Mmla'n 10:15 - NYANMIƐN NDƐ'N 1998

¹⁵ Amun nannan'm be kunngba cɛ yɛ Anannganman fɛli i wun mantannin be-ɔ. Be kunngba cɛ yɛ ɔ kloli be-ɔ. Ɔ man nvle'm be kwlaa be nun'n, ɔ fali amun bɔ amun wo lɛ ndɛkɛn yɛ'n, bɔ amun ti be anunman mun'n. Amun si sɔ.

Mmla'n 10:15 ပူးပေါင်းရင်းမြစ်များ

Jue Mun 135:4

Ɔ fali Zakɔb nin Izraɛlfuɛ mun kɛ be yo i bɔbɔ i liɛ .

Jue Mun 44:3

Be kan kleli ye kɛ a deli nvle wie'm be lika'n a fa mannin be kɛ be `tran nun. A kleli nvle sɔ'm be nyrɛnnɛn nan ɔ nvlefuɛ'm b'a nyan tranwlɛ.

Amɔs 3:2

«Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Kalɛ 14:8

Sɛ Anannganman jran é sin-ɔn, ɔ ´fa e kɔ mɛn sɔ'n nun lɔ yɛ ɔ ´fa man ye. Mɛn sɔ'n, i asiɛ'n ɔ yo like ye kpa. I kunngba'n ɔ ti nnɛn tawlɛ klanman.

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .