Mmla'n 11:7 - NYANMIƐN NDƐ'N 1998

⁷ Sa dandan nga Anannganman yoli'n, amun wunnin be.

Mmla'n 11:7 ပူးပေါင်းရင်းမြစ်များ

Jue Mun 106:2

?Wan bɔ cɛ yɛ ɔ ´si Anannganman i sa dandan ng'ɔ yo be'n bé wun ndɛ kan-an? ?Wan cɛ yɛ ɔ ´mɛnmɛn i nan sran'm b'a ti i lika'n kwlakwla-a?

Jue Mun 145:12

Be ´kan man sran'm be ti ɔ sa dandan bɔ a yo be'n, nan be `si kɛ ɔ sielɛ'n ɔ yo nyɛnmɛn nan ɔ lɛ nyrun.

Jue Mun 150:2

An `mɛnmɛn i i sa dandan b'ɔ yo be'n be ti! An `mɛnmɛn i i dan b'ɔ lɛ-man wunsu'n ti!

Mmla'n 11:6

Amun si sa ng'ɔ fa yoli Eliab i wa Datan nin Abiram'n. Be ti Ribɛn akpasua'n sufuɛ mun. Asiɛ'n nun kpacili, ɔ mɛnnin be nin be awlofuɛ mun, nin bé tannin sua mun, ɔ nin sran nga be jin be sin'n be kwlakwla kpan .

Mmla'n 11:8

Ɔ man ndɛ nga n ´kan kle amun ndɛ yɛ'n, amun `fa be sie nan amu'an nyan fanngan, nan amu'an ɔ mɛn nga amun su kɔ i falɛ'n nun lɔ.

Mmla'n 27:10

Amun nyin `yi Anannganman amun Nyanmiɛn'n, yɛ amun `fɛ i nuan ndɛ'n nin i mmla nga n fa sieli amun nyrun ndɛkɛn'n be su.»

Mmla'n 29:2

Sa kekleekle ng'ɔ fa yili be su nin abonuan sa ng'ɔ yoli be'n, ɔ nin atrɛ ng'ɔ yili be'n, amun wunnin be.

Mmla'n 4:3

Like nga Anannganman yoli i Baal-Pɛɔr i ndɛ'n nun'n, amun bɔbɔ amun wunnin i. Ɔ kunnin sran nga be sɔli Baal-Pɛɔr'n mun .

Mmla'n 5:3

Aenguɛ sɔ b'ɔ trali'n, nán é si'm be ngunmin yɛ ɔ nin be trali-ɔ, sanngɛ ɔ nin e nga e o wa yɛ'n bɔ kɛ e ´se yɛ'n é nyin tɛ o su'n, ɔ nin e kwlakwla yɛ ɔ trali-ɔ.

Mmla'n 7:19

Kɛ Anannganman amun Nyanmiɛn'n ɔ ´yi amun Ezipt lɔ fite'n, amun wunnin nyrɛnnɛn sa dandan ng'ɔ fa yili Eziptfuɛ'm be su'n, amun wunnin atrɛ ng'ɔ yili be mun nin abonuan sa ng'ɔ yoli be mun'n, amun wunnin kɛ sran fi ɔ'a kwla jrɛn-mɛn i nyrun. Sa kunngba sɔ'm be yɛ Anannganman amun Nyanmiɛn'n ɔ wa fa yo nvle nga amun sro be yɛ'n be kwlakwla-a.

Zozie 24:31

Izraɛlfuɛ'm be suli Anannganman Zozie nyin su, ɔ nin kpɛnngbɛn nga be sili Zozie bɔ be wunnin sa nga Anannganman yo mannin Izraɛlfuɛ mun'n be nyin su.