Mmla'n 10:21 - NYANMIƐN NDƐ'N 1998

²¹ I yɛ ɔ ti bɔ amun `mɛnmɛn i-ɔ. Nyanmiɛn ng'ɔ yoli sa dandan'n, Nyanmiɛn ng'ɔ yoli sa sroesroe mun amun bɔbɔ amun nyrun'n, i-ɔ.

Mmla'n 10:21 ပူးပေါင်းရင်းမြစ်များ

2 Samiɛl 7:23

Nvle fi nun-man lɛ bɔ be kwla fa sunnzun Izraɛl nvle nin-ɔn. Izraɛl mɛn'n kunngba yɛ a ko kpɔli i Eziptfuɛ mun nin be amuɛn'm be sa nun-ɔn. A fɛ i yoli ɔ nvle. Yɛ wɔ man i dunman'n ɔ fuli, afin a yoli sa dandan mun, nin abonuan sa mun mɛnnin i mɛn nga nun wa.

Jue Mun 109:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Nyanmiɛn, wɔ bɔ wɔ yɛ m manman wɔ'n, nán tɔ amule.

Jue Mun 145:6

Man be kan wɔ kpli bɔ a ti'n bɔ i ti yɛ a yo sro'n i ndɛ. N liɛ'n, ɔ sa dandan bɔ a yo be'n, m ´bobo be kunngunngun.

Jue Mun 148:14

Ɔ ukɛli i nvlefuɛ'm be wunmiɛn'n su. I sufuɛ nanwlɛfuɛ mun bɔ be yɛlɛ Izraɛlfuɛ mun bɔ be ti i nvle'n i nunfuɛ bɔ be fa bé wun mɛntɛn i'n, be fɛ i di be nuan . Amun `manman Anannganman!

Jue Mun 22:3

Min Nyanmiɛn, wia'n nun n kpan flɛ wɔ, a tɛ-man mín su. Kɔnguɛ'n, n nyan-man alaje mlɔnmlɔn.

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezipt Lɔ Tulɛ'n 34:10

Anannganman seli Moiz kɛ: «Nian, e nin amun e wa tra aenguɛ. Nvlefuɛ'm be kwlaa be nyrun'n, n wa yo abonuan sa bɔ be nian wun-mɛn i asiɛ wunmuan'n su wa, ɔ nin mɛn'm be kwlaa be nun le'n. Izraɛlfuɛ nga a o be afiɛn yɛ'n be kwlaa, be ´wun min Anannganman min sa nuan junman mun. Wɔ yɛ n ´fa wɔ n ´di junman sroesroe sɔ mun-ɔn.

Ezai 60:19

Nán wia'n yɛ ɔ wa kpaja ɔ́ su wia'n nun kun-ɔn, nán anglo'n yɛ ɔ wa ta ɔ́ su kɔnguɛ kun-ɔn, sanngɛ Anannganman yɛ ɔ ´yo kɛ ɔ kannin sa tititi-ɔ. Ɔ Nyanmiɛn'n yɛ ɔ ´yo kɛ like b'ɔ kpaja ɔ su sa-a .

Ezai 64:3

E nian ti-mɛn i le kɛ like uflɛ wie ɔ'a yo i sɔ sa ɔ'a man be nga be fa bé wla guɛ i su'n le, be nian kɛn-mɛn i sɔ nian kle-man ye le, e nian wun-mɛn i sɔ nin e nyinma le .

Zeremi 17:14

Anannganman, yo min juejue. Sɛ a yo min juejue-ɔ, n ´yo juejue sakpa. De min. Sɛ a de min-ɔn, n ´nyan n ti sakpa. Afin wɔ yɛ man n di alaje-ɔ.

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Zozie 24:18

Anannganman yɛ ɔ fuannin nvle beblebe sɔ mun e nyrun-ɔn. I yɛ ɔ fuannin Amɔrfuɛ nga be tran mɛn nga nun laa nin-ɔn. I sɔ'n ti, e kusu e ´su Anannganman. I yɛ ɔ ti e Nyanmiɛn nin-ɔn.»

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .

1 Samiɛl 12:24

Amun kusu amun nyin `yi Anannganman, amun nian nun be su i nanwlɛ su. An `bu sa dandan ng'ɔ yoli mannin amun'n be akunndan.