Mmla'n 11:15 - NYANMIƐN NDƐ'N 1998

¹⁵ Ɔ ´yo man ijre nga amun nnɛn'm be di'n, ɔ ´fu amun fie'm bé su. Amun ´nyan aliɛ be di amun ku ´yi.

Mmla'n 11:15 ပူးပေါင်းရင်းမြစ်များ

1 Famiɛn Mun 18:5

Akab seli Abdias kɛ: «E `ko wlan-wlan e mɛn'n nun, e `sinsin nzue ti mun, nin nzue ba'm be kwlakwla bé su. Wienun-ɔn, e ´nyan ijre nga nnɛn kpanngɔ mun nin milɛ'm be ´di nan b'a nyan nguan, nan y'a kun-man be o.»

Jue Mun 104:14

Wɔ yɛ man ijre nga klɔ nnɛn'm be ko didi'n ɔ fu-ɔ. Ɔ kunngba'n wɔ yɛ man ninnge nga sran'm be ta'n be fɛfɛ-ɔ. Wɔ man be nyan ninnge be fie'm be su di.

Zeremi 14:5

Flete b'ɔ o bo nun lɔ'n bɔbɔ, ijre b'ɔ nyɛn-mɛn i nan ɔ'a di'n ti, ɔ wu ba-a, ɔ yaci i lɛ kɔ.

Zoɛl 1:18

An `tie nnɛn'm be kplinlɛ bɔ be ´kplin-ɔn! An `nian nnɛn'm be wlanlɛ bɔ be ´wlan lika'n nun daan sa-a. Be lɛ-man ijre be di-mɛn i kun, boli mun nin bua mun be ngba be su yo kokloo.

Zoɛl 2:19

Ɔ tɛli be su seli kɛ: «N ´fa ble, nin nzan, ɔ nin ngo m ´blɛ amun ekun, yɛ be ´bobo amún su. N su yaci-man amun lɛ, amun sokpa-man nvle kun nga'm be nyrun kun.

Zoɛl 2:22

Nnɛn mun, nán amun koko kun, aawlɛ'n nun lɔ ijre nga an di'n be su fu. Waka'm be su su mma, figie nin vinyi'm b'a su kpa.

Zoɛl 2:26

Amun ´di like lele amun ku'n ´yi. Amun ´manman min Anannganman bɔ n ti amun Nyanmiɛn bɔ n yo like kpakpa m man amun'n. Kɛ ɔ fin ndɛ'n, min sran'm be nyin su gua-man ase kun.

Saun Yolɛ 26:5

Ɔ man Izraɛl wa'n, kɛ vinyi i mma'n i tilɛ'n ɔ ´ju'n, wuun amun tɛ bo ble'n, yɛ kɛ ɔ ´ju kɛ amun `lua fie uflɛ'm bé su like'n, wuun amun tɛ ti vinyi be su mma mun. Aliɛ'n ɔ ´bobo amun su, yɛ amun ´tran amun mɛn'n nun fɔuun.

Ndɛ Nga Nyanmiɛn I Nuan Ijɔfuɛ Aze Kannin'n 1:6

Amun fie'm bé su ninnge nga amun luali'n, ɔ'a sɔn-man ngowa, sanngɛ be su mma nga amun tili'n ti kaan sa. Aliɛ nga amun nyɛn i be di'n, ɔ ju-man amun. Nzan nga amun nyɛn i be nɔn'n, ɔ ju-man amun. Tralɛ nga amun nyɛn i be wla'n, ɔ kwla tu-man amún wun ayrɛ'n. Amun junman difuɛ'm be sika'n ɔ ti kɛ sika bɔ b'a fa sie bɔlɛ bɔ i bo ti fitiwa'n nun sa.»

Mmla'n 6:11

Amun ´fa sua bɔ amu'an kunndɛ-man ninnge b'a wla-man be nun sanngɛ bɔ ninnge kpakpa'm b'a yi be piɛ'n, amun ´fa nzue gbo bɔ nán amun yɛ amun kpɛli'n, amun ´fa vinyi fie mun nin olivie fie mun bɔ nán amun yɛ amun dili be'n. Amun ´nyan aliɛ kaka kpa amun ´di.

Mmla'n 8:10

Sɛ amun di like nan amun ku yi'n, amun `la Anannganman amun Nyanmiɛn'n i ase mɛn klanman sɔ'n b'ɔ mannin amun'n ti.