Mmla'n 11:19 - NYANMIƐN NDƐ'N 1998

¹⁹ Amun `fa kle amun mma mun sɛ an ti amun awlo lɔ o, amun `kan, sɛ amun o atin'n su amun su kɔ lika o, amun `kan, sɛ amun wa la o, sɛ amun tinnge o, amun `kan.

Mmla'n 11:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 8:10

Be liɛ'n be ´wun wie be ´kan kle wɔ. Afin be si sa mun, ɔ o be klun lɔ. Be wa se wɔ kɛ yo:

Jue Mun 34:11

Asɔmɔli'n i mma mun bɔbɔ, awe kwla kun be. Sanngɛ be bɔ be mantan Anannganman'n, be mian-man like fi wun.

Jue Mun 78:4

E su fa fia-man e mma'm bé wun. E ´kan e kle be nga be ´ba bé sin'n mun ekun, kɛ ɔ ´yo nan b'a si sa ti b'ɔ fata kɛ be manman Anannganman'n, yɛ kɛ ɔ ´yo nan b'a si kɛ ɔ kwla, nan b'a ti abonuan sa ng'ɔ yoli be'n ti.

Nyanndra Mun 2:1

Mín wa, like nga n kle wɔ'n, sɛ be ka ɔ klun'n, like nga min waan a yo be'n, nán ɔ́ wla fi be su,

Nyanndra Mun 22:6

Atin b'ɔ ti klanman bɔ bakan'n ko fa su'n, kle i i bakan nun. I liɛ'n, kɛ ɔ ´fa yo kpɛnngbɛn'n, ɔ su yaci ko fa-man uflɛ.

Ezai 38:19

Be nga bé nyin o su'n, be nga be tɛ o nguan nun'n kɛ min sa'n be yɛ be kwla manman wɔ-ɔ.

Efɛzfuɛ Mun 6:4

Nja mun, amun kusu, nán an yo sa b'ɔ kun amun mma'm be ya, sanngɛ an `ta be kpa e Min'n liɛ'n su, yɛ an `tu be fɔ, an `kle be ngwlɛlɛ.

Mmla'n 32:46

ɔ seli be kɛ: «Ndɛ nga m'an kɛn i ndɛ yɛ'n, man ɔ yo amun cinnjin. Amun `kan kle amun osu nunfuɛ mun. Man be nian mmla nga su be nanti.

Mmla'n 6:7

Amun `fa kle amun mma mun, sɛ amun ti amun awlo lɔ, amun `kan, sɛ amun wo atin su amun su kɔ lika o, amun `kan, sɛ amun wa la o, sɛ amun tinnge o, amun `kan.