22 Afin sɛ amun fa mmla nga n ´fa man amun yɛ bé sie'n, nan amun fa su'n, sɛ amun klo Anannganman amun Nyanmiɛn'n, nan amun fɛ i atin'n su'n, nan amun fa bé wun mɛntɛn i'n,
Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.
Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,
Amun `klo Anannganman amun Nyanmiɛn'n, amun `fɛ i nuan ndɛ'n su, amun `fa amún wun mɛntɛn i. I liɛ'n, amun ´kwla tran mɛn ng'ɔ tali amun nannan Abraam, nin Izaak, nin Zakɔb be nda kɛ ɔ ´fa man be'n i nun, yɛ amun ´cɛ.
Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.