

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 11:10

Mɛn nga amun su wa fɛ i yɛ'n, i asiɛ'n ɔ ti-man kɛ Ezipt mɛn bɔ amun fin nun lɔ'n i asiɛ'n sa. Ezipt lɔ liɛ'n, kɛ a kɔ lua ninnge mun'n, san a ´kpɛ nzue mmuɛ a ´fa nzue ba, nan w'a nyan wie w'a guagua ninnge'm be su kɛ tro fie wie sa.

Mmla'n 11:21

I liɛ'n, amun nin amun osu nunfuɛ mun amun ´cɛ mɛn nga Anannganman tali amun nannan'm be nda kɛ ɔ ´fa man be'n i nun. Sɛ nyanmiɛn ng'ɔ la nglo lɔ plaii yɛ'n ɔ nian sin-man'n, wuun amun nian sin-man.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 5:33

Amun `fa atin nga Anannganman amun Nyanmiɛn'n kleli amun'n su seiin nan amu'an wu-man, nan amun wun ɔ'a jɔ amun fɔuun, nan amun nguan nyanman'n ɔ'a yo tɛnndɛn mɛn nga amun wa fa'n nun.»

Mmla'n 6:18

Amun yo sa kpa'n. Amun `yo like ng'ɔ yo Anannganman fɛ'n nan amun wun a jɔ amun fɔuun, nan amu'an kwla fa mɛn klanman ng'ɔ tali amun nannan'm be nda kɛ ɔ ´fa man amun'n.

Mmla'n 6:2

I waan amun nin amun osu nunfuɛ mun amun `fa be kwlakwla be su titi lele fa ju amun wie cɛn, nan amun nguan nyanman'n ɔ'a yo tɛnndɛn.

Mmla'n 6:3

Izraɛlfuɛ mun, amun `fa amun su sie mmla sɔ'm be su nan amun `fa bé su. I liɛ'n, amun wun ´jɔ amun fɔuun, kpɛkuun amun ´trɛ dan kɛ Anannganman amun Nyanmiɛn'n kannin'n sa. Ɔ seli amun kɛ mɛn ng'ɔ ´fa man amun'n, i asiɛ'n ɔ ´yo like ye kpa, yɛ i kunngba'n ɔ ti nnɛn tawlɛ klanman.

Mmla'n 8:7

Mɛn nga Anannganman su fa amun kɔ nun lɛ'n, ɔ ti mɛn klanman. Nzue ba mun nin fɛtɛ'm be o lɔ, nzue ti'm be o lɔ be nyrɛn gua kongo'm be nun nin oka'm bé su.

Mmla'n 9:5

Nán kɛ amun ti kpa annzɛ amun ti sɛsɛ ti yɛ amun su wa fa be mɛn nin-ɔn. Ɔ ti-man sɔ. Nvle sɔ'm be aeliɛ tɛtɛ'n ti yɛ Anannganman amun Nyanmiɛn'n ´fuan be amun nyrun-ɔn. I waan ɔ ´yo sɔ nan ɔ ´yia nda ng'ɔ tali amun nannan Abraam, nin Izaak, nin Zakɔb'n i nuan.