Mmla'n 11:10 - NYANMIƐN NDƐ'N 1998

¹⁰ Mɛn nga amun su wa fɛ i yɛ'n, i asiɛ'n ɔ ti-man kɛ Ezipt mɛn bɔ amun fin nun lɔ'n i asiɛ'n sa. Ezipt lɔ liɛ'n, kɛ a kɔ lua ninnge mun'n, san a ´kpɛ nzue mmuɛ a ´fa nzue ba, nan w'a nyan wie w'a guagua ninnge'm be su kɛ tro fie wie sa.

Mmla'n 11:10 ပူးပေါင်းရင်းမြစ်များ

Ezai 19:10

Be nga be wu tannin'n, bé wla ´bo bé wun. Be nga be di junman bɔ be tua be kalɛ'n, be akunndan ´sanngan.

Ezai 37:25

N wɔli lele n ko kpɛli nzue kunman mɛn kun nga'm be nun, kɛ n fali min ja n takali Ezipt asiɛ'n su sa ngbɛn'n, Nil b'ɔ ti nzue ba dan'n ɔ nin i sama mun be ka lɛ be wieli nun wein yɛ be wuli kee.

Zeremi 2:7

N fali amun m bali asiɛ kpa su nan amun di i su ninnge kpakpa'n wie. An bali min mɛn'n nun, kpɛkuun an wa yoli i fiɛn. M bɔbɔ min like'n, an fa yoli tete like.›

Zakari 14:18

Sɛ Eziptfuɛ'm be waan be kɔ-man Zerizalɛm wie'n, nzue'n su tɔ-man be mɛn'n nun. Sa nga Anannganman'n ´fa yi i nvle nga be nunfuɛ'm b'a ɔ-man b'a ko di-man kpata bo tranlɛ cɛn'n yɛ ɔ o lɛ-ɔ.

Mmla'n 11:11

Asiɛ nga amun su wa ko fɛ i yɛ'n, ɔ ti oka-oka lika nin kongo lika ngunmin, yɛ nzue tɔ su titi.

Mmla'n 11:9

Amun `fa ndɛ sɔ'n be sie, nan amu'an cɛ mɛn nga Anannganman tali nda kɛ ɔ ´fa man amun nannan'm be nin be osu nunfuɛ mun'n nun. Mɛn sɔ'n i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Mmla'n 8:7

Mɛn nga Anannganman su fa amun kɔ nun lɛ'n, ɔ ti mɛn klanman. Nzue ba mun nin fɛtɛ'm be o lɔ, nzue ti'm be o lɔ be nyrɛn gua kongo'm be nun nin oka'm bé su.