13 Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,
Kɛ Salomɔn klo Anannganman Nyanmiɛn'n ti'n ɔ nian nga i si David kan kleli i'n su, sanngɛ i kusu ɔ yi i tɛ mun, ɔ nin ansans sraka mun sraka yiwlɛ lika sɔ'm bé su.
Anannganman'n waan: ‹Sanngɛ amun liɛ'n, sɛ amun tie mín nuan ndɛ'n, nan amu'an fa-man trɔ b'a wlu-man Zerizalɛm klɔ'n nun wunmiɛn-delɛ-cɛn nun'n, sɛ an sie wunmiɛn-delɛ-cɛn'n i ngunmin be man min nan amu'an di-man junman fi cɛn sɔ nun'n,
?Izraɛlfuɛ mun, like nga Anannganman amun Nyanmiɛn'n waan amun `yo'n yɛlɛ onin? ?Ɔ'a se-man kɛ amun nyin yi i? ?Ɔ'a se-man kɛ amun fɛ i atin su? ?Ɔ'a se-man kɛ amun klo i? ?Ɔ'a se-man kɛ amun su i nan amun fa amun wla kwlaa'n guɛ i su nan amun akunndan'n kwlaa trɛn i su?
Afin sɛ amun fa mmla nga n ´fa man amun yɛ bé sie'n, nan amun fa su'n, sɛ amun klo Anannganman amun Nyanmiɛn'n, nan amun fɛ i atin'n su'n, nan amun fa bé wun mɛntɛn i'n,
Sɛ amun nyin yi Anannganman amun Nyanmiɛn'n, nan amun fa mmla nga n ´fa man amun ndɛ yɛ'n be su'n, sɛ amun nian bé su nanti'n, Anannganman amun Nyanmiɛn'n ɔ ´yo man amun nvle'n i dan ´tra mɛn'n nun nvle'm be kwlaa kpan.
Sɛ amun fa amún su sie mmla sɔ'm bé bo nan amun nian be su, nan amun fa bé su'n, Anannganman kusu ɔ ´nian aenguɛ ng'ɔ nin amún si'm be trali'n su, yɛ ɔ ´yo amun ye, afin ɔ tali be nda.