Mmla'n 1:43 - NYANMIƐN NDƐ'N 1998

⁴³ N kɛnnin sɔ n kleli amun, sanngɛ amu'an fa-man amun ti b'a de-man. Amun yoli nyin kekle Anannganman su. Amun sili amun wue nun be ɔli oka-oka lika'n nun lɔ,

Mmla'n 1:43 ပူးပေါင်းရင်းမြစ်များ

Ezai 63:10

Sanngɛ be yoli nyin kekle, be boli Nyanmiɛn i Wawɛ'n i wla. Nyanmiɛn ɔ'a klo-man be sa kun, kpɛkuun i bɔbɔ yɛ ɔ nin be kunnin siɛn nin-ɔn.

Kalɛ 14:40

I sɔ'n ti be jasoli nglɛmun ndɛ kpa, be ɔli oka'n su lɔ nan b'a se kɛ: «E yoli sa tɛ, ɔ man i ti lika nga Anannganman kleli ye'n, e waan e ´kɔ lɔ siɛn'n.»

Kalɛ 14:44

Be fali bé nyin kekle kɛ be ´kɔ oka-oka lika'n nun lɔ. Sanngɛ Moiz nin Nyanmiɛn i alaka'n b'a tu-man bé bo ngblaliɛ'n nun lɛ.

Kalɛ 15:30

Sanngɛ sɛ sran kun, sɛ ɔnvuɛ o, sɛ aofuɛ o, bɔ nán sanvuɛsa yɛ ɔ nyɛnnin i-ɔ, nan ɔ yo nyinfu sa'n, be `kɛn i bo min mma'm be afiɛn.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Mmla'n 1:26

Sanngɛ amun waan amun kɔ-man mɛn sɔ'n nun. Amun yoli nyin kekle Anannganman amun Nyanmiɛn'n i su.

Mmla'n 17:12

Ndɛ nga Nyanmiɛn nyrun jranfuɛ b'ɔ di junman Anannganman amun Nyanmiɛn'n i sua'n nun'n annzɛ jɔlɛ difuɛ'n be kan'n, sɛ wun tufuɛ wie fa-man su'n, man be kun i sɔfuɛ'n. Amun `yi sa tɛ'n Izraɛl mɛn'n nun kɛ ng'ɔ o lɛ'n sa.