Mmla'n 11:18 - NYANMIƐN NDƐ'N 1998

¹⁸ An `fa ndɛ sɔ mun `sie amun klun, man be tran amun anwlɛn'n nun tititi. Amun `fa cici amún sa kɛ nzɔliɛ sa, amun `fa sie amun ngban su amun nyinma nnyɔn'm be afiɛn.

Mmla'n 11:18 ပူးပေါင်းရင်းမြစ်များ

Jue Mun 119:11

N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.

Ezipt Lɔ Tulɛ'n 13:16

Tɛ sɔ'n bɔ amun ´yi'n, ɔ ´yo amún wla kpɛnlɛ like kɛ amún sa i su annzɛ amun ngban su nzɔliɛ wie sa. Man ɔ kpɛn amún wla kɛ Anannganman i tinmin bɔ be jrɛn i nyrun-ɔn yo-man ye ti'n, ɔ fali e Ezipt lɔ bali.»

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Nyanndra Mun 3:3

Nán yaci klun-ufue yolɛ'n, nán ɔ́ nyin kpa sran su. Man ninnge sɔ'm be yo wɔ cinnjin kpa .

Zeremi 32:39

N ´yo man be akunndan'n ´yo kun. Be nantiwlɛ'n ´yo kun. Be ´sro min titi, ɔ man be nin be osu'n be ´nyan muae.

Matthieu 23:5

Like kwlaa nga be yo'n, be yo i kɛ sran'm be `wun be. Be wla sɛbɛ dandan mun, yɛ be yo be tralɛ'n i nuan njɔlɛ'n tɛnndɛn .

Mmla'n 32:46

ɔ seli be kɛ: «Ndɛ nga m'an kɛn i ndɛ yɛ'n, man ɔ yo amun cinnjin. Amun `kan kle amun osu nunfuɛ mun. Man be nian mmla nga su be nanti.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Hébreu 2:1

I sɔ'n ti'n, man e fa ndɛ nga e tili be'n sie e klun kpa tra laa'n, sɛ y'a yo-man sɔ-ɔ ɔ cɛ-man nan y'a to a fuan atin'n.

2 Piɛr 1:12

An si sa sɔ mun, yɛ an lafi ndɛ nanwlɛ nga an tili'n su kpa, sanngɛ n su yaci-man amun wla kpɛnlɛ sa sɔ'm bé su.