Mmla'n 11:17 - NYANMIƐN NDƐ'N 1998

¹⁷ Sɛ ɔ yo sɔ-ɔ, Anannganman ´fa amún wun ya. Ɔ ´tannin nzue'n, nyanmiɛn su nzue'n su tɔ-man, kpɛkuun fie'm bé su yo-man ye, yɛ mɛn klanman bɔ Anannganman fa mannin amun'n, amun su cɛ-man nun .

Mmla'n 11:17 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

1 Famiɛn Mun 8:35

Sɛ be yo wɔ sa nan i ti nyanmiɛn'n ɔ tannin nan nzue tɔ-man'n, sɛ a tu be fɔ nan i ti be kpan flɛ wɔ'n, sɛ be ba lika nga nun wa be wa srɛ wɔ'n nan be yaci bé sa tɛ'n be yolɛ'n,

2 Be Nyoliɛ 6:26

Sɛ be yo ɔ́ sa nan i ti nyanmiɛn'n tannin nan nzue tɔ-man'n, sɛ a tu be fɔ nan i ti be kpan flɛ wɔ'n, sɛ be ba lika nga nun wa be wa srɛ wɔ'n nan be yaci bé sa tɛ'n be yolɛ'n, kɛ a o nyanmiɛn su lɔ'n, tɛ be su, yɛ yaci bé wun sa'n cɛ be, afin be ti ɔ sufuɛ mun nin ɔ nvle'n nunfuɛ mun. I sin'n, kle be atin kpa'n man be fa su. Yɛ man nzue tɔ asiɛ bɔ a fa mannin be'n su, afin ɔ ti bé aja like yɛ a fa mannin be-ɔ.

2 Be Nyoliɛ 7:13

Sɛ n tannin nyanmiɛn su nzue'n nan ɔ tɔ-man kun'n, sɛ n se lalo'm be kɛ be saci mɛn'n i nun waka mun nin ijre mun'n, yɛ sɛ n fa tukpacɛ b'ɔ sa ndɛndɛ n yi amun su'n,

Zɔb I Nyrɛnnɛn Wunlɛ 12:15

Sɛ ɔ jran nzue'n, lika'n ɔ wu kee, sɛ ɔ tike nzue'n kusu'n, nzue sɔ'n ɔ fa lika wunmuan'n.

Saun Yolɛ 26:19

N ´nunn un amun wun tulɛ'n su. Ɔ man nyanmiɛn su lɔ ɔ ´tannin, nzue su fin-man lɔ tɔ-man kun. I sɔ ti man asiɛ'n ɔ ´mantan, ɔ ´yo kekleke kɛ blalɛ wafa wie sa .

Saun Yolɛ 26:20

Amun ´kle amún wun yalɛ amun ´di junman ngbɛn: asiɛ'n ´su yo-man like fi ye, yɛ waka'm be su su-man mma.

Amɔs 4:7

Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

Mmla'n 31:20

N wa fa be n ´kɔ lika nga n tali be nannan'm be nda kɛ n ´fa man be'n i nun lɔ. Lɔ asiɛ sɔ'n ɔ yo like kpa, i kunngba'n o ti nnɛn tawlɛ klanman. Be ´di like be ku ´yi, be ´cɛn cɛn luklɔ-luklɔɔ, be ´tu amuɛn'm be ´sɔ be, kpɛkuun be su bu-man min like kun. Be ´saci aenguɛ nga e nin be trali'n.

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.

Mmla'n 6:15

Afin Anannganman amun Nyanmiɛn b'ɔ nin amun wo nun'n, ɔ ti Nyanmiɛn kun b'ɔ si kwla. Sɛ amun yo nan Anannganman amun Nyanmiɛn'n fa ya'n, ɔ ´nunnun amun asiɛ'n su.

Mmla'n 9:19

Afin kɛ n wunnin ya dan nga Anannganman ɔ'a fa bɔ man i waan ɔ ´nunnun amun'n, srɛ kunnin min dan. Sanngɛ Anannganman tili min srɛwa'n cɛn sɔ'n nun ekun.